Новости за 20.01.2021

2020-жылы жайында коронавирус пандемиясы Кыргызстанда күчөп турган убакта дарылоого керектүү антикоагулянттардын тизмеси камтылган протоколду кайсы бир аткаминер бир айдан ашык иш бөлмөсүндө жашырган. Бул тууралуу пандемиянын кесепети боюнча комиссиянын иликтөөсүндө белгилүү болгон. Вице-премьер-министр Элвира Сурабалдиева «Азаттыктагы» маегинде коронавирусту дарылоо боюнча №3 протокол былтыр май айында иштелип чыкса, июнь айынын ортосуна чейин дарыгерлерге берилбегенин билдирди: «Коронавирус менен күрөшүү үчүн түзөтүлүп... Читать дальше...

Ички иштер министрлиги (ИИМ) Жаза аткаруу мамлекеттик кызматынын тапшырмасы менен уюшкан кылмыштуу топтун активдүү мүчөсү деген Мурсалым Умырзаков кармалганын билдирди. ИИМ Умырзаков Жаза аткаруу кызматынын Тергөө кызматы тарабынан Жазык кодексинин 204-беренеси («Алдамчылык») менен Кылмыштардын жана жоруктардын бирдиктүү реестрине катталган иш боюнча кармалганын билдирди. Учурда шектүү мекеменин Тергөө кызматына жеткирилип, иликтөө иштери жүрүп жатат. Милиция буга чейин Мурсалым Умырзаков кылмыш... Читать дальше...

Жогорку Кеңеш үй-бүлөлүк зомбулукка айыпталгандарга жазаны күчөткөн мыйзам долбоорун экинчи окууда кабыл алды. Киргизилип жаткан жаңы өзгөртүүгө ылайык, жабырлануучу тосмо арыз жазганына карабай ага зомбулук көрсөткөн киши жазага тартылат. Расмий маалымат боюнча, Кыргызстанда үй-бүлөлүк зомбулук фактылары көп учурда тараптардын жарашуусу менен аяктап, сотко жылына миңге жетпеген гана иш өтөт. «Үй-бүлөлүк зомбулук менен күрөш чөйрөсүндөгү айрым мыйзам актыларына өзгөртүүлөрдү киргизүү жөнүндө»... Читать дальше...

Кыргызстандын Улуттук коопсуздук боюнча мамлекеттик комитети (УКМК) Бишкектеги «Нават» ресторандар түйүнүнүн энчилеши Сергей Острецовдун камакка алынганы тууралуу маалыматтарга комментарий берди. Атайын кызматтын 20-январдагы маалыматында «Острецов басым көрсөтүү жана ал ээлик кылган компаниялардагы үлүштөрдү тартып алуу максатында кармалды» деген кабарлар жалган экени айтылат. Ошол эле учурда УКМК 2009-жылдан бери күрөөканага жамынып мыйзамсыз банк ишмердигин жүргүзүү жана чоң өлчөмдө салыкты... Читать дальше...

Кыргызстанда өткөн президенттик шайлоодо айрым талапкерлер өзүнүн диндар экенин көрсөтүүгө аракет кылып, теледебаттарда диний көз караштагы чакырык таштоого үлгүрдү. Кийинки жылдары буга чейинки шайлоо жараяндарында да талапкерлер динди колдонгон бир нече факты байкалган. Талапкердин жарандарга диний ишенимин таңуулашы, элге ушул жол менен таасир этүү аракети кыргыз мыйзамдарына дал келеби? Бул жагдай мамлекеттик башкарууда кандай оош-кыйыштарды жаратат?

Кыргызстанда өкмөттүк мекемелерге жана жергиликтүү бийлик органдарына элдин ишеними бир жыл мурункуга салыштырмалуу дээрлик 3% азайды. Бул тууралуу Улуттук статистика комитети 20-январда жарыялаган кыска баяндамада айтылат.  Комитет 2020-жылдын декабрында эл арасында сурамжылоо жүргүзгөн. Ага 18ден 75 жаш курактагы 3600 респондент суралган.  Эң төмөн көрсөткүч Мамлекеттик бажы кызматына таандык. Сурамжылоого катышкандардын 3,6% гана ишеним билдирген.  Жаза аткаруу мамлекеттик кызматына, Мамлекеттик мүлк фондуна... Читать дальше...

