Новости за 15.03.2022

Мамлекеттик айыптоо соттон орусиялык оппозициячыл саясатчы Алексей Навальныйды алдамчылык жана судьяны мазактоо беренелери боюнча 13 жылга эркинен ажыратып, 1,2 миллион рубль айыпка жыгууну өтүндү. Жараян Навальный башка иш боюнча жазасын өтөп жаткан Владимир облусунун Покров шаарындагы колонияда өтүүдө. Бүгүн сотто тараптардын жарыш сөзү жүрүп жатат. Прокуратура Навальный негиздеген Коррупцияга каршы күрөш фондунун (Орусиянын бийлиги экстремисттик деп тааныган жана тыюу салган) банк эсептерине... Читать дальше...

АКШнын эл аралык өнүктүрүү агенттиги (USAID)  Төмөнкү Чүй айылындагы тигүү фабрикасынын кеңейтүүгө көмөк көрсөттү.  Агенттиктин маалыматына караганда, фабрика колдоонун негизинде 130 жаңы тигүүчү машинелерди алган. Жабдуулар агенттиктин "Конкуренттүү ишкана" долбоорунун алкагында берилген. Бул долбоор жергиликтүү ишканаларды колдоо аркылуу жаңы жумуш орундарын түзүүнү көздөйт. Ушул кызматташтыктын натыйжасында фабриканын өндүрүштүк кубаттуулугу 15% өскөн. "USAIDдин колдоосу менен алынган жаңы... Читать дальше...

Кыргызстандын президенти Садыр Жапаров 15-мартта Сердар Бердымухамедов Түркмөнстандын президенти кызматына шайланганына байланыштуу куттуктоо жолдоду. Бул тууралуу өлкө башчынын басма сөз кызматы билдирди. Жапаров эки өлкөнүн алака-катышы артарына ишенерин айтып, Сердар Бердымухамедовду Кыргызстанга расмий сапар менен келип кетүүгө чакырды. Түркмөнстандын азыркы президентинин уулу, Демократиялык партиядан талапкер Сердар Бердымухамедов 14-марттагы президенттик шайлоодо 72,97% добуш менен алдыга чыкты. Читать дальше...

Өзбекстандын чоң шаарларындагы автобекеттер 16-марттан тарта Казакстанга эл аралык автобус каттамдарын калыбына келтирди. Бул тууралуу Өзбекстандын Транспорт министрлигинин маалымат кызматы билдирди. Расмий билдирүүдө мекеме Кыргызстан жана Казакстан аркылуу Орусияга жүргүнчүлөрдү ташууну да мерчемдеп жатканы көрсөтүлгөн. Жакындан тарта Өзбекстандан Кыргызстанга транзиттик автобус каттамдарын уюштуруу боюнча сүйлөшүүлөр да аяктап калганы айтылды. Өзбекстан менен Казакстандын ортосундагы эл... Читать дальше...

Президент Садыр Жапаров эки тараптуу жана көп тараптуу дипломатиянын алкагында Кыргызстандын тышкы саясий багыты ырааттуу, улуттук кызыкчылыктарга багытталган бойдон каларын билдирди. Бул тууралуу мамлекет башчы 15-мартта 21 өлкөнүн элчилеринен ишеним грамоталарды кабыл алууда айтты. “Биз бардык өлкөлөр менен саясий-дипломатиялык байланыштарды, соода-инвестициялык, маданий-гуманитардык кызматташтыкты активдештирип, өнүктүрүүнүн жалпы багытын улантууга чечкиндүүбүз”, — деди президент. Садыр Жапаров... Читать дальше...

Түркмөнстанда 12-марттагы кезексиз шайлоодо президенттикке азыркы мамлекет башчынын уулу, 40 жаштагы Сердар Бердымухамедов шайланганы кабарланды. Президенттин уулу добуштардын 72,97% алды Дүйнөдөгү эң жабык өлкөлөрдүн бири саналган Түркмөнстанда жекшембиде президенттик шайлоо өтүп, президент Гурбангулы Бердымухамедовдун уулу Сердар Бердымухамедов жеңишке жетти. Ага шайлоочулардын дээрлик 73 пайызы добуш бергенин Борбордук шайлоо комиссиясы билдирди. 2016-жылы кабыл алынган конституциялык өзгөртүүлөргө ылайык... Читать дальше...

