Новости за 15.02.2022

Украинада Коргоо министрлиги баштаган бир катар өкмөттүк мекемелердин жана банктардын сайттары киберчабуулга (DDoS) кабылды. Бул тууралуу Украинанын өкмөтү 15-февралда билдирди. Коргоо министрлиги Твиттерге жазгандай, мекеменин сайтына хакерлер кыска убакыттын ичинде өтө көп жолу кирүүгө аракет кылышты жана учурда веб-сайттын ишин калыбына келтирүү иши жүрүп жатат. "Associated Press" жаңылыктар агенттиги маалымдагандай, хакердик чабуулга Украинадагы кеминде 10 веб-сайт туш болду. Алардын арасында Украинанын Тышкы иштер министрлигинин... Читать дальше...

Кыргызстандагы энергетика тармагынын көйгөйүн быйылкы таңсыктык ого бетер тереңдетти. Расмий маалыматка караганда, азыркы тапта электр кубатынын тартыштыгы 6 миллиард киловатт саат болууда. Кырдаалдан чыгуунун кандай жолдору бар? Кандай тобокелчиликтер күтүп жатат? Ушул жана башка суроолорго “Азаттыктын” “Арай көз чарай” берүүсү жооп издеди.

Жогорку Кеңеште Кыргызстандагы адам укуктарынын жана сөз эркиндигинин сакталышы талкууланды. Министрлер кабинетинин төрагасы Акылбек Жапаров Кумтөр боюнча “Центерра Голд” менен сүйлөшүү аягына чыгып калганын билдирди. Германиянын канцлери Олаф Шольц Москвага иш сапары менен барды. Ал Орусиянын президенти Владимир Путин менен орус-украин чек арасындагы абал боюнча сүйлөштү.

Кремлде орус президенти Владимир Путин менен Германиянын канцлери Олаф Шольцтун үч сааттан көп убакытка созулган сүйлөшүүсү жыйынтыкталды. Шольц Украинанын чек арасында Орусиянын он миңдеген аскерлери топтолуп турганына тынчсыздануусун билдирди. Ал Европадагы согушту алдын алуу чөлкөмдөгү бийлик жетекчилеринин жоопкерчилиги экенин, чыңалууну жөнгө салуу боюнча дипломатиялык аракеттер уланып жатканын белгиледи. "Айрым аскердик бөлүктөр чыгарылып жатканын угуп жатканыбыз жакшы жышаан. Мындай белгилер дагы көп болот деп үмүттөнөбүз"... Читать дальше...

Автобус кураштыруучу «Белес.kg» ишканасы чыгара турган алгачкы 10 автобусту мамлекет сатып алат. Бул тууралуу бүгүн 15-февралда компаниянын иши менен таанышканы барганда президент Садыр Жапаров билдирди. Мамлекет башчысы бул транспорт каражаты жакшы болуп чыкса келечекте ишкана менен туруктуу негизде кызматташуу мүмкүнчүлүгү каралат. Автобус кураштыруу менен алектенген алгачкы бул ишкана Чүй облусунда жайгашкан. SAE (АКШ) автоунаа инженерлери берген тастыктама өндүрүштү уюштурууга жана дүйнөлүк компаниялар менен кызматташууга жол ачкан. Читать дальше...

15-февралда Казакстандын Жаңы-Өзөн шаарындагы "Өзөнмунайгаз" компаниясынын мунайчылары жумушка чыгуудан баш тартышты. Алар бийликке бир катар саясий жана социалдык талаптарды коюшту. Митингчилер шаардагы мунайчылардын автобекетинде чогулуп, айлык акыны жогорулатууну, кыйноолорду токтотууну жана январь айындагы митингдерде кармалган адамдарды бошотууну да талап кылышты. «Жаңы-Өзөндө башталган тынч митинг Казакстандын бир катар аймактарында трагедияга айланып кеткени бизди капа кылды. Каза болгондордун жакындарына көңүл айтабыз. Читать дальше...

Баткен шаарында бүгүн 15-февралда кыргыз-тажик мамлекеттик чек арасын делимитациялоо жана демаркациялоо боюнча эки өлкөнүн өкмөттүк делегацияларынын топографиялык жумушчу топторунун кезектеги жолугушуусу жыйынтыкталды. Өкмөттүн басма сөз кызматы билдиргендей, сүйлөшүүлөр 10-февралда башталган. Эки өлкөнүн өкүлдөрү тактала элек тилкелердеги чек ара сызыктары боюнча пикир алмашып, кийинки жолугушууну Тажикстандын аймагында өткөрүүнү макулдашышты. Сүйлөшүүгө кыргыз тараптан Министрлер кабинетинин... Читать дальше...

