Новости за 26.01.2022

Жогорку Кеңештин 26-январдагы жыйынында депутат Камила Талиева Баткен облусундагы өзгөчө макам берилген айылдардын тизмесине чек арага чектешкен, шарты катаал айылдар кирбей калганын билдирди. “Жеңилдиктер бардык айылдарга бирдей каралышы керек. Эртең эл митингге чыкпайт деп кепилдик бере албайбыз. Бул тескеме эл, жергиликтүү бийлик менен макулдашылбай түзүлгөн. Туура эмес мамиле жасап, элди экиге бөлүп жатасыңар. Министрлер кабинетине көө жабылып, ызы-чуу болбосун", - деди Талиева. Буга чейин... Читать дальше...

26-январда түш ченде Бишкек шаарындагы Элебесов-Арал көчөлөрүнүн кесилишинде жүргүнчү ташыган эки кичи автобустун кагылышуусунан 18 киши жабыркады. Эки кишинин абалы оор. Саламаттык сактоо министрлигинин маалыматына караганда, беш адам ооруканага жаткырылды. Калган он бири биринчи жардам көрсөтүлгөндөн кийин үйлөрүнө жөнөтүлдү. Жабыркагандар арасында балдар жок. Кырсык тууралуу видеолор интернетте тарап жатат.   Окуя болгон жерге алты "Тез жардам" кызматы барган. Кыргызстанда 2021-жылы жети миңдей жол кырсыгы катталып... Читать дальше...

АКШнын Pfizer жана анын германиялык өнөктөшү BioNTech фармацевтикалык компаниялары коронавирустун "омикрон" вариантынан коргогон вакцинанын жаңы түрүн клиникалык сыноодон өткөрө баштады. Маалыматка караганда, препарат Кошмо Штаттарда 1 миң 400дөй ыктыярчыга сайылып, адистер анын канчалык коопсуз экенине, натыйжалуулулугуна байкоо жүргүзүшөт. Буга чейин COVID-19га каршы вакциналар "омикрондон" жакшы коргобой турганы аныкталган. Ал тапта кеминде 40 өлкөдө, өзгөчө Азия менен Европада "омикрондун"... Читать дальше...

Батыш дипломаттары Ослодогу сүйлөшүүлөрдө Ооганстанга гуманитардык жардам берүү маселеси өлкөдөгү адам укуктарынын абалына байланыштырыларын эскертишти. Талибдердин 15 кишиден турган делегациясы согушкер кыймыл Кабулдагы бийликти басып алгандан бери алгачкы жолу 23-январда Европага расмий сапарга барган. Норвегиянын Мамлекеттик катчысы Хенрик Тюн шейшембидеги жолугушуунун алдында жергиликтүү NTB маалымат агенттигине берген интервьюсунда Батыш дипломаттары "Талибан" өкүлдөрүнө "олуттуу талаптарды" кое турганын билдирген. Читать дальше...

Жогорку Кеңештин депутаты Акылбек Түмөнбаев президент Садыр Жапаровго кайрылып, кадр тандоого кылдат мамиле кылууга чакырды.  "Жаңы түзүлгөн башкаруу системасына ылайык, президенттин жоопкерчилиги жана милдеттери чоң. Саясатыңызды иш жүзүнө ашырууда, кадр тандоодо өтө кылдат мамиле кылууңуз керектигин белгилейм. Азыркы күндө сизди жандап резюме көтөрүп, кошомат кылган ар бир адамга өтө кылдаттык менен мамиле кылууга чакырам. Буга чейинки башчыларды сазга батыргандар азыр дагы сиздин жаныңызда айланчыктап жүргөнүн коомчулук сөз кылууда. Читать дальше...

200 миң жыл мурдагы мезгилге таандык баш сөөктүн өзгөчөлүгү аныкталды. Швейцарияда байыркы амфитеатрдын калдыктары табылды. Коронавирустун жеңил түрү эс тутумду начарлата турганы белгилүү болду. 200 миң жыл мурунку баш сөөк калыбына келтирилди 1974-1979-жылдар аралыгында Кытайдын Сюйцзяяо аймагында археологиялык казуу иштери жүргүзүлүп, кеминде он байыркы адамдын баш сөөгүнүн ар кандай майда бөлүкчөлөрү табылган. Калдыктарды изилдеген палеонтологдор табылган сөөктөр неандерталдардын, Homo sapiens... Читать дальше...

