Новости за 30.03.2022

Сотко акаарат келтирди деген негиз менен беш күнгө камалып чыккан адвокат Нурбек Токтакунов ички иштер бөлүмүндө убактылуу кармоочу жай түзүү тууралуу өкмөт башчынын №55 токтомун жокко чыгарууга аракет кыла турганын "Азаттыкка" курган маегинде билдирди. - Нурбек мырза, камакта беш күн отуруп чыктыңыз. Укук коргоочу, адвокаттык ишмердигиңиз учурунда канчанчы жолу камалдыңыз? - Биринчи жолу камалдым. Буга чейин 2009-жылы Бишкекте нааразылык акциясында милиция кармап кетип, бир нече сааттан кийин коё берген. Читать дальше...

Словакия Орусияга Братиславадагы элчилигинин кызматкерлерин 35 кишиге кыскартуу талабын койду. Өлкөнүн Тышкы иштер министрлиги мындай чечимге  орус дипломатынын аракеттери себеп болгонун 30-мартта билдирди. Расмий маалыматта орус элчилигинин кызматкерлери дипломатиялык алакаларды тескеген Вена конвенциясына каршы келген аракеттерин улантып жатканы жазылган. "Соңку эки жылдын ичинде орусиялык дипломаттар өлкөдөн чыгарылгандан кийин деле Орусиянын дипломатиялык миссиясы биздин аймакта туура иш... Читать дальше...

Кыргызстанда соңку апталарда көз карандысыз Next TV каналы ишин токтотуп, айрым укук коргоочуларга айыппул салынды. Бир катар укук коргоочулар акыркы окуяларды адам укугун бузуу катары сыпаттаса, укук коргоо органдары мыйзамдын талабы катары атап жатат. Өлкөдөгү сөз эркиндигин сактап, мыйзамдын талабын аткаруу үчүн азыркы шартта эмнелерге көңүл буруу керек? Бул суроону «Эксперттер талдайт» программасында талкуулайбыз.

Талас облусундагы Өтмөк ашуусу толук ачылды. Учурда бардык автоунаалар өткөрүлүп жатканын 30-мартта "Азаттык" радиосуна Талас облустук жол кыймылынын коопсуздугун камсыздоо башкармалыгынан билдиришти. Маалыматка караганда, кар көчкүнү мажбурлап түшүрүү максатында аткылоо иштери жүргөн, бирок көчкү түшкөн эмес. Учурда каттам бардык автоунаалар үчүн ачык.  30-март күнү эртең менен жол боюндагы тоолордон кар көчкү атайлап түшүрүлүп жатканына байланыштуу Суусамыр - Талас - Тараз каттамынын Өтмөк... Читать дальше...

Улуттук коопсуздук комитети (УКМК) адам уурдап андан ири өлчөмдөгү акча каражатын опузалап талап кылган жихадчыл идеологиянын кармануучуларын кармаганын билдирди. Маалыматта 19-мартта салттуу эмес “Салафия” диний агымынын өкүлдөрү аталган, "Абдурахим", "Мура", "Хамза" жана "Алина" аттуу диний каймана аттары менен белгилүү жихаддык идеологияны карманган жарандар жана эки белгисиз адам 4 миң долларын алуу максатында 1994-жылы туулган С.Э.М. аттуу ишкерди уурдап кетишкени айтылат. Аны кыйнап, кошумча... Читать дальше...

"Азаттык" радиосу "Талас: спорт залда машыккан апалар" аттуу сюжет чыгаргандан кийин спорт залга демөөрчү болобуз дегендер көбөйдү. Машыктыруучу Кубанычбек Жаманкуловдун айтымында, демөөрчүлөр чет өлкөлөрдөн жана Кыргызстандын булуң-бурчунан чалып, кандай жардам керектигин сурап жатышат. "Кечээ эле бирөө Бишкектен чалып, душка керектүү тетиктерди акысыз бере турганын айтты. Эртең шаарга барып алып келем. Дагы бир ишкер акчалай жардам берип кетти. Айылдагы усталар жуунчу душтун бөлмөсүн бекер жасап жатат", - деди Жаманкулов. Читать дальше...

