Новости за 14.04.2022

Бул тууралуу Инвестициялар боюнча улуттук агенттиктин башчысы Равшан Сабиров 14-апрелде Бишкекте Кыргыз-өзбек өнүктүрүү фондунун ачылышында билдирди. Ал фонддун азыркы баштапкы капиталы 50 миллион долларды түзгөнүн, келечекте 200 миллион долларга чейин жеткирилерин айтты. “Эки өлкөнүн алакасына жакшы таасир эткен бул фонд иштей баштаса, 350 долбоорду ишке ашыра алабыз деп турабыз. Бул долбоорлор толук иштелип чыккан. Фонддун каражаты азырынча өзбек тарапка таандык, бирок алдыда биз дагы салым кошобуз деп турабыз”,-деди Сабиров. Читать дальше...

Президенттин иш башкармалыгы “Манас айылы” маданий этнографиялык комплексинин жери боюнча түшүндүрмө берди. Президенттик администрациянын басма сөз кызматы кабарлагандай, “Ысык-Көл” мейманканасынын ордуна жаңы административдик комплекстин курулушу башталып жатат. Ал жерди түздөө үчүн “Манас айылы” комплекси жайгашкан аймактын 5 сотых жери алынууда. Курулуш иштерине тоскоолдук жараткандыктан “Манас айылы” менен административдик корпустун ортосундагы темир тосмолор жок кылынган. Мекеме, комплекстин... Читать дальше...

Бишкекте 14-апрелде Тажикстандын элчилигинин алдында он чакты жарандык активист нааразылык акциясына чыгышты. Алар тажик президенти Эмомали Рахмонду айыптап, "Рахмон чыккынчы" деген сөздөрдү айтып, чек ара жаңжалында курман болгон кыргызстандык балдардын сүрөттөрүн, өлкөнүн желегин кармап турушту. Милиция кызматкерлери айрым жазууларды "агрессивдүү маанайда" деп баалап, көтөрүп чыгууга болбой турганын эскертти. Мунун алдында, 13-апрелде президент Садыр Жапаров кыргыз-тажик чек арасындагы соңку чатакка байланыштуу үн каткан. Читать дальше...

Норвегия, Түркиядагы жогорку маяналуу ишин таштап, кыргызстандык үч жигит Бишкекке кир жуучу каражаттарды чыгаруучу чакан цех ачкан. Алты жылдан бери бул ишкана чоңоюп олтуруп, азыр анда чыккан каражаттарды чет өлкөгө экспорттоо каралууда. Бул үчүн жергиликтүү ишкана Германиядан атайын окумуштуу адистерди алып келип, чыгарган товардын сапатын арттырууда.

Бул тууралуу Министрлер кабинетинин төрагасынын орун басары Бакыт Төрөбаев 14-апрелде президенттин облустагы өкүлдөрү менен өткөргөн жыйында айтылды. Анда Айыл чарба министрлигине Ысык-Көл менен Нарын облустарын керектүү өлчөмдөгү үрөн менен камсыздоо тапшырмасы берилди. Өкмөттүн басма сөз кызматынын маалыматына ылайык, 14-апрелге карата беш миң тоннага жакын үрөн аймактарга бөлүштүрүлүп берилди. Казакстандан гуманитардык жардам катары миң тонна буудайдын үрөнү алынды. Эми Орусиядан 160тан ашык вагондо алынып келинери айтылды. Читать дальше...

Анталиядагы Башкы консулдук Анталия, Мугла, Айдын, Денизли, Бурдур, Ыспарта, Конья, Караман, Нигдэ, Мерсин, Адана, Османие, Хатай, Газиантеп жана Килис аймактарында жашаган Кыргызстандын жарандарына кызмат көрсөтөт. Президент Садыр Жапаров “Түркиянын Анталия шаарында Кыргызстандын Башкы консулдугун уюштуруу жөнүндө” жарлыкка 2021-жылдын октябрь айында кол койгон. Расмий эсепте Түркияда 20 миңден 25 миңге чейин кыргызстандык бар. Алардын көпчүлүгү Анталия, Измир жана Алания аймактарында жашап, иштейт. Читать дальше...

Кыргызстандын мурдагы президенти Алмазбек Атамбаев ден соолугу начар экенин билдирди. Бул тууралуу ал 14-апрелде Бишкектин Биринчи май райондук сотунда отурум башталарга чейин журналисттердин суроолоруна жооп берип жатып айтты. “Мен эч качан арыздангым келбейт. Бирок азыркы диагнозум начар. Дарыгерим деле билет. Мен деле шал болгум келбейт. Ошон үчүн бул жерге отурбай атам. Булар болсо мени шал болуп жатып калса дешет. Мен жатып калсам да күрөшөм”, - деди Атамбаев. Мурдагы президенттин адвокаты... Читать дальше...

Бишкектеги “Манас айылынын” башчысы, манасчы Дөөлөт Сыдыков маданий-этнографиялык комплекстин жерин белгисиз топ басып алууга аракет кылып жатканын билдирип, өлкө жетекчилерине кайрылды. Ал 12-апрелде “Ысык-Көл” мейманканасын бузуу иштерин аткарып жаткан компаниянын кызматкерлери келип “Манас айылынын” тосмолорун талкалаганын айтты. Бул маселени Жогорку Кеңештин 14-апрелдеги жыйынында депутат Мирлан Самыйкожо да көтөрүп, өкмөттү чара көрүүгө чакырды. “Мен буга чейин “Манас ордо” боюнча да маселе көтөргөм. Читать дальше...