Ички иштер министрлигине (ИИМ) Кыргызстандын аймагындагы православдык көрүстөндөрдөгү вандализм фактыларын иликтөөнү өзгөчө көзөмөлгө алуу тапшырмасы берилди. Бул тууралуу 15-февралда Министрлер кабинетинин төрагасынын орун басары Эдил Байсалов билдирди. Өкмөттүн сайтындагы маалыматта айтылгандай, Байсалов мындай фактылар көбөйүп жатканы тынчсыздануу жаратарын белгиледи. «Бишкектин жана Кыргызстандын епискобу Даниил менен жакында болгон жолугушууда диний чөйрөдөгү актуалдуу маселелер, анын ичинде... Читать дальше...

Германиянын канцлери Олаф Шольц Киевден кийин 15-февралда Москвага  барды. Немис канцлери Путинге эмнени сунуштайт? Олаф Шольцтун Орусияга сапарын айрымдар катардагы визит дешсе, башкалары согушту токтотуп калуунун акыркы мүмкүнчүлүгү деп аташууда. Киевдин сабырына таң калган канцлер Немис канцлери Олаф Шольцтун Орусияга сапары чыңалуу чегине жеткен учурга туура келип, тынчтыкты сактап калуудагы чечүүчү жолугушуу катары каралууда. Ал кырдаалды жайгаруу үчүн сунуштар топтому менен сапарга чыкканы кабарланды. Читать дальше...

Орусиянын Мамлекеттик Думасы Украинанын чыгышындагы өздөрүн "Донецк элдик республикасы" жана "Луганск элдик республикасы" ("ДНР" жана "ЛНР") деп атап алган жикчилдер көзөмөлдөгөн аймактардын көз карандысыздыгын таануу өтүнүчү менен президент Владимир Путинге кайрылды. Коммунисттик партия даярдаган тиешелүү токтом долбоорун 351 депутат колдоп, 16 эл өкүлү каршы, бирөө калыс болду. Спикер Вячеслав Володин документке дароо кол койгонун, эми ал президентке жөнөтүлө турганын айтты. Токтомдо украин... Читать дальше...

Жогорку Кеңеште 15-январда "Бүтүн Кыргызстан" фракциясынын демилгеси менен Кыргызстандагы адам укугунун жана эркиндигинин абалы талкууланды. Ага Жогорку соттун төрагасы Замирбек Базарбеков баштаган бийлик өкүлдөрү, депутаттар, саясатчылар, юристтер жана укук коргоочулар катышты. Талкууда өлкө демократия тууралуу эл аралык рейтингдерде авторитардык режимдеги өлкөлөрдүн катарына кошулганы, адам укугу одоно бузулган учурлар айтылды. Парламенттеги жыйында "Бүтүн Кыргызстан" фракциясынын лидери Адахан... Читать дальше...

Министрлер кабинетинин төрагасы Акылбек Жапаров 15-февралда маалымат жыйын өткөрүп, жакынкы жылдары экономика, энергетика жана кен тармагында ири долбоорлор башталарын жарыялады. Жапаров бийлик өлкө экономикасын көтөрүүдө, элдин жашоо-шартын жакшыртуу үчүн ички ресурстарга таянарын айтты. "Туруктуу экономикага үч жыл керек" Министрлер кабинетинин башчысы Акылбек Жапаров экономиканын өнүгүүсү үчүн туруктуулук керек экенин айтып, аткаруу бийлигинде кеминде үч жыл иштеп берүү ниетин билдирди. Читать дальше...

Кыргызстанда, Өзбекстанда, Украинада, Боснияда жана Болгарияда 60 жашка чейинки жарандардын 40% жетпеген бөлүгү гана COVID-19га каршы толук эмдөөдөн өттү. Бул тууралуу Дүйнөлүк саламаттыкты сактоо уюмунун (ДССУ) Европа аймагы боюнча директору Ханс Клюге 15-февралда билдирди. Ал региондогу мамлекеттерди эмдөөдөн өткөн адамдардын саны аздыгынын себебин иликтөөгө, вакцинация жараянын күчөтүүгө чакырды. Ошондой эле Клюге коронавирустун "омикрон" вариантынын жаңы толкуну Чыгыш Европада күчөп жатканын эскертти. Читать дальше...