Кыргызстанда бейөкмөт уюмдарды тизгиндөө же “чет өлкөлүк агент” деген макам берүү сыяктуу демилге маал-маалы менен көтөрүлүп жүрөт. Айрым депутаттар жана коомдук ишмерлер чочулап аткан бейөкмөт уюмдар эмне кандай миссияны аркалашат, төмөндө кененирээк токтолобуз. Бейөкмөт уюм кандай ишмердүүлүк менен алектенет? Кыргызстанда 32 миңге жакын өкмөттүк эмес уюмдар Юстиция министрлигинин каттоосунан өткөн. Алардын 6000ден ашууну коомдук фонддор, 8000ден ашууну коомдук бирикме. Каттоодон өткөн уюмдардын... Читать дальше...

Лейлек районундагы Жаңы-Жер айыл аймагынын төрагасы Саатбек Эгембердиев, Бешкент айыл аймагынын башчысы Бекжан Жалиловдун бөгөт чарасын кароо 31-мартка жылды. Бүгүн, 30-мартта Баткен райондук сотунун судьясы жумуш убактысы бүтүп калганына байланыштуу, ишти кароону жылдырган. Бул тууралуу адвокат Асылбек Конгуров "Азаттыкка" билдирди. Анын айтымында, алгач Лейлек районунда боло турган сот Кадамжай, кийин Баткен райондук сотуна которулган. "Кармалгандарды бошотууну талап кылгандар азыр соттун имаратынын алдында турушат. Читать дальше...

“Элдик курултай” жөнүндө конституциялык мыйзам долбоору коомдук талкууга чыгарылды. Анда курултайдын укуктары, иштөө тартиби жана делегаттарды шайлоонун жол-жобосу жазылган. Долбоордо документ ушул жылдын 1-сентябрынан тартып күчүнө кире турганы көрсөтүлгөн. Талкуу аяктаса апрель айынын ичинде Жогорку Кеңешке сунушталат деп күтүлүүдө. Мыйзам долбоорун президент Садыр Жапаровдун жарлыгы менен түзүлгөн жумушчу топ иштеп чыкты. Ага ылайык, Элдик курултай мамлекеттин ички жана тышкы саясаты боюнча бийликке сунуштарды берет. Читать дальше...

Баткен облусунун Лейлек районундагы Жаңы-Жер айыл аймагынын тургундары, камалган айыл башчыларды бошотуу талабы менен бүгүн, 30-мартта Кадамжай райондук администрациясынын алдына чогулушту. Алар соттун адилет чечим чыгаруусун талап кылышууда. "Териштирүү учуруна чейин сот бүгүнтөн калтырбай үй камагына чыгарып берсе жакшы болот эле. Энелер сыздабай, акыйкат издеген адамдар ыраазы болуп, бийликке ишеними артат эле. Азыр аларды атайылап кармап тургандай туюлуп, элдин кыжыры кайнап жатат. Эмнеге күнөөлүүлөр боштондукта жүрөт... Читать дальше...

Түрк президенти Режеп Тайып Эрдоган менен өзбек лидери Шавкат Мирзиёевдин Ташкенттеги жолугуусунда 10 макулдашууга кол коюлду. Түрк президентинин басма сөз кызматы 30-мартта билдиргендей, документтердин арасында эки өлкөнүн ортосунда артыкчылыктуу соода жана аскердик кызматташтык багытында келишимдер бар. Эрдоган акыркы жолу төрт жыл мурда Өзбекстанга келип кеткенин эске салып, эки бир тууган өлкөнүн ортосундагы кызматташтык соңку жылдары тереңдеп баратканын айтты. "Өткөн жылы соода жүгүртүүбүз 72% чейин көтөрүлүп... Читать дальше...

Бишкектин Биринчи май райондук соту Кой-Таш окуясы боюнча жараянды жарым-жартылай ачык карап жатат. Залдагы орундукка карап соттук отурумга катышууну каалагандар киргизилди. Саясатчы Равшан Жээнбеков "Азаттыкка" билдиргендей, жараянды видеого тартууга уруксат берилген жок. Соттук отурумга президенттик аппараттын мурдагы жетекчиси Фарид Ниязов катышууда, мурдагы президент Алмазбек Атамбаев алынып келинген жок. 2019-жылы 7-8-августта Улуттук коопсуздук боюнча мамлекеттик комитет (УКМК) жана Ички... Читать дальше...

Бишкек мэриясы борбор калаада жылуулук берүү 4-апрелден баштап токтотуларын билдирди. Мындай чечим күз-кыш мезгилине даярдык боюнча оперативдүү штабдын жыйынында кабыл алынды. “Гидрометеорологиялык башкармалыгынын маалыматына ылайык, 31-марттан тарта абанын температурасы жогорулайт. Катуу суук күтүлбөйт”, - деп айтылат мэриянын маалыматта. Буга чейин Ош мэриясы жылуулук берүүнү 1-апрелден тартып токтотуу чечимин кабыл алган. Маалыматка ылайык, аба ырайы беш күн катары менен 8 градустан төмөн болбосо, жылуулук берүү токтотулат. Читать дальше...