Бишкектин Калыс-Ордо жаңы конушундагы мектептин курулушу жана түркиялыктарга Кыргызстандын жарандыгын берүү боюнча мурдагы президент Алмазбек Атамбаевге козголгон кылмыш иштери боюнча соттук отурум айыпталуучунун катышуусуз өткөнү калды. 14-апрелде Бишкектин Биринчи май райондук сотуна алынып келген мурдагы президент отурумга катышпай турганын билдирип, бул жолу да айнек тосмону тепкиледи. Жыйынтыгында, ишти карап жаткан судья Мирлан Термечиков Алмазбек Атамбаевди сот залынан чыгарды. “Бул сот мени кыйнап жатат. Читать дальше...

Ички иштер министрлиги (ИИМ) жарандарга кайрылып, социалдык тармактарда тарап жаткан чагымчыл материалдарга ишенбөөгө чакырды. Министрлик өлкөдөгү абалды туруксуздаштыруу максатында ушул өңдүү материалдарды тараткандар кылмыш жоопкерчилигине тартыларын эскертти. “Башка мамлекеттер менен болгон чыр-чатактарга байланышкан маалыматтарды каалагандай бурмалап жана алардын жарандарын мазактаган ар кандай видео-фотоматериалдарды тараткандан алыс болууну сунуштайбыз. Анткени бул аракеттер моралдык этикага туура келбейт. Читать дальше...

Кыргызстан менен Тажикстандын тышкы иштер министрлери Руслан Казакбаев менен Сирожиддин Мухриддин 14-апрелде телефондон сүйлөшүп, эки тараптуу кызматташуу, аймактагы коопсуздук маселелерин талкуулады. Кыргызстандын ТИМи тараткан маалыматта "Cүйлөшүүнүн жүрүшүндө жакынкы аралыкта жогорку жана эӊ жогорку деңгээлдеги иш-чараларды уюштуруу анын ичинде тараптардын компетенттүү органдарынын эки тараптуу жолугушуулары боюнча пикир алмашуу болду. Министрлер мамлекеттик чек ара маселелерин чечүү иштерин улантуу керектигин белгилешти",-деп айтылат. Читать дальше...

Жогорку Кеңеште 14-апрелдеги жыйынында депутат Шайлообек Атазов кыргызстандык балбандар Айсулуу Тыныбекова менен Акжол Махмудов Монголияда өтө турган күрөш боюнча Азия чемпионатына бара албай жатканын билдирди. Ал буга байланыштуу Финансы министрлигин күнөөлөдү. "Финансы министрлиги Олимп оюндарынын күмүш медалдалдарынын ээлеринин билетине акча которбой жатат. Бул ошол министрликтеги кыргыз спортун түшүнбөгөн адистердин айынан болуп жатат. Алар болсо "фонд ачып, акчаны элден топтоп барбайсыңарбы" деп айтып жатышыптыр. Читать дальше...

Кыргызстандын Чек ара кызматы кыргыз-тажик чек арасындагы соңку чырга байланыштуу 13-апрелде кечке жуук сүйлөшүүлөрдүн үчүнчү айлампасы өткөнүн билдирди. Ага кыргыз тараптан Чек ара кызматынын башчысы Уларбек Шаршеев баштаган топ катышты. Ал эми тажик делегациясынын жетекчиси Чек ара кошуундарынын башчысы Ражабали Рахмонали болду. Анда тараптар чек арага тартылган кошумча күчтөрдү жана каражаттарды кайра кайтарууну улантууну, бул чечимдин аткарылышын көзөмөлдөө үчүн тиешелүү органдардардан турган комиссия түзүүнү макулдашты. Читать дальше...

Бул тууралуу Кыргызстан мусулмандар дин башкармалыгы (муфтият) кабарлады. Быйылкы орозо 2-апрелде башталган, Кадыр түн орозонун 27-күнүнө караган түнү белгиленет. Жалпы мусулмандар ыйык тутуп, ниет кылган Орозо айы бир айдан кийин майрамдык Орозо айт менен жыйынтыкталат.

Президентке караштуу Инвестициялар боюнча улуттук агенттикте 13-апрелде Кыргыз-немис ишкерлер кеңешинин Кыргызстандан дайындалган өкүлдөрүнүн жыйыны өттү.  Анда аталган кеңештин алгачкы жолугушуусун уюштуруп, өткөрүүгө байланыштуу маселелер талкууланды. Агенттиктин башчысы Равшан Сабиров Германия менен кызматташуунун негизги багыттары катары жашыл экономика, агроөнөржай, экспортту өнүктүрүү, маалыматтык-коммуникациялык технологиялар, машина куруу, билим берүү, өнөр жай жана курулуш тармагын атады. Читать дальше...

Бул тууралуу Жогорку Кеңештеги Эл аралык иштер, коргонуу, коопсуздук жана миграция комитетинин төрагасы Чыңгыз Айдарбеков 13-апрелде Өзбекстандын Кыргызстандагы элчиси Хуршид Мирзахидов менен жолукканда билдирди. Анда тараптар парламенттер аралык кызматташууну чыңдоо, соода-экономикалык жана маданий-гуманитардык алака-катышты өнүктүрүү багытында пикир алмашты. Президент Садыр Жапаров өткөн аптада Өзбекстандын президенти Шавкат Мирзиёев менен телефондон сүйлөшкөн.  Президенттин басма сөз кызматы анда эки тараптуу кызматташуу... Читать дальше...