Новости за 06.04.2021

Кыргызстанда соңку бир сутка ичинде коронавирус дагы эки бейтаптын өмүрүн алды. Саламаттык сактоо жана социалдык өнүгүү министринин орун басары Улук-Бек Бектурганов 6-апрелдеги брифингде билдиргендей, бир суткада вирус 124 кишиден жаңы аныкталды. Акыркы күндөрдө илдетке чалдыккандар айыккандардан кыйла көп болууда. Оору жугузуп алгандар негизинен Бишкек менен Чүйдө көп катталып жатат. Министрликтин жаңы эсеби боюнча пандемия башталган 2020-жылдын март айынан тартып вирустан кайтыш болгондордун жалпы саны 1509 кишиге жетти. Читать дальше...

Кыргызстанда алтын-күмүш казылса да жергиликтүү зергерлер анын 2-3% гана иштетишет. Эгер бул тармак жолго коюлса мамлекеттик казынага акча түшүп, миңдеген жумушчу орундары түзүлмөк. Ош шаардык бийлиги зергерликти өнүктүрүү борборун ачууну пландаган. Аймакта зергерлер ассоциациясы түзүлүп, аны Надырбек Момунбаев жетектейт. Колунан көөрү төгүлгөн чебер бул өнөрдүн сырын жана кантип өнүктүрсө болорун айтып берди.

Кыргыз өкмөтүнүн жол эрежесин бузгандардын айып пулун азайтуу демилгесине ылайык Бузуулар кодексинедеги эки берененин айып пулу азайтылат. Бул тууралуу “Азаттык” радиосуна Бишкек шаардык жол көзөмөл башкармалыгынын басма сөз катчысы Тилек Исаев билдирди. 123 – берененин (“Транспорт каражаттарынын айдоочуларынын кыймылдын белгиленген ылдамдыгынан ашуусу”) 1-бөлүмү (“Транспорт каражаттарынын айдоочуларынын кыймылдын белгиленген ылдамдыгынан 10 км/сааттан көп, бирок 20 км/сааттан көп эмес ашуусу”). Читать дальше...

Дзюдо боюнча мындай турнир Кыргызстандын тарыхында алгачкы ирет өтмөкчү. Чемпионат олимпиада оюндарына рейтинг топтоочу мелдештердин катарында турат.

Жергиликтүү кеңештерге депутаттарды шайлоо, ошондой эле, Конституциянын жаңы долбоору боюнча референдумга байланыштуу Ички иштер министрлигинин (ИИМ) кызматкерлери 5-апрелден баштап күчөтүлгөн тартипте иштей баштады. Бул тууралуу министрликтин коомдук коопсуздук кызматынын жетекчиси Сталбек Рахманов дүйшөмбү күнү Борбордук шайлоо комиссиясынын ыкчам чара көрүү тобунун жыйынында айтты. «Мыйзам бузуулар болсо ыкчам чара көрүү топтору менен биргеликте тез аранын ичинде чара көрүү тууралуу ички иштер министринин талаптары коюлган»... Читать дальше...

Жогорку Кеңештин Экономикалык жана фискалдык саясат боюнча комитетинин 6-апрелдеги жыйынында Ысык-Көл облусунун аймагына кумар оюндарына уруксат берүү боюнча мыйзам долбоору каралат. Парламенттин расмий сайтындагы маалыматка ылайык, долбоорду талкуулоого Экономика жана финансы министринин орун басары, Мамлекеттик салык кызматынын төрагасы, Финансы рыногун жөнгө салуу жана көзөмөлдөө мамлекеттик кызматынын жетекчиси чакырылган. Документтин авторлору - Жогорку Кеңештин депутаттары Бактыбек Турусбеков менен Дастанбек Жумабеков. Читать дальше...

Бишкек шаарына борбордук системадан жылуулук берүү бүгүн - 6-апрелде токтотулду. Тиешелүү буйрукка Бишкектин мэринин милдетин аткаруучу Бактыбек Кудайбергенов 5-апрелде кол койгон. Ал эми район башчыларына жылуулук сезонунун аяктоосуна байланыштуу түшүндүрүү иштерин жүргүзүү тапшырылды. Эреже боюнча жылуулук беш сутка бою катары менен тыштагы абанын температурасы +8 градустан жогору болуп турса токтойт. (BTo)

Орусия Федерациясынын президенти Владимир Путин 5-апрелде дароо бир нече мыйзамга кол койду. Алардын бири Путиндин өзүнүн президенттик мөөнөттөрүн «жокко чыгарат». Документке ылайык эки мөөнөт президент болгон Орусиянын жараны кайрадан ал кызматка шайлана албайт. Бирок, мамлекеттин азыркы башчысы бул мыйзам күчүнө кире электе президенттик кызматты аркалагандыктан, бул чектөө ага тиешелүү болбойт. Демек, Владимир Путин эми дагы 2 жолу президенттик шайлоого талапкер катары катыша алат. Владимир... Читать дальше...