Кыргызстанда өткөн президенттик шайлоодо айрым талапкерлер өзүнүн диндар экенин көрсөтүүгө аракет кылып, теледебаттарда диний көз караштагы чакырык таштоого үлгүрдү. Кийинки жылдары буга чейинки шайлоо жараяндарында да талапкерлер динди колдонгон бир нече факты байкалган. Талапкердин жарандарга диний ишенимин таңуулашы, элге ушул жол менен таасир этүү аракети кыргыз мыйзамдарына дал келеби? Бул жагдай мамлекеттик башкарууда кандай оош-кыйыштарды жаратат? «Биз жана дин» түрмөгүндө эксперт Канатбек... Читать дальше...

Кытай АКШнын мамлекеттик катчысы Майк Помпеонун геноцид тууралуу билдирүүсүн четке какты. Тышкы иштер министрлигинин басма сөз өкүлү Хуа Чуньин Бээжинде бүгүнкү брифингде Шинжаңда геноцид «буга чейин эч качан болгон эмес, азыр да болгон жок жана келечекте да андайга эч качан жол берилбейт» деп айтты. 19-январда Помпео Кытайды уйгур жана башка мусулман азчылыктарына карата «геноцид жана адамзатка каршы кылмыш» кылганы үчүн айыптаган. Кызматтык мөөнөтү соңуна чыгып бараткан башкы дипломат өзү тараткан... Читать дальше...

Нарын облустук ички иштер башкармалыгы Жумгалдын Сары-Жайык кыштоосундагы сарайда чабан айылдашын атып өлтүрүп алганын кабарлады. Окуя 19-январда болгон. Баштапкы маалыматка караганда, сарайда  Баш-Кууганды айылынын 23 жана 39 жаштагы тургундары чатакташа кетишкен.  23 жаштагы чабан жанында көтөрүп жүргөн документи жок сайсыз ИЖ-18 үлгүсүндөгү 12 калибрдеги курал менен берки кишинин автоунаасынын арткы терезесине атканда, ок машиненин ичинде отурган башка бир 38 жаштагы тургунга тийген. Милицияга... Читать дальше...

АКШнын шайланган президенти Жо Байден мамлекеттик катчылык кызматка талакерлигин көрсөткөн Энтони Блинкен жаңы администрация Иран менен «узагыраак жана күчтүүрөөк» келишим иштеп чыгууга аракеттенерин билдирди. Талапкерлигин караган Сенаттагы жыйында Блинкен Тегеран менен жаңы келишимге жетишүү үчүн дагы «узак жол басып өтүү» керек экенин белгиледи. Байден буга чейин Вашинтондун 2015-жылкы келишимге кайтышын каалай турганын билдирген. Бирок бул үчүн Иран документте каралган милдеттенмелерин аткаруу тийиш деп кошумчалаган. Читать дальше...

Жогорку соттун судьясы, мыйзамсыз баюу боюнча айыпталып камакка алынган Камил Осмоналиев кызматынан убактылуу четтетилди. Мындай чечим парламенттин 20-январдагы сессиясында кабыл алынды. 19-январда парламенттин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети Осмоналиевди кызматтан алуу боюнча чечимге келген. Жогорку Кеңештин 20-январдагы сессиясында президенттин парламенттеги өкүлү Анарбек Калматов  Камил Осмоналиевди кызматынан бошотуу жана... Читать дальше...

Өзбекстанда «Pfizer-BioNTech» вакцинасы менен биринчи кезекте дарыгерлер жана улгайган адамдар эмделет. Бул тууралуу «Daryo.uz» онлайн басылмасына Санитардык-эпидемиологиялык кызматтын жетекчисинин орун басары Ботиржон Курбонов билдирди. Анын айтымында, кары-картаңдарга коронавируска каршы препарат ыктыярдуу негизде сайылат. 18-январда Өзбекстан сөз болгон компаниялар чыгарган вакцинадан 100 миң доза заказ бергени кабарланган. Курбонов бул көлөм 50 миң кишини эмдөөгө жетерин, вакцинаны минус 70 градуста сакташ керек экенин кошумчалады. Читать дальше...

