Новости за 24.09.2021

«Азаттыктын» тажик кызматы Тоолуу Бадахшан автоном облусунун Чек ара башкармалыгындагы булагына таянып, "Ансоруллах" тобу (Кыргызстанда тыюу салынган диний уюм) Тажикстанга кол салышы мүмкүн экенин жазды. Маалыматка караганда, тажик бийлиги учурда оперативдик кабарларды иликтеп, ошол эле учурда өлкөнүн күч түзүмдөрүн күжүрмөн даярдыкка келтирген. Куралдуу жоочулардын кол салышы тууралуу кеп-сөздөр бар экенин Тоолуу Бадахшан автоном облустук администрациянын маалымат катчысы Голиб Ниятбеков дагы "Озоди" радиосуна ырастады. Читать дальше...

Евробиримдик шаркетке мүчө бир катар мамлекеттерге жасалган киберчабуулдар үчүн Орусияны айыптап, "жоопкерчиликтүү мамлекеттин" эрежелерин сактоого чакырды. "Айрым биримдикке мүчө мамлекеттер Ghostwriter деп аталган киберчабуул болгонун каттап, аны Орусия менен байланыштырышты. Мындай нерсе кабыл алынгыс. Анткени ал биздин демократиялардын баалуулуктарына, принциптерине, аймактык бүтүндүгүнө жана коопсуздукка коркунуч жаратууга багытталган", - деди шаркеттин тышкы саясат боюнча комиссары Жозеп Боррел 24-сентябрда. Читать дальше...

Ирандын тышкы иштер министри Хосейн Амир Абдоллахяндын айтымында, Тегеран "чукул арада" дүйнөлүк алты держава менен түзүлгөн 2015-жылкы келишимди кайра калыбына келтирүү боюнча сүйлөшүүлөргө кайтат. Иран быйыл Венада өзөктүк келишимди кайра жандандыруу боюнча алты айлампадан турган сүйлөшүүлөргө катышкан. Сүйлөшүүлөр быйыл июнь айында Иранда президенттик шайлоодо Ибрагим Раиси утуп чыккандан кийин токтоп калган. Министрдин билдирүүсүнө чейин Раиси Башкы Ассамблеяга жасаган кайрылуусунда Тегеран келишимди жандантып... Читать дальше...

Роликте Тыныбекова 2019-жылы финалдык беттештин акыркы секундаларында упай алып, жеңишти илип кеткен учуру көрсөтүлгөн.

Акчаңызды чогултуп депозитке салсамбы же мал алып койсомбу деп ойлонуп жатсаңыз, анда “Азаттык плюс” берүүсүнүн кезектеги чыгарылышын сөзсүз көрүңүз. Анткени бул жолу адистер акчаны кантип туура жакка инвестициялоо керектигин айтып беришет.

Беттеш 26-сентябрга караган түнү Лас-Вегас шаарында T-Mobile Arena аренасында өтөт. Убакыт айырмасынан улам кыргызстандыктар бул жолугушууну жекшемби күнү эртең менен көрө алышат.

Кыргызстандын президенттик администрациясы Ооганстанга барган делегация гуманитардык жардам жеткиргенин маалымдады. "Кумтөр ишине" байланыштуу кармалган саясатчылар Асылбек Жээнбековдун, Төрөбай Зулпукаровдун, Жоомарт Оторбаевдин жана Темир Сариевдин камактагы мөөнөтү узартылды. Тажикстандын президенти Эмомали Рахмон "Талибан" кыймылын бардык улуттардын өкүлдөрүн камтыган өкмөт түзүүгө чакырды.

Эгемендиктин 30 жылдыгын белгилеген Кыргызстанда кыргыз тили толук мамлекеттик тил боло алдыбы? Кыргыз тили мамлекеттик макамга ээ болгонуна быйыл 32 жыл толду. 1989-жылы 23-сентябрда “Кыргыз ССРинин мамлекеттик тили жөнүндө” мыйзам кабыл алынып, андан кийин кыргыз тилине мамлекеттик тил макамы берилген. Тургунбай Садыков атындагы Улуттук көркөм сүрөт академиясынын аспирантурасында окуп жаткан сүрөтчү Сергей Худолеев кыргыз тилинде таза сүйлөйт. Ал кыргыздарга кыргызча сүйлөп кайрылганында көп учурда орусча жооп аларын белгиледи. Читать дальше...

Украинанын парламенти олигархтардын саясатка жана экономикага таасирин чектөөнү көздөгөн мыйзам долбоорун колдоду. Президент Владимир Зеленский жардамчысынын автоунаасына кол салуудан кийин кабыл алынган мыйзамды оппозициянын өкүлдөрү кескин сындап чыгышты.

24-сентябрда, 59 жаш курагында театр жана кино актеру, Муса Жангазиев атындагы куурчак театрынын сахна чебери Марат Шаймухамедов жүрөгү кармап көз жумду. Бул тууралуу аталган театрдын эмгек жамааты билдирүү таратты. Марат Шаймухамедов Ташкент шаарындагы Театралдык институттун “Куурчак театрынын артисти” бөлүмүн бүткөн. 1988-жылы Самарканд, Ташкент шаарларынын театрларында эмгек жолун баштап, Бишкектеги республикалык Муса Жангазиев атындагы куурчак театрына келип кирген. Отуз жылдан ашык убакытта... Читать дальше...

