Новости за 05.02.2021

Орусиядагы оппозициячыл лидер Алексей Навальный өзүнө каршы башталган жаңы сот жүрүмүнө байланыштуу орус бийликтерин “жалаа жаап, кошумча доо таккысы келет” деп кескин сынга алды. Абакта жаткан оппозициячыл саясатчы Алексей Навальный орусиялык аткаминерлерди ага карата жалган жалааны "ойдон чыгарды" деп айыптады. Расмий Кремлди колдогон бир нече киши чагылдырылган видео тасмага карата Навальныйдын “Твиттерде” жазган пикирлерин бийликтер кишинин беделине шек келтирүү катары баалап жатышкандыгын ал ушундайча сынга алды. Читать дальше...

Улуттук коопсуздук мамлекеттик комитетинин төрагасы Камчыбек Ташиев 6-февралдан тарта чет өлкөгө дарыланууга кетип жатканын билдирди. Бул тууралуу Ташиев "Фейсбуктагы" баракчасына жазды.   “Мен 6-февралда эртең менен дарыланууга чет жакка бара жатам. Себеби биздин врач, профессор Калдарбек Абдрамановдун сунушу менен барууга мажбур болуп турам” -деген УКМКнын төрагасы элдин келечеги үчүн "бүт өмүрүмдү арноого милдеттүүмүн" деп жазды.  Ташиев дарылануу үчүн кайсы өлкөгө кетип жатканын жана дарты эмне экенин тактаган жок. Читать дальше...

Кыргызстанда жаңы бекиген өкмөттүн курамы менен бирге түзүмү да кыйла өзгөрдү. Өкмөттөгү жетекчи кызмат орундардын саны 48ден 16га кыскарды. Калган мекемелердин баары 12 министрликке биригип, ирилеше турган болду. «Азаттыктын» түшүндүрмө видеосу.

Беларустун Минск шаардык соту блогер Павел Спиринди 4,5 жыл күчөтүлгөн режимдеги абакка кести. Дал ушундай айыпты прокуратура 36 жаштагы блогерге жаза катары сураган. Спиринге карата «социалдык кастыкты атайлап козутуу» деген берене боюнча айып тагылган. Ал былтыр сентябрда кармалып, камакка алынган. Блогерге кылмыш иши "YouTube" порталына жайгаштырган эки тасмага байланыштуу козголгон. Спирин өзү иликтөө деп атаган тасмада Беларустагы наркотрафик жөнүндө сөз болот. Аны экстремисттик материалдар тизмесине киргизген. Читать дальше...

Орусия Швеция, Польша жана Германиянын үч дипломатын персона нон-грата деп жарыялап, өлкөдөн чыгарат. Орус бийлиги аталган дипломаттар 2021-жылдын 23-январдагы мыйзамсыз акцияларга катышканы үчүн ушундай чечим кабыл алган. 5-февралда Тышкы иштер министрлигине Швециянын элчиси, Польшанын убактылуу өкүлү, Германиянын дипломаты чакырылып, аларга дипломаттар тууралуу чечим тапшырылды. Анда “Дипломатиялык алакалар жөнүндө Вена конвенциясына ылайык, мыйзамсыз иш-аракеттерге катышкан дипломаттар персона нон-грата деп жарыяланат. Читать дальше...

Премьер-министр Улукбек Марипов 5-февралда Алматыдагы эл аралык форумда сүйлөп жатып ЕАЭБ аймагында бирдиктүү инфраструктуралык долбоорлорду ишке ашырууну сунуш кылды. "Биримдиктин ар бир өлкөсү санариптик трансформацияда белгилүү натыйжаларга жетишти. Ага карабастан товарлардын эркин жүрүшүн, транзиттик потенциалды өнүктүрүүнү, экспортту, жарандардын эркин жүрүүсүн камсыздоо милдеттерин чечүү үчүн интеграцияны өнүктүрүүгө багытталган санариптик демилгелерди колдоо зарыл". Улукбек Марипов Кыргызстан бизнести өнүктүрүү... Читать дальше...