15-мартка түнү орто алыстыкка атылчу орусиялык ракеталык соккулардын натыйжасында Украинанын Днепр шаарынын эл аралык аэропорту олуттуу кыйроого учурады. Бул тууралуу Днепропетровск облустук администрациясынын башчысы Валентин Резниченко билдирди. "Учуп-конуу тилкеси талкаланды, терминал бузулду, чоң зыянды калыбына келтирүү үчүн көп убакыт керек", - деп жазды Резниченко өзүнүн Facebook баракчасына. Днепрден шайланып келген Украинанын Жогорку Радасынын депутаты Максим Бужанский «бизде эми мындан ары аэропорт жок... Читать дальше...

Түркмөнстандын азыркы президентинин уулу, Демократиялык партиядан талапкер Сердар Бердымухамедов президенттик шайлоодо 72,97% добуш менен  алдыга чыкты. Бул тууралуу Түркмөнстандын Борбордук шайлоо комиссиясы маалымдады. Мөөнөтүнөн мурун дайындалган президенттик шайлоого тогуз талапкер катышты. Түркмөн мамлекеттик дене тарбия жана спорт институтунун проректору Хыдыр Нуннаев 11,09% добуш алса, Мары облусунун губернаторунун орун басары Агажан Бекмырадов, Лебап аймагынын атайын орто мектебинин директору... Читать дальше...

Барпы уулу Арун деген ысым алдында 1985-95-жылдары "Азаттык" радиосунда кабарчы болуп иштеген Арун Өзгөн ушул күндөру өмүрүндө биринчи жолу Кыргызстанга келип, тарыхый мекенин кыдырып жүрөт. Ал 1920-30-жылдары орус большевиктеринин бийлигине каршы чыгып, анын айынан бала-бакырасы менен Өзгөн тараптан Кытайга качып, кийин Пакистан, Түркияда жашоого аргасыз болгон атасы Барпы ажы, Германияда жашап иштеп калган "Азаттыктын" мурдагы жетекчиси, агасы Аким Өзгөн тууралуу маек куруп берди. Арун Өзгөн менен Венера Сагындык кызы маектешти.

14-мартта Харбмайдон полигонунда башталган машыгууга Орусиянын Борбордук аскер округуна караштуу Тажикстандагы 201-аскердик базасынын миңден ашуун орус аскери катышып жатканын ИТАР ТАСС баш болгон орусиялык маалымат агенттиктери жазып чыкты. Маалыматка караганда, тактикалык машыгуулар үч этапта өтөт. Негизги этапта аскерлер мыйзамсыз куралдуу түзүлүштөргө бөгөт коюп, жок кылуу операциясын аткарышат. Аскер бөлүктөрү диверсиялык-чалгындоо топторунун чабуулунун мизин кайтаруу жана райондун шарттуу... Читать дальше...

Ички иштер министрлиги (ИИМ) элди жеңил жана тез киреше табууну сунуш кылган каржы пирамидаларына алданбоого чакырып, алардын иши мыйзамсыз экенин эскертти. Министрликтин басма сөз кызматынын маалыматы боюнча, өлкөдө жыл сайын он миңдеген адамдар каржы пирамидаларына алданып калышат. Алардын так саны айтылган жок.  “Алдамчылар кыймылсыз мүлк, облигациялар жана акцияларды сатып алууну сунуштайт. Жогорку кирешелүү интернет долбоорлоруна, курулушка жана айыл чарбасына акча салууга убада беришет. Читать дальше...

Кыргызгидромет борбору кабарлагандай, 16-20-март күндөрү Кыргызстанда аба-ырайы туруксуз болот. Көпчүлүк аймактарда жаан, тоо этектеринде жана тоолуу райондордо кар жаайт. 16-мартта Ош, Жалал-Абад, Талас, Нарын облустарында, Чүй, Баткен, Ысык-Көл облустарынын кээ бир райондорунда жаан, тоолордо кар жаайт. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетет. Абанын температурасы: Чүй облусунда түнкүсүн 1…6, күндүз 8…13; Талас жергесинде түнкүсүн 0…5... Читать дальше...

Мыйзамсыз майнинг-фермаларды түзүп, криптовалюта өндүргөн адам аныкталганын 15-мартта Улуттук коопсуздук боюнча мамлекеттик комитеттин (УКМК) басма сөз кызматы кабарлады. Маалыматка караганда,  3-мартта Бишкектин Токтоналиев көчөсүндө жайгашкан “Тихий-Замок” мейманканасынын жертөлөсүндө 150дөн ашык техникасы бар криптовалюта өндүрүү үчүн жабдылган майнинг-ферма табылган. Өлкөдө электр энергиясынын жетишсиздигинен улам “Улуттук энерго холдинг” компаниясы майнинг ишканаларына жарык берүүгө тыюу салган. Читать дальше...