Каракол шаардык ички иштер башкармалыгы кош бойлуу аялдын сабалышы тууралуу айыптоого жооп берди. Мекеме 24-сентябрда тараткан маалыматта милицияга карата каралоо жүрүп жатканы, аялдын айткандары чындыкка дал келбей турганы жана жоопкерчиликтен качуу максатында ал коомчулукту адаштырып жатканы айтылды. Милиция билдиргендей, 5-августта аларга эжесинин жана жездесинин зомбулугуна кабылганын айткан 22 жаштагы жергиликтүү келин кайрылган. Арыз Кылмыштардын жана жоруктардын бирдиктүү реестрине “Үй-бүлөдөгү... Читать дальше...

Ооганстандын дүйнө коомчулугу тааный элек жаңы өкмөтүнүн өкүлдөрү менен Кыргызстандын расмий өкүлдөрүнүн Кабул жолугушуусу коомчулуктун көңүлүн бурган окуя болду. Тышкы иштер министринин мурдагы орун басары Талант Кушчубеков бул кадамды Кыргызстандын эркиндеги кадыресе иш катары баалады. - Талант мырза, Кыргызстандын коопсуздук кеңешинин төрагасынын орун басары Таалатбек Масадыков баштаган делегация Ооганстанга гуманитардык жардам жеткирип, өкмөттүк деңгээлдеги жетекчилерине жолукту. Муну кыргыз тараптын күтүүсүз кадамы деп баалоого болобу? Читать дальше...

Кыргызстан менен Өзбекстандын ишкер аялдарынын форуму жергиликтүү ишкерлерге мамлекет тарабынан колдоо жетишсиз экенин ачыктады. Ишкерлер Кыргызстандагы бир катар тармактар акырындап Өзбекстандын товарларына орун бошото баштаганын айтышууда. Өзбекстандын базарын багындыруу оңой эмес Өзбекстандан келген ишкер, жашылча-жемишти кайра иштетүүчү комбинаттын ээси Мамлакат Сидикова ишкер айымдардын бизнес-форумунун алкагында Кыргызстандагы бир катар ишканаларды кыдырып чыкты. Жашылча-жемишти кайра иштетүүчү... Читать дальше...

Кыргызстан менен Өзбекстандын ишкер аялдарынын форуму жергиликтүү ишкерлерге мамлекет тарабынан колдоо жетишсиз экенин ачыктады. Ишкерлер Кыргызстандагы бир катар тармактар акырындап өзбекстандын товарларына орун бошото баштаганын айтышууда.

Казакстанда сот Кытай элчилигинин алдына Шинжаңдагы туугандарын бошотууну талап кылып чыккандардын бири Гаухар Курмангалиевага 200 доллар өлчөмүндөгү айып пул салды. Расмий маалыматка ылайык, ага "коомдук тартипти бузуу жана жыйын өткөрүү" деген берене боюнча айып тагылды. Курмангалиева менен чогуу элчиликтин алдына чыккан тогуз адамды полиция 23-сентябрда кармап кеткен. Ушул аптанын башынан бери он чакты адам Нур-Султандагы Кытай элчилигинин имаратынын алдына чыгып, элчи Чжан Сяонун Казакстандан кетишин талап кылып жатышат. Читать дальше...

Каталониянын мурдагы башчысы, бозгунда жүргөн Карлес Пучдемон Италиянын Сардиния аралында Испаниянын өтүнүчү менен кармалды. Ал төрт жыл мурда Каталониянын көз карандысыздыгы боюнча референдум өткөргөндөн кийин өлкөдөн чыгып кеткен. Ал референдумду Мадрид мыйзамсыз деп тааныган. Пучдемонду эми Испанияга экстрадициялоо боюнча сот 24-сентябрда өтөрү күтүлүп жатат. Учурда Пучдемон Бельгияда жашайт, ал Европарламенттин мүчөсү. 2017-жылдын күзүндө Испаниянын эң бай аймактарынын бири Каталониянын... Читать дальше...

Ош шаарында 22-23-сентябрда уюштурулган Республикалык айтыштын баш байгесине төкмө акын Баян Акматов ээ болду. Ага  алтын жалатылган "Алтын комуз", 80 миң сом жана "Ак таңдай" аттуу алтын төш белги ыйгарылды. Биринчи орунга Айсааба Базарбай кызы, экинчиге Жылдызбек Төрөканов, үчүнчү орунга Мамбеттокто Мамбеторозо уулу татыды. Айтышка жалпысынан 40 акын катышып, финалга 16сы чыкты. Арасында эки казак акыны да бар.   Айтышты ЭлТР менен “Ак таңдай” акындар ордосу уюштуруп, иш-чара эгемендүүлүктүн 30 жылдыгына... Читать дальше...