Египетте абакта отурган “Аль-Жазира” каналынын журналисти Махмуд Хусейн бошотулду. Ал акыркы беш жылдан бери камакта жаткан. Египеттеги журналисттер обсерваториясы Каирдин соту ушул апта башында Хусейнди абактан бошотуу боюнча чечим чыгарганын билдирген. 2016-жылдын 23-декабрынан бери абакта отурган журналист 4-февралда кечке маал эркиндикке чыкканы кабарланды. Бирок Адам укугу боюнча араб түйүнүнүн башчысы Гамаль Эйд журналистти бошотуу боюнча чечим кабыл алынса да, ал азырынча үйүнө келе электигин билдирди. Читать дальше...

Жогорку сот төрайым  Гүлбара Калиевага карата дагы бир иш боюнча териштирүү башталганы тууралуу УКМКнын билдирүүсүнө комментарий берди. Мекеменин басма сөз кызматынын билдирүүсүндө атайын кызматтын маалыматы негизсиз экени айтылган. Фактысы жок мындай маалыматтар сот системасынын аброюна шек келтирери белгиленген. Билдирүүгө караганда, төрайым Гүлбара Калиева 2020-жылдын февралында Свердлов райондук сотунун судьясынын этикага туура келбеген жоругу боюнча мыйзам чегинде аракет көрүп, Тартип комиссиясына кайрылган. Читать дальше...

Баткенде премьер-министр Улукбек Мариповдун Төрткүлгө байланыштуу билдирүүсүнө нааразылар митингге чыгышты. Президент Садыр Жапаровдун бир тууган эжеси Райкүл Жапарованын кылмыш иши кайра тергелет. Бельгияда ирандык дипломат Асадулла Асади 20 жылга кесилди.

Интернет доорунда өз алдынча билим алуу кыйла жеңил болуп калды. Көпчүлүктөн айырмаланып социалдык тармактарды, мобилдик тиркемелерди туура багытта колдонуп, үйдөн чыкпай эле иштегендер да жок эмес. "Азаттык плюстун" командасы Жалал-Абаддан дал ушундай жаштар менен жолугуп келди. Интернеттен өзүн өнүктүргөн жаштар менен сиз да таанышып алыңыз.

Кыш чилдесинде жазгы талаа жумуштарын баштаган айылдыктар май айында биринчи түшүмдү алабыз деп тилек кылып турушат. Өткөн жылы бул аймакка кыш эрте келип, кеч күздө эгилген жашылчалар терилбей калган. Бул жылы кар астында калган сабиздер казылып базарга чыга баштаган.

Кыргызстанда министрлик, агенттик жана комитеттерди кыскартып, мобилдүү өкмөт түзүү аракети жарыяланды. Мамлекеттик мекемелердин көбү үчүн күтүүсүз болгон мындай оош-кыйыш абал Миграция кызматын да арасат абалга кептеди. Азырынча бул органдын кайсы министрликке берилери, тагдыры кандай чечилери белгисиз. Бул чет жактагы мекендештерди тынчсыздандырууда. Миграция кызматынын тагдыры кандай болору 3-февралда Жогорку Кеңеште жаңы өкмөттүн курамы менен программасын бекиткен жыйынында көтөрүлгөн. «Министрликтер азайып... Читать дальше...

Грузиянын мурдагы президенти, Украинанын реформалар боюнча Улуттук кеңешинин аткаруучу комитетинин төрагасы Михаил Саакашвили “Азаттыкка” курган эксклюзивдүү маекте Грузиядагы реформалардын тажрыйбасы менен бөлүшүп, Кыргызстандын жаңы бийлигине бир катар кеп-кеңештерин айтты.  - Саакашвили мырза, сиз 2011-жылы Кыргызстанга барып кеткенсиз. Биздин өлкөдөгү соңку окуяларга да байкоо салып турсаңыз керек. 10 жыл мурун барып кеткенде Кыргызстандын тез, динамикалуу өнүгүүсү үчүн потенциалы бар беле? Читать дальше...