«Жалпы иш» коомдук фонду жүргүзгөн сурамжылоого катышкан жашы 18ден жогору 1200 адамдын 73% жергиликтүү кеңештерге депутаттарды шайлоо жөнүндө маалыматы бар. Респонденттердин 61% шайлоо учурунда административдик ресурстарды кыянаттык менен пайдаланууну кадимки тажрыйба экенин айтышкан. Ал эми 20% буга макул эмес. 22% айрым партиялар административдик ресурсту колдонбосо жеңишке жетпейт деп эсептешет. Сурамжылоого катышкандардын 27% «шайлоодо добуш сатып алууга болбойт» деп жооп берсе, 20% тескерисинче... Читать дальше...

Бишкек шаардык аймактык шайлоо комиссиясы шайлоого катышып жаткан «Ишеним» саясий партиясына кат түрүндө эскертүү берди. Борбордук шайлоо комиссиясынын (БШК) маалыматына караганда, «Ынтымак» партиясы муниципиалдык паркка көчөт тиккен. Аймактык шайлоо комиссиясы бул иш-чарада кайрымдуулук белгилери бар жана шайлоо алдындагы үгүт жүргүзүү эрежелерин бузат деп тапты. Бишкек шаардык аймактык шайлоо комиссиясынын 4-апрелдеги жыйынында «Ата-Журт Кыргызстан» партиясына да ушундай эле тартипте эскертүү берилди. Читать дальше...

5-апрелде Бишкекте белгилүү офтальмолог Михаил Медведев каза болду. Бул тууралуу Саламаттык сактоо министринин мурдагы кеңешчиси Елена Баялинова «Фейсбуктагы» баракчасына жазды. Республикалык клиникалык инфекциялык илдеттер ооруканасынын жетекчиси Гүлжигит Алиев маалыматты ырастады. Ал коронавирустан Михаил Медведевдин эки өпкөсү кагынып ооруканага түшкөнүн, абалы жакшырып бир-эки күндө үйүнө чыгат деп турганда каза болуп калганын билдирди. Михаил Медведев 1957-жылы туулган. Караганда мамлекеттик... Читать дальше...

Улуу Британиянын премьер-министри Борис Жонсон Орусиянын аскерлеринин Украина менен чек араг жакын жерлерде  чыңдалгандыгына байланыштуу "олуттуу кооптонуусун" билдирди. Украинанын президенти Владимир Зеленский менен 5-апрелдеги телефон аркылуу баарлашуусунда Жонсон мырза, ошондой эле, Украинанын эгемендигин жана аймактык бүтүндүгүн "чексиз колдой тургандыгын" да баса белгиледи. Ал акыркы күндөрү Украинанын чек арасына жакын аймактардагы орус аскерлеринин олуттуу кыймылы байкалган маалда президент... Читать дальше...

НАСАнын Марстагы “Инженүити” чакан тик учагы, Марска багытталган кытайлык кеме, Эл аралык космос бекетиндеги экспедиция курамынын апрелдеги алмашуусу; адамзат космоско учууну жүзөгө ашырган эл аралык күн, жана башка соңку космостук кабарлар топтому. 06.4.2021. АКШнын НАСА (NASA) космос агенттиги Марс планетасынын кыртышына «Инженүити» («Ingenuity” – «Ойлоп тапкычтык») деп аталган чакан тик учакты жайгаштырды. Бул тик учак НАСА агенттиги быйыл февраль айында Марс планетасына кондурган «Perseverance» («Персевиренс» ... Читать дальше...

Беларустагы ОНТ телеканалы өткөн апта Мамлекеттик коопсуздук комитетинин – КГБнын "Маңкурттар" операциясы" деп аталган тасмасын көрсөттү. Эки бөлүктөн турган видеодо атайын кызматтагы “чыккынчылар” кантип “сырттагы карасанатайларга” маалымат берип турганы баяндалат.