АКШда кызматтык мөөнөтү соңуна чыгып бараткан мамлекеттик катчы Майк Помпео Кытайды уйгур жана башка мусулман азчылыктарына карата "геноцид" жана "адамзатына каршы кылмыш" кылганы үчүн айыптады. Кытай бул дооматтарды кайрадан четке какты.

Кыргызстанда төрөлгөн Денис Логунов COVID-19га каршы дүйнөдө биринчи түзүлгөн россиялык вакциналардын бири "Спутник V" препаратынын түзүүчүсү экени белгилүү болду.

АКШ мамлекеттик катчысы Майк Помпео Кытайды уйгур жана башка мусулман азчылыктарына карата «геноцид жана адамзатка каршы кылмыш» кылууда деп айыптады. Кызматтык мөөнөтү соңуна чыгып бараткан башкы дипломат тараткан билдирүүдө Кытайдын Коммунисттик партиясынын «жетекчилиги жана көзөмөлү» астында «бул геноцид уланып жатат жана биз уйгурларды жок кылуу аракети токтобой жатканына күбө болуудабыз» деп айтылат. Помпеонун кайрылуусу шайланган президент Жо Байдендин инаугурациясына бир күн калганда, 19-январда жарыяланды. Читать дальше...

Парламенттин 20-январдагы сессиясында Дамирбек Назаровдун Жогорку соттун судьялыгына талапкерлиги каралды. Президенттин парламенттеги өкүлү Анарбек Калматов жыйында билдиргендей, Назаровдун талапкерлигин Жогорку соттун судьялыгына бекитүү тууралуу мамлекет башчынын милдетин аткарып жаткан спикер Талант Мамытов сунуш киргизген. Калматов Жогорку соттун судьясы Камил Осмоналиевди кызматынан бошотуу жана кылмыш жообуна тартуу тууралуу Соттор кеңешинин Тартип комиссиясынын чечими чыкканын маалымдады. Читать дальше...

АКШнын президенти Дональд Трамп кызматтагы акыркы күнүндө 73 кишиге, анын ичинде мурдагы кеңешчиси Стив Бэннонго ырайым берди. 2016-жылы оңчул «Breitbart News» журналынын директорлор кеңешинин мурдагы жетекчиси Бэннон Трамптын шайлоо штабын жетектеген. Кийин президенттин кеңешчиси болуп дайындалып, 2017-жылы кызматынан алынган. Августта Мексика менен чек арада дубал тургузууга акча чогулткан компаниянын бир миллион доллардан көп каражатын кымырган деп шек саналып, бирок күнөөсүн моюнга алган эмес. Читать дальше...

Жалал-Абад облусундагы Базар-Коргон айылына шаар макамын берүү тууралуу мыйзам долбоору парламенттин 20-январдагы сессиясында  каралды. Анда административдик-аймактык бирдик катары Базар-Коргон шаарын түзүү сунуш кылынган. Базар-Коргон айыл аймагы ушундай эле аталыштагы райондун борбору болуп саналат. Расмий маалыматка караганда, айыл аймагындагы 12424 кожолукта 58 842 киши жашайт. Айыл аймагына беш айыл менен калктуу конуш кирет.  Базар-Коргон шаарын түзүү тууралуу мыйзам долбоорунан тышкары... Читать дальше...

Кошмо Штаттарда да, Европа Биримдигинде да COVID-19 илдетинен көз жумгандардын саны 400 миң адамдан ашты. Атлантиканын эки тарабында тең вирусту ооздуктоо максатында эмдөө иши күч алууда. АКШда өткөн айда 100 миң киши коронавирустан каза болду, ооруканалар бейтаптарга толуп калып, медкызматкерлерге чоң күч келүүдө. Инаугурациясынын алдында Жо Байден Вашингтондо жалпы элдик эскерүү жөрөлгөсүнө катышып, пандемиянын курмандыктары унутулбай турганын айтты. 20-январда Европа комиссиясы шаркеттин... Читать дальше...