UFC уюмунун башчысы Дана Уайт өткөн жылдын аягында промоушендеги мушкерлер тизмеси тазаланарын айткан.

Пейдж Ванзант өткөн жылдын октябрь айында UFC уюмунан кетип, учурда мээлейсиз, муштум менен урушкан таймаштын Bare Knuckle FC лигасында дебюттук беттешке даярданып жатат.

Бишкектин Биринчи май райондук соту Жогорку Кеңештин депутаты, академик Кубанычбек Жумалиевди 4-апрелге чейин камакта калтырды. Аны Улуттук коопсуздук мамлекеттик комитети (УКМК) 4-февралда кармап, ошол эле күнү сотто бөгөт чарасы аныкталды. Жактоочулары муну шашылыш чыгарылган чечим катары баалап, шектүүнүн жашы жана саламаттыгы эске алынбаганын сындашууда. Кармоо жана эки айлык камак Атайын кызмат академик Жумалиевге Жазык кодексинин 319-беренеси («Коррупция») менен кылмыш ишин козгоду. Расмий маалыматка ылайык... Читать дальше...

Кыргыз өкмөтү өлкө аймагында иштеген кытай жарандарынын жана ишканаларынын коопсуздугун камсыз кылуу боюнча тийиштүү чараларды көрөт. Бул тууралуу тышкы иштер министри (ТИМ) Руслан Казакбаев 5-февралда кытай элчиси Ду Дэвен менен жолугушууда айтканын мекеменин басма сөз кызматы кабарлады. ТИМ башчысы жаңы президент Садыр Жапаровдун алгачкы жарлыктары менчик укуктарын коргоого, ишканаларды негизсиз текшерүүнү токтотууга, инвесторлордун ишенимин арттырууга жана алар үчүн ыңгайлуу шарт түзүп берүүгө багытталганын билдирди. Читать дальше...

Оппозициячыл саясатчы Алексей Навальный ууландырылгандан кийин Евробиримдик менен Орусиянын ортосундагы мамиле бузулду. Бул тууралуу Москвага сапар менен келген Евробиримдиктин тышкы саясат боюнча комиссары Жозеп Боррел сүйлөшүүлөргө чейин басма сөз жыйынында билдирди. “Биздин алакалар чынында чыңалган абалда, Навальныйдын айланасындагы кырдаал ого бетер курчутту”, - деди Боррелл. Маалымат жыйынга катышкан Орусиянын тышкы иштер министри Сергей Лавров Евробиримдик менен Орусиянын мамилесинин... Читать дальше...

Жогорку сот президенттин бир тууган эжеси Райкүл Жапаровага карата буга чейин чыккан чечимдердин жокко чыгарылышы тууралуу маалымат берди. Мекеменин басма сөз кызматы "Азаттыкка" билдиргендей, Жапарованын адвокаттарынын ишти жаңы жагдайлардан улам кайра кароо тууралуу өтүнүчү ушул жылдын 25-январында канааттандырылды.  Буга чейинки үч инстанциянын чечимдери жокко чыгарылып, кылмыш иши тергөө үчүн Башкы прокуратурага жөнөтүлгөн.    Райкүл Жапарованы күнөөлүү деп тапкан сот чечимдери жокко чыгарылганын... Читать дальше...

Аскер прокуратурасы “Апрель ТВ” телеканалынын эфирге кайрадан чыгышына уруксат берген сот чечимине каршы Бишкек шаардык сотуна арызданды. Бул тууралуу маалымат 5-февралда телеканалдын расмий сайтына жарыяланды. Анда айтылгандай, бул арыз карала турган жарандык процесс боюнча соттук отурум 25-февралга белгиленди. Былтыр 29-декабрда Бишкектин Октябрь райондук соту Аскер прокуратурасынын “Санарип технологиялар” жана “Апрель ТВ” жоопкерчилиги чектелген коомдоруна каршы экономикалык доосун карап, аны канааттандыруудан баш тарткан. Читать дальше...