Бишкек финансы-экономикалык техникумунун жатаканасы өрттөнүп жатат. Бул тууралуу Өзгөчө кырдаалдар министрлигинин басма сөз кызматы билдирди. ӨКМден билдиришкендей, учурда жатаканада чыккан өрт өчүрүлүп жатат. 2021-жылы Кыргызстанда үч миңдей өрт кырсыгы катталып, 40ка чукул киши каза болгон. Өлкө боюнча 200дөй машине, 2 миңдин тегерегинде өрт өчүрүүчү бар. Өткөн жумада Кыргызстанга акыркы үлгүдөгү 58 өрт өчүрүүчү унаа алынып келинди. Атайын техниканы алууга Дүйнөлүк банк көмөктөшүп, ал “Табигый... Читать дальше...

Улуу Британиянын баш калаасы Лондондо Казакстандын мурдагы президенти Нурсултан Назарбаевдин кызы Дарига Назарбаевага тиешеси бар делген хансарай 9 миллион фунтка (11 миллион 800 миң долларга) сатыкка коюлду. Назарбаевага байланышы бар компания бул үйдү 2008-жылы мындан 300 миң фунтка жогору баада сатып алган. Лондондун кымбат районундагы жана Highgate гольф клубунун жанындагы төрт конок, жети уктоочу жана алты жууна турган бөлмөсү бар бул хансарай Winkworth риелтордук компаниянын базасында пайда болду. Читать дальше...

31-мартта жаан-чачын болбойт. Тоо этектеринде жана тоолуу райондордо жолдор тайгак болот. Абанын температурасы: Чүй облусунда түнкүсүн 0...5, күндүз 16…21; Талас жергесинде түнкүсүн -1...+4, күндүз 14…19; Баткен, Ош, Жалал-Абад дубандарында ​түнкүсүн 1…6, күндүз 16…21; Ысык-Көл, Нарын облустарында түнкүсүн -4…+1, күндүз 8…13; Бийик тоолордо түнкүсүн -18…-23, күндүз 0…-5 градус. Бишкекте жаан, кар жашы ыктымал. Абанын температурасы түнкүсүн 1…3, күндүз 18…20 градус болот.

Сузак районунун 36 жаштагы тургуну эки жаштагы өгөй кызын өлтүрүүгө айыпталып, 10 жылга эркинен ажыратылды. Өкүмдү Жалал-Абад облустук соту чыгарганын “Адилет” укук коргоо уюмунун адвокаты Нурислам Райимжанов “Азаттыкка” билдирди. “Бул иш 9-мартта каралып, айыпталуучу Кылмыш-жаза кодексинин 138-беренеси ("Этиятсыздыктан киши өлтүрүүгө алып келген , ден соолукка оор залал келтирүү") боюнча күнөөлүү деп табылды. Биз облустук соттун чечимине макул эмеспиз. Экспертизанын жыйынтыгын карасак, кыздын... Читать дальше...

Жогорку Кеңештин депутаты Сеид Атамбаев мурдагы президент Алмазбек Атамбаевди эркине каршы сотко алып келген окуяга көңүл бурууга чакырды. Эл өкүлү бул маселени парламенттин 30-марттагы жыйынында көтөрүп, депутаттык комиссия түзүүнү сунуштады. "Бул ишти жөн коюш керек эмес. Ар бир фракциядан бирден депутат кирген комиссия түзүп, ишти караш керек. Бул жерде кызыкчылыктар кагылышы дагы болууда. Анткени, Акылбек Үсөнбекович (Министрлер кабинетинин төрагасы Жапаров - ред.) кабинеттин жетекчиси болуп жатат... Читать дальше...

2021-жылы Орусиянын аймагында баңгизат сатуу, ташуу, колдонууга байланыштуу кыргызстандыктар аралашкан 327 учур катталган. Бул 2020-жылга салыштырмалуу 71% көп. Бул тууралуу Кыргызстандын Ички иштер министрлигинин Орусиядагы өкүлү Нурлан Жанбаев "Азаттыкка" билдирди. Анын айтымында, 2020-жылы ушул эле берене менен 191 адам кармалган. Алардын басымдуу бөлүгү жаштар. Оңой акча табууга азгырылгандар өзгөчө 2019-жылдагы пандемиядан кийин күчөгөн. "Азыр жаштардын баары эле социалдык тармактарда отурат. Читать дальше...