Премьер-министрдин милдетин аткарып жаткан биринчи вице-премьер Артем Новиков 20-январда бажыдагы инфратүзүмдү жакшыртуу боюнча кеңешме өткөрдү. Бул тууралуу өкмөттүн басма сөз кызматы билдирди. Маалыматка караганда, жыйында Новиков Кыргызстанга Кытайдан келген товарлардын көлөмүн көбөйтүү үчүн берилген тапшырмалар өз убагында аткарылбай калганын сынга алды: «Бажы тармагындагы тиешелүү инфратүзүмдүн курулушу кечигип жатканы үчүн өзүбүздү актай албайбыз. Бир жарым ай мурда, жүк ташуунун азайып кетишинин себептерин карап чыкканыбызда... Читать дальше...

Ирандын президенти Хасан Роухани АКШнын шайланган президенти Жо Байденди Тегеран менен дүйнөлүк державалар түзгөн келишимге кайтууга жана санкцияларды алып салууга үндөдү. «Топ азыр АКШ тарабында. Вашингтон Ирандын 2015-жылкы өзөктүк келишимине кайтса, биз да документте каралган милдеттенмелерибизди толук аткарабыз», - деп айтты Роухани министрлер кабинетинин жыйынында. Сөз болгон келишимге кол коюлганда Байден вице-президент болуп турган. Вашингтон менен Тегерандын ортосундагы мамилелер 2018-жылы... Читать дальше...

Улуттук коопсуздук боюнча мамлекеттик комитет (УКМК) ири өлчөмдө синтетикалык баңгизат кармалганын билдирди. Расмий маалыматка ылайык, 19-январда Ош шаарында колго түшүрүлгөн жүк ташуучу машинедеги 42 жащикте баңгизат жасоого жана сатууга багытталган бир тоннадан ашуун химиялык суюктук болгон. Экспертизанын корутундусуна ылайык, андагы аммиак суусунун эритмеси болжол менен 20-21% түзөт. Кылмышка шектүү катары жүктүн ээси кармалып, УКМКнын Оштогу башкармалыгынын тергөө абагына киргизилди. Кыргыз... Читать дальше...

Кыргызстанда эркектердин жумушка орношуусу 72%, аялдардын жумушка орношуусу 43% түзөт. Мындай тыянакты Улуттук статистика комитети 2019-жыл боюнча иликтөөсүндө чыгарган. Бул тууралуу маалыматты комитет 20-январда таратты. Ишке орношкон аялдардын арасында 20-34 жаштагылар азыраак, бул курактагы кыз-келиндердин көбү бала төрөгөндүктөн үйдө отурат. Кызмат көрсөтүү тармагында аялдар көбүрөөк иштешет. Саламаттык сактоо тармагында 81%, билим берүүдө 79% кыз-келиндер эмгектенишет. Өндүрүштө, тоо-кен... Читать дальше...

Бишкектеги № 3 балдардын клиникалык тез жардам ооруканасынын мурдагы башкы дарыгери Талант Өмүрбеков коронавирус жугузуп алгандан кийин эки өпкөсү тең кагынып 19-январда ооруканага түштү. Азыр ал Республикалык жугуштуу оорулар бейтапканасынын реанимация бөлүмүндө жатат. Бул тууралуу оорукананын башкы дарыгери Гүлжигит Аалиев "Азаттыкка" билдирди. "Өмүрбековго коронавирус козгогон эки тараптуу пневмония деген диагноз койдук. Оор абалда келген. Азыр абалы бир аз турукташып калды десек болот, бирок оор. Читать дальше...

Борбордук шайлоо комиссиясы (БШК) Ош шаарындагы № 5319, 5320, 5559 тилкелердеги добуштарды кайра санайт. Мындай чечим БШКнын 20-январдагы жыйынында кабыл алынганын мекеменин басма сөз кызматы билдирди. Ал тилкелерде добуш берүүдө мыйзам бузулганы тууралуу президенттикке талапкерлигин койгон Курсан Асанов арыз жазган. БШКнын маалыматына караганда, Асанов өзү үчүн добуш берген кишилердин аты-жөнүн көрсөтүп, бирок алардын саны аталган тилкелердеги добуштарга дал келбей жатканын белгилеген. Курсан... Читать дальше...