Кыргыз-тажик чек арасында куралдуу жаңжалда өрттөлгөн үйлөрдүн ордуна курулган турак жайлардын сапатын адистер кайра текшерип чыгат. Бул тууралуу президенттин Баткен облусундагы ыйгарым укуктуу өкүлү Абдыкерим Алимбаев билдирди. Бүгүн, 15-февралда "Интербилим” коомдук бирикмеси уюштурган талкууга президенттик администрацияга караштуу Баткен облусун калыбына келтирүү жана өнүктүрүү боюнча мамлекеттик комиссиянын мүчөлөрү, Жогорку Кеңештин депутаттары, президенттин аймактагы ыйгарым укуктуу өкүлү... Читать дальше...

Кыргыз өкмөтү туризмди өнүктүрүү боюнча атайын фонд түзгөнү жатат. Ага бюджеттен 1 миллиард сом каралган. Бул тууралуу бүгүн, 15-февралда Министрлер кабинетинин төрагасы Акылбек Жапаров билдирди. Фонддун жетекчилигине Елена Калашникова сунушталууда. "Менин жетектөөмдүн астында туризмди өнүктүрүү боюнча кеңеш түзүлгөн. Жакынкы отурумунда уставдык капиталын дагы, жетекчилерин дагы бекитебиз. Биз туризмден башка жаныбыздагы кошуналарыбыз менен теңтайлашып астыга чыга турган мүмкүнчүлүгүбүз деле жокко эсе. Читать дальше...

Орусиянын Коргоо министрлиги Украинанын чек арасына жакын жайгаштырылган айрым аскердик бөлүктөр артка кайта баштаганын жарыялады. 15-февралда министрликтин расмий өкүлү Игорь Конашенков учурда Орусияда дээрлик бардык аскердик бөлүктөр катышкан машыгуулар өтүп жатканын, алардын айрымдары тапшырмаларды аткарып бүткөнүн билдирди. "Мурагыдай эле күжүрмөн аскердик даярдык боюнча иш-чаралар аяктагандан кийин аскерлер өздөрүнүн туруктуу жайгашуу пункттарына жүрүш жасашат. Түштүк жана Батыш аскер округдарынын... Читать дальше...

Бүгүн, 15-февралда Бишкек шаардык соту иликтөөчү журналист Болот Темировдун кармалышы мыйзамдуу болгону тууралуу чечимди күчүндө калтырды. Свердлов райондук сотунун бул чечимине карата апелляциялык арыз менен шаардык сотко жактоочулар кайрылган. Шаардык соттун басма сөз кызматы билдиргендей, райондук соттун чечими өзгөрүүсүз калтырылды, даттануу арызы канааттандырылган жок. “Бирок Бишкек шаардык милициясынын тергөө кызматынын кызмат адамдары Кылмыш-жаза кодексинин нормаларын бузганы аныкталды... Читать дальше...

"Мээрим" гуманитардык миссиясынын алкагында Ирактагы согуш лагерлеринен Кыргызстанга былтыр кайтарылган 79 бала туугандарынын колунда тарбияланууда. Балдарды багып жаткан үй-бүлөлөр жөлөк пул маселесин батыраак чечип берүүнү суранышууда. Өкмөт маселени азырынча карай элек. Араван районунун тургуну Нилуфар (аты өзгөртүлдү) эжесинин Ирактан кайтарылган эки кызын багып жатат. Секелектердин бири мектепте окуса, экинчиси бала бакча курагында. Алардын апасы ал жакта түрмөдө отурат. "Биздин үйгө акимчиликтен адамдар келип... Читать дальше...

Кыргызстандын Тышкы иштер министрлиги (ТИМ) Украинадагы кыргыз жарандары эгер зарылчылык пайда болсо өлкөдөн коммерциялык авиакаттамдар менен өз алдынча чыгып кете аларын эскертти. Бүгүн 15-февралда мекеменин басма сөз кызматы билдирүү таратып, Кыргызстандын Украинадагы элчилиги башка көпчүлүк өлкөлөрдүн дипломатиялык өкүлчүлүктөрү сыяктуу эле кадимки тартипте иштеп жатканын, окуяларга тыкыр көз салып турганын, Тышкы иштер министрлиги жана чет өлкөлүк элчиликтер менен түз байланышта экенин билдирди. Читать дальше...