АКШ президенти Жо Байден Орусия Украинага басып кирсе, президент Владимир Путиндин жеке өзүнө санкция салуу маселесин карап чыгарын билдирди. 25-январда кабарчылардын суроолоруна жооп берген америкалык лидер Украина менен чек арага топтолуп турган орус армиясынын 100 миңдей же андан көп жоокери кошуна өлкөгө кирсе, бул “Экинчи дүйнөлүк согуштан кийинки эң чоң баскынчылык болорун” билдирди. Байден Украинага аскерлерди жөнөтүү “ниети жоктугун”, бирок Москва чабуул коюу буйругун берсе, катаң санкциялар киргизилерин эскертти. Читать дальше...

Борбордук шайлоо комиссиясынын (БШК) мүчөсү Акылбек Эшимов кызматтан кетүү боюнча арызын кайтарып алды. Бул тууралуу бүгүн, 26-январдагы парламент жыйынында депутат Өмүрбек Бакиров билдирди. Жогорку Кеңеш ушул күнү Эшимовду ээлеген кызмат ордунан мөөнөтүнөн мурда бошотуу маселесин карамак. "Анын (Эшимов - ред.) арызды кайра чакыртып алуу боюнча дагы арызы келип, катталып кайра комитетке жөнөтүлдү. Бул маселени Боршайкомдун мүчөсүнүн катышуусу менен комитетте дагы бир сыйра карап туруп, анан алып чыкса жакшы болот эле. Читать дальше...

Түркмөнстан жана Өзбекстандан электр энергиясын импорттоо үзгүлтүккө учурады. Бирок бул ички керектөөгө таасирин тийгизбегенин, кооптонууга негиз жок экенин энергетика министри Доскул Бекмурзаев "Азаттык" радиосуна билдирди. Министр борбор азиядык энергетикалык шакекчеде авария болгондон кийин борбор калаада жылуулук берүү дагы үзгүлтүккө учураганын, учурда жылуулук 60 градуска жеткенин кошумчалады. Кыргызстандын дээрлик бардык аймактарында түшкү саат 12де электр энергиясы өчкөн. Бишкектеги Жылуулук... Читать дальше...

Түркияда бороон-чапкын жана калың кардын жаашы тууралуу шашылыш эскертүүдөн улам "Түрк аба жолдору" (THY) менен Pegasus авиакомпаниясы Стамбул - Бишкек багытындагы бир катар каттамдарды жылдырышты. Бул тууралуу 26-январда Кыргызстандын Стамбул шаарындагы Башкы консулдугу билдирди. Учурда авиакомпаниялар жүргүнчүлөргө тамак-аш жана убактылуу жайгашууну уюштуруп жатат. Расмий маалыматка ылайык, аба ырайы калыбына келгенде каттамдар жанданып, жүргүнчүлөр учак билеттер менен камсыз кылынаары маалымдалды. Читать дальше...

Кытайдын төрагасы Си Цзинпин Борбор Азия өлкөлөрүнүн экономикасын жана коопсуздугун чыңдоого жарым миллиард доллар жардам берүүнү убада кылды. Си Цзинпин 25-январда дипломатиялык мамилелердин 30 жылдыгына арналган онлайн-саммитте Кытай Борбор Азия өлкөлөрү менен бирге кең келечекти куруу үчүн тыгыз кызматташууга даяр экенин билдирди. Бээжиндин тыгыз кызматташтык сунушу Кытайдын төрагасы Си Цзинпин Казакстан, Кыргызстан, Тажикстан, Түркмөнстан жана Өзбекстандын лидерлери менен дипломатиялык... Читать дальше...