Кыргызстан менен Тажикстан чек арадагы сууну пайдалануудан улам чыккан чыр-чатактарды алдын алуу максатында биргелешкен жумушчу топ түздү. Анын курамына суу адистери, жергиликтүү бийлик өкүлдөрү кирди. Баткен облусунун аймагынан башталган эки дарыяны, андан тышкары бир канча майда агын сууларды эки өлкө бөлүшүп пайдаланат. Чөлкөмдө суу тартыш болгондуктан сугат мезгилинде талаш-тартыш чыгып, арты чек ара чатактарына себеп болуп калууда. "Талаш жаратпай тургандай иш алып баралы" Президенттин... Читать дальше...

Саламаттык сактоо министри Алымкадыр Бейшеналиев медицина тармагындагы коомчулуктун талкуусуна түшкөн акыркы чечимдери тууралуу комментарий берди. Ал “ооруканалардын алдына кум төктөрүп, орой мамиле кылбай эле ишти мыйзамдуу жол менен бүтүрсө болобу?” деген “Азаттыктын” журналистинин суроосуна жооп берди. “Президентке, башкы прокурорго да маалымат бердим. Эми аларга кылмыш иши ачылат. Аларды жөн эле чыгарып койгонго күчүбүз жетпейт. Сот болсо 10 жылга созулуп кетет. Ал убакта биз жок болуп калабыз да. Читать дальше...

Бишкек шаарындагы Улуттук госпиталда 300-350 орундуу травматология бөлүмү ачылды. Анын ачылышына катышкан саламаттык сактоо министри Алымкадыр Бейшеналиев бөлүм демөөрчүлөрдүн жардамы менен оңдоп-түзөөдөн өткөнүн билдирди. Демөөрчүлөр арасында өзүнүн баласы бар экенин кошумчалады. Буга чейин  бөлүм мурдагы Травматология жана ортопедия илимий борборуна караган. 4-февралда министр аталган борбордун директору Сабырбек Жумабековду кызматтан бошоткон. Борбор жоюлуп, ордуна Клиникалык тез жардам ооруканасы иштей баштаган. Читать дальше...

Чехиянын, Польшанын жана Словениянын премьер-министрлери 15-мартта түштөн кийин орус аскерлери ар тараптан аткылап жаткан Киевде чогула турган болушту. Борбордук жана Чыгыш Европанын Евробиримдикке кирген үч мамлекетинин жогорку саясий жетекчилигинин сапары Орусия Украинага кол салып, шаарларын талкалап, кыйратып жаткан учурга туура келди. Чехия, Польша жана Словения Украинага саясий-моралдык колдоо көрсөтүп, тилектештигин билдирүү үчүн согуштук абалга карабастан жолугушуу Киевде өтөрү күтүлүүдө. Читать дальше...

Былтыр Бишкек мэриясында 584 миллион 318 миң сомдук мыйзам бузуулар аныкталып, анын 62 миллион 951 миң сому гана кайра калыбына келтирилген. Бул тууралуу 15-мартта Бишкектин мэри Эмилбек Абдыкадыров вице-мэрлер, райондордун акимдери жана шаардык кызматтардын жетекчилери менен өткөргөн кеңешмеде белгилүү болду. Кайсы мекемелерде каржылык мыйзам бузуулар аныкталганы жана чыгым кандай өндүрүлгөнү тууралуу мэриянын басма сөз кызматы маалымат берген жок. Жыйында көзөмөл-кассалык аппараттарын (ККМ) киргизүү... Читать дальше...

Бир катар жарандык активисттер, журналисттер жана дарыгерлер окумуштуу-хирург, медицина илимдеринин доктору Эрнст Акрамов жетектеген Чүй облустук ооруканасындагы калыбына келтирүүчү хирургия илимий институтунун жабылышына нааразылыгын билдирип чыгышты. Кайрылуу президент Садыр Жапаровдун атына жазылып, белгилүү хирургдун буга чейинки жасалган эмгектери белгиленген. "Ал хирургиялык тажрыйбада уникалдуу ыкмаларды иштеп чыкты жана киргизди, медицина илимдеринин 20га жакын кандидатын даярдады. Эл... Читать дальше...