Бишкекте Эгемендиктин 30 жылдыгына жана акын Тоголок Молдонун 160 жылдыгына арналган Дүйнө эпосторунун эл аралык VI фестивалы өтүүдө. Ага дүйнөнүн жыйырмадан ашуун өлкөсүнүн өкүлдөрү катышып жатат. Өкмөттүн басма сөз кызматы 24-сентябрда билдиргендей, улуттук аң-сезимди чыңдоо, эпикалык мурастарды глобалдык деңгээлге алып чыгуу жана жандандыруу максатын көздөгөн иш-чара президенттин «Инсандын руханий-адеп-ахлактык өнүгүүсү жана дене тарбиясы жөнүндө» жарлыгын ишке ашырууга багытталган.  Фестиваль... Читать дальше...

Кыргызстандык сүрөтчү Татьяна Зеленская Британиядагы Index on Censorship уюмунун ой-пикирди эркин билдирүү боюнча эл аралык сыйлыгына татыктуу болду. Зеленская адам, аялдардын укуктары жаатындагы иллюстрациялык эмгектерди жаратып келет. Ал “Азаттыкка” курган маегинде чыгармачылыгы, сүрөттөрүнө болгон коомдун реакциясы жана мекенчилдик тууралуу ойлору менен бөлүштү.

Сириянын Тышкы иштер министрлиги бул өлкөдө соттолгон кыргыз жарандарынын балдарын мекенине кайтарууга жардам берет. Бул тууралуу Нью-Йоркто Бириккен Улуттар Уюмунун (БУУ) Башкы ассамблеясы алкагындагы эки тараптуу жолугушууда тышкы иштер министри Руслан Казакбаевге Сириянын башкы дипломаты Фейсал Мекдад билдиргенин 24-сентябрда Кыргызстандын Тышкы иштер министрлиги кабарлады. Министрлер балдарды кайтаруу маселесин жана Сириядагы соңку кырдаалды талкуулашты. Руслан Казакбаев Кыргызстан бул өлкөдөгү... Читать дальше...

Иран өкмөтү Кыргызстанга Бандар-Аббас портунан товар алып өтүү үчүн транзиттик жер тилкесин бөлүп берди. Бул тууралуу Нью-Йоркто Бириккен Улуттар Уюмунун (БУУ) Башкы ассамблеясы алкагындагы эки тараптуу жолугушууда тышкы иштер министри Руслан Казакбаевге Ирандын башкы дипломаты Хоссейн Амир Абдоллахиян билдиргенин 24-сентябрда Кыргызстандын Тышкы иштер министрлиги кабарлады. Мекеменин басма сөз кызматынын маалыматына караганда, жер тилкеси менен кошо Кыргызстандан чыккан же өлкөгө ташылып бараткан... Читать дальше...

Расмий маалыматка ылайык, Орусияда соңку бир суткада коронавирустан каза болгондордун саны 828ге жетти. Бул пандемия башталгандан берки эң жогорку көрсөткүч. Орусияда төртүнчү күн катары менен коронавирус 800дөн ашуун кишинин өмүрүн алып жатат. Коронавируска каршы күрөшүү боюнча кризистик борбор 24-сентябрда билдиргендей, соңку бир суткада вируска 21 миңден көп адам чалдыккан. Маалыматка караганда, Орусиядагы 85 аймактын 36сында инфекцияга кабылгандардын саны жогорулап жатат. Адистер кырдаал катаалдашы мүмкүн экенин эскертишти. Читать дальше...

Орусиядагы Эльбрус чокусун багындырууга барган туристтик топтун беш мүчөсү каза болду. "Интерфакс" агенттигинин маалыматына ылайык, топто жалпысынан 19 адам болгон. Алардын 14үн тиешелүү кызматттар куткарып калууга үлгүргөн. Алдына ала маалыматтарга караганда, буга аба ырайынын кескин начарлап кетиши себеп болду. Туристтик топ бараткан аймакта, шамалдын ылдамдыгы секундасына 40 метрге жетип, бороон башталып, эч нерсе көрүнбөй калган. Ошондой эле, туристтик топтогулардын бири да кесипкөй альпинист болбогону кабарланды. Читать дальше...

Өзбекстандык “Электрооко” синти-поп тобу евразиялык музыкалык турунун алкагында Бишкекте концертин коюп кетти. Постмодерндик лирикалары, жандуу скрипка, гитара жана электрониканын айкалышы менен таанылган альтернативдүү топтун музыканттары “Азаттыктын” студиясына келип дымактуу ойлору менен бөлүштү.

Орусиянын Тула облусундагы аварияда төрт адам мүрт кетти. Алардын экөө - кыргыз жарандары. Жол кырсыгы 23-сентябрда П-22 "Каспий" трассасында болгонун Кыргызстандын Орусиядагы элчилиги билдирди. Көз жумган кыргызстандыктардын бири 35 жаштагы эркек, экинчиси 34 жаштагы аял. Орусиянын тийиштүү органдары кылмыш ишин козгоп, авариянын себеби иликтенүүдө.