Жогорку Кеңештеги "Бүтүн Кыргызстан" фракциясынан депутат Адахан Мадумаров адам укуктары, маалыматтык коопсуздук маселесин парламентте кеңири талкуулоону сунуштады. Бүгүн, 26-январдагы жыйында эл өкүлү журналист, коомдук ишмер жана активисттердин маселесин көтөрдү. "Февралдагы календарлык планга өлкөдөгү эң орчундуу болуп жаткан адам укуктары маселесине байланыштуу жагдайды киргизиш керек. Журналисттердин, коомдук ишмер, жарандык активисттердин үстүнөн болуп жаткан маселе боюнча. Маалыматтык коопсуздук маселесин дагы ушуга киргизиш керек. Читать дальше...

«Бишкек» эркин экономикалык аймагында жеке фирма уруксаты жок уулуу заттарды колдонуу менен техникалык жана экологиялык талаптарды бузуп, бир топ убакыттан бери тоо тектен алтын бөлүп алуу менен алектенип келгенин Башкы прокуратуранын басма сөз кызматы билдирди. Маалыматта айтылгандай баалуу металлдарды камтыган кендерди кайра иштетүү боюнча мыйзамсыз ишкердик жүргүзүү фактысы Башкы прокуратура жана Бажы кызматынын контрабандага каршы күрөшүү башкармалыгы тарабынан аныкталган. Аталган учур боюнча... Читать дальше...

Ички иштер министрлиги журналисттерге каршы жашыруун жаздырылган, каралаган видеолорду тараткандарды иликтейт.  Бул тууралуу ички иштер министринин орун басары Эркебек Аширходжаев "Азаттык" радиосуна билдирди.  "Иликтөөчү журналист Болот Темиров жана аны менен чогуу иштегендер тууралуу социалдык тармакта жашыруун жаздырылган, каралаган аудио, видеолор боюнча кайрылуулар болсо иликтенет”, - деди Аширходжаев. Министрдин орун басары иликтөөчү журналист Болот Темировду шектүү катары кармоо жараяны... Читать дальше...

Кыргызстанда “Дордой” сыяктуу ири базарларга көзөмөл кассалык машине (ККМ) жапырт качан киргизилери али белгисиз. Айрым ишкерлер жана cоодагерлер буга караманча каршы болуп, өкмөттөн убакыт беришин талап кылууда. Биз көзөмөл кассалык аппараттын колдонулушу жана артыкчылыгы, соодагерлер эмнеге каршы болуп жатканы тууралуу кыскача түшүндүрүүгө аракет кылабыз. Көзөмөл кассалык аппарат деген эмне? ККМ - кызмат көрсөтүү же cоодада товардын баасы жана башка маалыматтар камтылган дүмүрчөк. Башкача айтканда... Читать дальше...

Жогорку Кеңештин депутаты Нурлан Шакиев иликтөөчү журналист Болот Темировдун коопсуздугун мамлекет камсыздашы керектигин 25-январда “Азаттыктын” “Эксперттер талдайт” берүүсүнө катышкан учурда билдирди. “Азыркыдай учурда мамлекет иликтөөчү журналист Болот Темировдун жеке коопсуздугун толугу менен камсыздоону, коргоону колго алышы керек. Ушундай абал жаралган учурда журналист чалынып жыгылып кетсе да бийлик күнөөлүү болуп калбашы керек”, - деди ал. Депутат журналист Болот Темиров жана төкмө акын... Читать дальше...

Жогорку Кеңештин 26-январдагы жыйынында Улуттук коопсуздук боюнча мамлекеттик комитеттин (УКМК) мурдагы төрагасы Идрис Кадыркуловдун элчи болуп дайындалышы парламенттин аброюна шек келтирип жатканы айтылды. Бул маселеге депутаттар Нурланбек Шакиев, Айбек Осмонов, Балбак Түлөбаев, Адахан Мадумаров жана Жанар Акаев токтолуп, бийлик бутактарын кагыштырууга кызыкдар тараптар бар деген пикирлер дагы айтылды. Эл өкүлү Айбек Осмонов талкуу болуп, колдоо таппаган талапкердин дайындалышын сындады. ... Читать дальше...

