Новости за 19.04.2022

Учурда Кыргызстандын жарандарына Орусиянын аймагына кирүүгө аба аркылуу гана уруксат берилген. Бул тууралуу Кыргызстандын Орусиядагы элчилиги билдирди. Казакстан кыргызстандыктардын көзөмөл-өткөрүү пункттары аркылуу кирүүсүнө чектөөнү алып салган. Бирок Орусия чектөөнү ала элек. Элчилик Орусиядан өткөрүү пункттар аркылуу автоунаа менен чыгууга гана уруксат берилерин, муну эске алуу керектигин эскертти. Кыргызстандын Чек ара кызматы 11-апрелден тартып Казакстан чек арасындагы жүргүнчүлөргө чектөөлөрдү жойгонун билдирген. Читать дальше...

20-25-апрель күндөрү Кыргызстанда кезектеги Салттуу музыка жумалыгы жана Эл аралык музыка жана бий конгресси өтөт. Бул тууралуу бүгүн 19-апрелде маданият, маалымат, спорт, жана жаштар саясаты министри Азамат Жаманкулов Бишкекте өткөн маалымат жыйынында билдирди: “Салттуу музыка күнү быйыл 18-жолу белгиленгени жатат. Акыркы жылдары аны күн катары эле эмес, өзүнчө жумалык кылып белгилеп келе жатабыз. Быйыл эл аралык жаңы деңгээлге чыктык десем болот. Салттуу музыка жумалыгына Казакстан, Түркия, Өзбекстан... Читать дальше...

Кыргызстандын ички иштер министри Улан Ниязбеков жана Түркия мамлекетинин ички иштер министри Сулейман Сойлу 18-апрелде Анкарада жолугуп, эки тараптуу кызматташтыкты талкуулады. Бул тууралуу ИИМдин басма сөз кызматы билдирди. Маалыматка караганда, жолугушууда Түркиянын жардамы менен баңги жана уюшкан кылмыштуулукка, аткезчиликтин бардык түрлөрүнө каршы натыйжалуу күрөшүү үчүн түрк полициясынын ТАДОК (TADOC) окуу борбору сыяктуу  жайды Кыргызстанда ачуу сунушу талкууланды. "Мындай борборду ачуу... Читать дальше...

19-апрелде Ооганстандын Кабул шаарындагы эркек балдардын мектебинде кеминде үч жарылуу болду. "Талибан" өкмөтүнүн Ички иштер министрлигинин басма сөз катчысы Абдул Нафи Таку "Эркин Европа/Азаттык" радиосуна билдиргендей, жарылуу хазар тектүү шииттер байырлаган конуштагы Абдул Рахим Шахид атындагы жогорку класстын окуучулары окуган мектепте болгон. Мектепте граната жарылган болушу мүмкүн экенин коопсуздук органдарынын өкүлү германиялык DPA жаңылыктар агенттигине билдирди. Күбөлөрдүн айтымында,... Читать дальше...

19-апрелде Пакистанда Шахбаз Шариф жетектеген жаңы өкмөт ант берип, ишке киришти. Жергиликтүү медиа кабарлагандай, Сенаттын төрагасы Садик Санжрани 31 федералдык жана мамлекеттик министрдин антын кабыл алды. Өткөн аптада Пакистандын Мусулман Лигасы - Наваз (PML-N) партиясын жетектеп келген Шахбаз Шариф Пакистандын жаңы премьер-министри болуп шайланган. Ал 2018-жылдан бери өлкөнү башкарып келген Имран Хандын ордун баскан. Хан Пакистандагы бир нече жумалык саясий кризистен кийин 10-апрелде кызматтан кеткен. Читать дальше...

Кыргызстан алгачкы жолу өзү кураштыра баштаган автобустарды Бишкек мэриясы донордук акчага сатып ала албай турганы бүгүн 19-апрелде Жогорку Кеңештин Транспорт, коммуникация, архитектура жана курулуш комитетинде айтылды. Комитеттин жыйынында Азия өнүктүрүү банкынын шаардык транспортту электрлештирүү долбооруна бөлө турган каражаты боюнча маселе каралып, анда  Бишкек мэриясынын Транспорт департаментинин директору Максат Нусубалиев автобус чыгаруучу «Белес.kg» ишканасы менен сүйлөшүү болгонун, бирок... Читать дальше...

Кыргызстандык балбандар Тынар Шаршенбеков жана Акжол Махмудов Монголиянын Улан-Батор шаарында өтүп жаткан күрөш боюнча Азия чемпионатынын финалына чыгышты. Дүйнөлүк күрөш уюмунун сайтындагы маалыматка таянсак, 19-апрелде Тынар Шаршенбеков грек-рим күрөшүнөн 63 килограмм салмакта финалда казакстандык Мирамбек Айнагулов менен күрөшөт. Ал финалга чыкканга чейин индиялык Неераж Нееражды 10:4 эсебинде, жарым финалда өзбекстандык Исломжон Бахромовду 13:7 эсебинде утуп алды. Тынар Шаршенбеков 25 жашта. Читать дальше...

Жаңы Ак үйдү кура турган компанияга берилери айтылган 16 гектар жердин болжолдуу дареги белгилүү болду. Президенттин иш башкармалыгынын алдындагы Социалдык-экономикалык жана административдик объектилерди куруу, реконструкциялоо боюнча жаңыдан түзүлгөн дирекциянын жетекчиси Марат Турсунбековдун айтымында, жер шаардын түштүк тарабында жайгашкан. Турсунбеков маалымат агенттиктердин бирине мурдагы "Ысык-Көл" мейманканасынын маңдайына дагы административдик имарат курула турганын билдирген. "Президенттин... Читать дальше...