Орусияда мигранттар арасында маңзат ташууга айыпталып камалгандар көбөйүүдө. Алардын басымдуу бөлүгү жаштар. Бул тууралуу бир нече булактар маалымат берүүдө. "Канчалаган ата-энелер сыздап калууда" Акберметтин (ысымы белгилүү себептерден улам өзгөртүлдү) Москвага барганына бир аптадай гана убакыт болду. Марттын ортосунда баласы Орусияда маңзат ташууга шектелип кармалган. Ал азырынча баласы менен жолуга электигин, кармалган себебин деле толук билбей турганын айтты. Алдын ала маалыматка караганда... Читать дальше...

Салык кызматынын маалыматына караганда, жыл башынан бери 17 миң 68 ишкер көзөмөл-кассалык машинаны колдонууга өттү. Аталган мекеме өлкө боюнча 45 миңге жакын контролдук-кассалык машина колдонулуп жатканын, анын ичинен 22 миңден ашууну аппараттык жана жарымы программалык ККМ экенин билдирди. Азыркы учурда эки түрдөгү, аппараттык жана программалык ККМ колдонулат. Аппараттык ККМ – бул маалыматтарды онлайн өткөрүп берүү модулу бар фискалдык эстутуму менен кадимки кассалык аппарат. Программалык KKM – тиркеме түрүндө болот. Читать дальше...

29-мартта америкалык бир катар белгилүү туристтик компаниялар менен кыргызстандык компаниялардын жолугушуусу өттү. Кыргызстандын АКШдагы элчилиги тарабынан уюштурулган бул жыйын онлайн форматында өтүп, ага бир нече америкалык туристтик компаниялар жана ондон ашуун кыргызстандык туристтик компаниялардын өкүлдөрү, АКШ өкмөтүнүн, USAID программасынын жана Кыргыз-Америка бизнес кеңешинин өкүлдөрү катышышты. Иш-чарада сөз сүйлөгөн элчи Бакыт Аманбаев кыргыз бийлиги туризм багытында Кыргызстанга келген... Читать дальше...

Жогорку Кеңештин депутаты Өмүрбек Бакиров Өзбекстан Ош облусунун Араван районуна караштуу Төө-Моюн айыл өкмөтүнүн Керкидан аймагына жол кура баштаганын билдирди. Бул тууралуу эл өкүлү парламенттин 30-марттагы жыйынында айтып чыкты. "Керкидан аймагына Өзбекстандын күч органдары чыгып, эки күндөн бери жол куруу иштерин жүргүзүп жатат. Эки мамлекеттин ортосунда делимитация жана демаркация боюнча комиссия түзүлгөн. Ага ылайык, бул иштер Кыргызстандын макулдугу менен гана курулушу керек. Тиешелүү жетекчилерге дагы айтылса керек. Читать дальше...

Жогорку Кеңеш 30-марттагы жалпы жыйынында Бакыт Төрөбаевди Министрлер кабинетинин төрагасынын орун басары кызматына дайындоого макулдук берди.  Талкуу учурунда депутатттар өкмөт өкүлдөрү азык-түлүк каатчылыгы, баалардын көтөрүлүшү, жазгы айдап-себүү иштери жана ишкерлерди колдоо өңдүү маселелерге көңүл бурушу керектигин эскертишти. Ушул кезге чейин Жогорку Кеңештеги “Ата-Журт - Кыргызстан” фракциясынын төрагасы болуп турган Бакыт Төрөбаев 49 жашта. Ал “Ак жол”, “Республика” жана “Өнүгүү-Прогресс”... Читать дальше...

Жогорку Кеңештин депутаты Нуржигит Кадырбеков бүгүн, 30-мартта парламенттин жалпы жыйынында Кыргызстанга иштегени келип, бирок укуктары бузулганына даттанган Бангладеш жарандарынын маселесин көтөрдү. Эл өкүлү бул маселе боюнча тийешелүү мекемелерге кат жөнөтөрүн айтты. "Алар аркылуу Кыргызстандын инвестициялык климатына, өлкөнүн имиджине зор зыян келип жатат. Мен атайын кат дагы жөнөтөм. Тийиштүү мекемелер чара көрсүн", - деди Кадырбеков. Марттын башында Кыргызстанга иштегени келген Бангладештин он чакты жараны эмгек келишими бузулуп... Читать дальше...