Орусияда оппозициячыл саясатчы Алексей Навальныйга коюлган жаңы айып боюнча сот иши башталды. 45 жаштагы Навальный ишмердиги токтотулган Коррупцияга каршы күрөшүү фонду аркылуу "акчанын изин жашырган" жана "Москвада судьяга акаарат келтирген" деп айыпталып жатат. 15-февралда Москванын Лефортово райондук соту бул ишти саясатчы камакта жаткан Владимир облусундагы экинчи түзөтүү колониясынын имаратында карай баштады. Оппозициячыл саясатчыга каршы жаңы тергөө иши 2020-жылдын декабрь айында башталган. Читать дальше...

Тенгиз Бөлтүрүк "Улуу көчмөндөрдүн мурасы" улуттук холдинг компаниясына жетекчи болуп дайындалды. Бул тууралуу бүгүн, 15-февралдагы маалымат жыйын учурунда Министрлер кабинетинин төрагасы Акылбек Жапаров билдирди. Өкмөт башчы Улуттук холдингдин уставдык капиталы 10-15 млрд. сомдун тегерегинде болорун, президенттин катышуусунда 282 млн. доллардан турган бюджети бекитилгенин айтты. "Чет мамлекеттерде ийгиликке жеткен, кыргызстандык мекендештер жетектеген 20га жакын компаниялар ишенип келип жатат. Читать дальше...

Тажикстанда мугалимдер маянанын аздыгынан улам жапырт миграцияга кетип жатканы байкалууда. Коңшу өлкөнүн эң ири аймактарынын бири Хатлон облусунда былтыр 2 миңден ашуун мугалим мектепти таштап, чет өлкөлөргө иш издеп кеткен. Ал эми тажик бийлиги мындай көйгөйдү катардагы көрүнүш деп баалайт. Учурда 9 миллиондон ашык калкы бар Тажикстанда 30 миңден ашуун мугалим эмгектенет.

Франция Өзбекстандын мурдагы президентинин тун кызы Гүлнара Каримовага таандык 10 миллион доллар каражатты Ташкентке кайтарып берди. Бул тууралуу 15-февралда Өзбекстандын Юстиция министрлиги билдирди. Расмий билдирүүдө каражат "кылмыштуу жол менен табылганы" айтылганы менен ал качан кайтарылганы так көрсөтүлгөн эмес. Министрликтин маалыматына караганда, 2020-жылы май айында да Каримовага таандык деген ушунча эле суммадагы каражат Франциядан Өзбекстанга жөнөтүлгөн. Учурда өзбек бийлиги маркум... Читать дальше...

Улуттук коопсуздук боюнча мамлекеттик комитет (УКМК) жасалма ПЧР-тесттерди даярдаган каналдын ишине бөгөт коюлганын билдирди. Бул тууралуу атайын кызматтын басма сөз кызматы билдирди. Расмий маалыматка караганда,   Кыргызстандын жана чет мамлекеттердин диагностикалык лабораторияларынын QR коддору мененПЧР-тесттин терс жыйынтыгы тууралуу жасалма электрондук сертификаттарды даярдоо жана таратуу боюнча мыйзамсыз канал аныкталды. Шектүү катары Кыргызстандын жараны кармалды. Анын смартфонун текшерүүдө... Читать дальше...

Германиянын канцлери Олаф Шольц 15-февралда Москвада орус президенти Владимир Путин менен сүйлөшүүлөрдү өткөргөнү жатат. Бир күн мурда Шольц Киевде украин президенти Владимир Зеленский менен жолугуп, Украинанын чек арасына жакын аймактардагы Орусиянын аскердик аракеттерине "негиздүү жүйөнү" көрбөй турганын айткан. "Биз Европадагы коопсуздук маселелерине байланыштуу Орусия менен олуттуу диалогго даярбыз. НАТО жана АКШ Орусияга биз колдогон конкреттүү сунуштарды берди. Биз азыр Орусиянын ага жооп беришин күтүп жатабыз", - деп айткан Шольц. Читать дальше...