"Биринчи каналдын" "Время" программасынын түз эфири учурунда согушка каршы жазуулар жазылган плакат көтөрүп чыкканы үчүн кармалган редактор Марина Овсянникованы адвокаттар таба албай жатканы кабарланды. Овсянникова 14-мартта кечинде “Время” программасынын эфиринде “Согушту токтоткула, пропагандага ишенбегиле, силерге калп айтып жатышат” деп жазылган плакатты көтөрүп чыккандан кийин полиция кармап кеткен. Бул тууралуу анын адвокаты Даниил Берманга шилтеме берип, Meduza жазып чыкты. Буга чейин... Читать дальше...

Өзгөчө кырдаалдар министри (ӨКМ) Бообек Ажикеев Кыргызстанда кумшекер менен өсүмдүк майынын баасы арзандай турганын билдирди. Бул тууралуу ал 15-мартта Бишкекте өткөн басма сөз жыйынында айтты. Анын сөзүнө караганда, 1 миллион килограмм кумшекер өлкөдөгү соода уюмдарына таратылып жатат жана бир килограммы 70 сомдон болот. Ошондой эле 500 миң литр өсүмдүк майы да таратылып бир литри 130 сом деп белгиленди. “Орусия менен Украинадагы абалдан улам биздин жарандар азык-түлүк коопсуздугуна кабатыр болууда. Читать дальше...

Жалал-Абаддагы Түштүк аймактык жүрөк-кан тамыр хирургиясы илимий борборунун эмгек жамааты жетекчиси Калдарбек Абдрамановдун кызматтан алынышы боюнча 15-мартта президентке кайрылды. Алар депутаттык комиссия түзүп, Абдрамановдун жасаган иштерин карап чыкканга чейин жумуштан кетпеши керек деп эсептешет. “Биз массалык маалымат каражаттарынан министр Бейшеналиевдин “Абдрамановду кызматтан алуу керек” деген сөзүн окудук. Ошондуктан бул жактагы жасалган жумуштарды атайын депутаттык топ түзүп, карап чыкканча... Читать дальше...

Башкы прокуратура Өнөр жай, энергетика жана жер казынасын пайдалануу боюнча мамлекеттик комитеттин мурдагы төрагасы Жыргалбек Сагынбаевди кармады. Бул маалыматты “Азаттыкка” башкы көзөмөл органынын расмий өкүлү Сирожиддин Камолидинов ырастады. “Ал комитетте иштеп турганда кызматкерлерине 5 миллион сомдон көп каражатты мыйзамсыз түрдө сый акы катары берген экен. Толук маалыматты кийинчерээк беребиз”, - деди Камолидинов. Анын сөзүнө караганда, Сагынбаев менен кошо өнөр жай, энергетика жана жер... Читать дальше...

Улуттук коопсуздук боюнча мамлекеттик комитет Сириядагы согуштук аймакка баруу үчүн Кыргызстандын чек арасынан мыйзамсыз өткөн чет элдик эки адамды кармаганын билдирди. Мекеменин маалыматына ылайык, шектүүлөр -  Борбор Азиядагы мамлекеттердин биринин жараны. Алар Жалал-Абад шаарында мурда терроризм боюнча соттолгон жергиликтүү тургун менен жашынып жүргөн жеринен 13-мартта колго түштү. Кармалган эки адам Кыргызстанга келгенден кийин Сирияга чыгып кетүү үчүн өздөрүнө Кыргызстандын паспортун жасатып алганга аракет кылышкан. Читать дальше...

Соңку бир суткада Кыргызстанда коронавирус 16 адамдан аныкталды. Саламаттыкты сактоо министрлиги вирустан дагы бир бейтап каза болгонун билдирди. Жалпысынан өлкөдө COVID-19 жуккандардын саны 200 миңден ашты, 2974 адам каза болуп, 195 миңден көбү сакайып чыкты. Ушул күндөрү 121 бейтап ооруканада, 167 адам үйүндө дарыланууда. Бир сутка ичинде коронавирус жуккан медициналык кызматкерлер болгон жок.  Жалпысынан өлкө боюнча COVID-19 диагнозу менен медкызматкерлер арасында 7746 учур катталды. Алардын ичинен 7567 дарыгер айыгып чыккан. Читать дальше...