Башкы прокурор Курманкул Зулушев экс-президент Сооронбай Жээнбеков сотко күбө катары чакырылса, барышы керек деп эсептейт. Бул тууралуу ал бүгүн, 5-февралда Бишкекте өткөн пресс-конференцияда “Азаттыктын” суроосуна жооп берип жатып айтты. Башкы көзөмөл мекемесинин жетекчиси белгилегендей, эгер Жээнбеков айыпталып чакырылса, башка маселе, ал эми күбө катары чакырылып жатса барып, көрсөтмөсүн бергени туура болот: “Эгер ошондой зарыл талап болсо барып, көрсөтмө бериши керек. А жоопко тартуу, бул өзүнчө маселе, себеби статус бар. Читать дальше...

Жо Байден Кошмо Штаттардын тышкы саясатындагы жаңы доорду убада кылып, «Америка дүйнөлүк аренага кайтканын» билдирди. Бул тууралуу ал Мамлекеттик департаментте жасаган билдирүүсүндө айтып чыкты. Байден өнөктөштөр менен кызматташууну жандантып, Кытай менен Орусиянын авторитаризмине каршы турууга сөз берди. 4-февралда жасаган тышкы саясат тууралуу алгачкы билдирүүсүндө Байден анын администрациясы кайрадан дүйнө лидерилигине умтуларына басым жасады. Жо Байден мурдагы президент Дональд Трамптын... Читать дальше...

Кыргызстандын Жогорку соту президент Садыр Жапаровдун бир тууган эжеси Райкүл Жапарованы күнөөлүү деп тапкан чечимди 25-январда жокко чыгарды. Бул тууралуу башкы прокурор Курманкул Зулушев 5-февралда Бишкекте өткөн басма сөз жыйында билдирди. «Жогорку соттун токтому менен Райкүл Жапаровага карата сот чечимдери жокко чыгып, баш коргоо чарасы өзгөртүлгөн. Ага жанагыдай суроо-талаптын кереги жок. Кыргызстанга эркин келсе болот», - деди Зулушев. Жыйында Башкы прокуратуранын өкүлдөрү Жапарова боюнча биринчи жана экинчи инстанциянын чечимдерин... Читать дальше...

Москванын Бабушкинский сотунда оппозициячыл саясатчы Алексей Навальныйдын үстүнөн сот жараяны өтүп жатат. Бул жолу сотто саясатчы "Экинчи Дүйнөлүк согуштун 95 жаштагы ардагерине жалган жалаа жапты” деген арыз каралууда. Бул иш боюнча жараян былтыр башталган. Кийин Алексей Навальный ууландырылып, Германияда дарыланып жатканына байланыштуу убактылуу токтоп турган. Эми оппозиционер Орусияга кайтып келип, камакка алынган соң иш кайра карала баштады. Бул арыз боюнча Алексей Навальныйга кылмыш иши 2020-жылы июнь айында козголгон. Читать дальше...

Бишкек шаарынын прокурору Темирбек Бекмаматов жана Ош шаарынын прокурору Кубат Абдраимов өз каалоосу боюнча кызматтан кетишти. Бул тууралуу 5-февралда Бишкекте өткөн пресс-конференцияда башкы прокурор Курманкул Зулушев билдирди: "Экөө тең  ден соолугуна байланыштуу жазган арызына ылайык кызматтан бүгүн кетишти. Экөө тең акыркы жарым жылдан ашык ооруп жүргөн экен. Өздөрүнүн суранычы болду". Бекмаматов жана Абдраимов бул кызматтарга 2018-жылдын октябрь айында дайындалышкан. (RK)