Жогорку Кеңештин депутаты Дастан Бекешев журналисттин иликтөөсү кандай болбосун анын жеке жашоосуна кийлигишпей, маданияттуу түрдө жооп берүүгө чакырды. Бул тууралуу эл өкүлү бүгүн, 26-январда парламенттин жалпы жыйынында айтты. "Журналисттер иликтөө жасаганда ал туура эмеспи, жалган болобу ага маданияттуу жооп бериш керек. Пресс-конференция уюштурабы, пресс-релиз аркылуубу анын ар кандай жолу бар. Бирок журналисттерге басым кылып, жеке жашоосун видеого тартып жарыялап... Биз ушундай деңгээлге түшпөсөк. Читать дальше...

Эл аралык Transparency International уюму 2021-жылдагы дүйнө өлкөлөрүндөгү коррупциянын деңгээли боюнча изилдөөсүн жарыялады. Мурдагы жылы 124-орунду ээлеген Кыргызстан былтыр 144-орунга түшүп калды. Буга өлкөдө коррупцияга каршы күрөштүн аягына чыкпай калышы жана башка нерселер себеп болду. Дүйнө жана Борбор Азия Коррупцияны кабыл алуу индекси боюнча 25-январда жарык көргөн баяндамада жемкорлук дүйнөдө дээрлик мурдагы калыпта сакталып келатканы белгиленди. Тизмедеги өлкөлөрдүн 86% иш жүзүндө... Читать дальше...

26-январга карата Кыргызстанда коронавирус 370 адамдан жаңы аныкталды. Ооругандардын басымдуу бөлүгү Бишкек шаарынын тургундары (243). Саламаттык сактоо министрлиги вирустан акыркы суткада дагы төрт бейтап каза болгонун билдирди. Ушуну менен өлкөдө COVID-19 жуккандардын жалпы саны 196 миңден ашты, 2858 бейтап каза болду. Ушул күндөрү 1118 бейтап ооруканаларда, 6583 адам үйүндө дарыланууда. Саламаттык сактоо министрлиги ай башында коронавирустун "омикрон" штаммы катталып, өлкөдө коронавирустун төртүнчү толкуну башталганын билдирген. Читать дальше...

Тышкы иштер министрлиги 23-24-январда Жакынкы Чыгыштагы Йемендин аймагынан Сауд Арабия падышачылыгынын Жизан жана Дахран-ал-Жануб шаарларына жасалган ракеталык чабуулду кескин айыптады. Бул чабуулдан жайкын тургундар жабыркап, инфратүзүмгө зыян келтирилгенине терең тынчсыздануусун билдиргенин мекеменин басма сөз кызматы кабарлады. "Министрлик зомбулуктун күчөшүнө жана аймактагы кырдаалдын туруксуздашуусуна алып келип, жарандык калктын өмүрүнө жана коопсуздугуна коркунуч келтирген бул аракеттерди жана уланып жаткан чабуулду кескин айыптайт.

Бишкек шаарынын административдик соту Рыскелди Момбековдун Борбордук шайлоо комиссиясынын чечимин жокко чыгарууга байланыштуу арызын канааттандырган жок. Бул тууралуу БШКнын басма сөз кызматы кабарлады. Борбордук шайлоо комиссиясы (БШК) 20-январдагы отурумунда экс-депутат Рыскелди Момбековду Бишкектин №27 Биринчи май шайлоо округунан депутаттыкка талапкер кылып каттоодон баш тарткан. Буга анын жогорку кесиптик билими тууралуу алган дипломун УКМК мыйзамсыз деп тапканы себеп болгон. Момбеков БШКнын... Читать дальше...

Орусиянын нан өндүрүүчүлөрү февраль айынан тарта нан азыктарынын баасы кескин кымбаттайт деген эскертүү берди. Орусияда чыккан РБК басылмасы өлкөдөгү эң ири нан өндүрүүчү "Фацер" ишканасынын директорунун айткандарына таянып, нандын баасы 16,5-30% чейин кымбаттарын жарыялады. Аталган компания бул маалымат тууралуу кеңири түшүндүрмө бербей, ун, транспорт, нанды орогонго кеткен каражаттар кымбат болгондуктан, баа өсүшү мүмкүн экенин билдирди. Нанга карата баанын өсүшүн Иркутск облусунун "Коломенский"... Читать дальше...