Мурдагы президент Алмазбек Атамбаев бүгүн 19-апрелде Биринчи Май райондук сотундагы отурумга жеткирилип, бирок ага катышуудан баш тартты. Адвокат Сергей Слесарев Атамбаевдин ден соолугун жүйө келтирип, судьядан отурумду ансыз өткөрүүнү өтүндү. Бирок судья Мирлан Термечиков жактоочунун бул өтүнүчүн канааттандыруудан баш тартты. Атамбаев судьянын мындай чечимине баш ийбей турганын айтып, залдан чыгып кетти. Судья ал сотко баш ийбегендиги үчүн залдан чыгарылганын билдирди. Бүгүн Атамбаев айыпталып... Читать дальше...

Жаз келип Папан суу сактагычы көркүнө чыккан кези. Күн чайыттай ачылган кезде көл көк-жашыл түскө боёлуп, кайталангыс сулуулукка бөлөнөт.

Коопсуздук кеңешинин катчысы Марат Иманкулов Лейлекте териштирүү жүргөндөн кийин абакта отурган мурдагы айыл өкмөт башчылары үй камагына чыкты. Аларга каршы тараптар Иманкуловду экинчи тарапка тартты деп айыпташууда. Борбордун кийлигишүүсүн талап кылган окуянын жаңы жагдайлары кандай? Лейлек районунун Жаңы-Жер айыл өкмөтүнүн депутаттары экенин айткан сегиз адам жакында Баткенге барып келген коопсуздук кеңешинин катчысы Марат Иманкуловдун үстүнөн жогорку бийлик жетекчилерине кайрылды. Анда 27-мартта... Читать дальше...

"Ысык-Көл" мейманканасынын ордуна салына турган жаңы Ак үйдүн курулушун бир жарым жылдын ичинде бүтүрүү каралууда. Бул тууралуу президенттин иш башкармалыгынынын алдында Социалдык-экономикалык жана административдик объектилерди куруу, реконструкциялоо боюнча жаңыдан түзүлгөн дирекциянын жетекчиси Марат Турсунбеков 24.kg сайтына курган маегинде билдирди. Анын айтымында, курулуштун бюджети этап-этабы менен иштелип чыгып, долбоордун баасы жарым жылда белгилүү болот. "Бизде инвестор менен келишим бар, бирок азырынча жарыялай албайбыз. Читать дальше...

Өзбекстандагы белгилүү саясат таануучу жана көз карандысыз эксперт Камолиддин Раббимов 15 суткага камалды. Учурда ал Ташкенттеги тергөө абагында кармалууда. Бул тууралуу журналист Ильёс Сафаров өзүнүн Facebook баракчасына жазды. Анын айтымында, үй-бүлөсү 17-апрелден бери байланыша албай жатат. Раббимовдун жакындары ал 15:00дө үйдөн чыгып кеткен бойдон дайыны чыкпай жатканын айткан. "Мен азыр эле Камоллидин ака менен байланыштым. Биздин сүйлөшүү абдан кыска, 5-6 секунд эле болду. Ал "мен 15 сутка Панельныйдамын" деп айтты. Читать дальше...

Кыргызстан өлкө аймагында BSL3 биологиялык лабораториясын курууга каршы экендигин Москвада өткөн жыйында билдиргенин 19-апрелде Саламаттык сактоо министрлиги кабарлады. Мекеменин маалыматына караганда, Орусиянын борборунда өткөн кыргыз-орус соода-экономикалык, илимий-техникалык жана гуманитардык кызматташтыгы боюнча өкмөт аралык комиссиянын кезектеги отурумунда саламаттык сактоо тармагындагы мамилелер да талкууланды. Кыргызстандын аймагында биологиялык лаборатория куруу долбоору боюнча маселе да көтөрүлүп... Читать дальше...

Казакстан пандемияга байланыштуу киргизилген чек арадагы чектөөнү алды. Эки жылдан бери кыргыз жарандары жакын турган коңшу өлкөгө учак менен гана каттап, мекенине айлап келе албай жаткан. "Данисте" бул жолу Кыргызстандан 230 чакырым алыстыкта жайгашкан Алматы шаарындагы журтташтардын чек ара жабылгандан берки турмушу менен таанышып келди.

Улуттук банк Кыргызстандын валюта рыногунда АКШ долларынын жасалма банкноттору көбөйүп жатканына байланыштуу билдирүү таратып, калкты акча алмаштыруу операцияларын жүргүзүүдө этият болууга чакырды. Маалыматта чет өлкөнүн валютасынын аныктыгын тастыктоо үчүн коммерциялык банктардын жана алмашуу бюролорунун кызматкерлеринен детектордон текшерүүнү талап кылуу зарыл экени белгиленген. "Валюта алмаштыруу жайларына барганда Улуттук банктын лицензиясынын бар экенине көңүл буруу керек. Лицензия жана... Читать дальше...

Жогорку Кеңештин депутаттары Кумтөр алтын кениндеги абал менен таанышат. Парламенттин басма сөз кызматы билдиргендей, Отун-энергетикалык комплекс, жер казынасын пайдалануу жана өнөр жай саясаты боюнча комитетинин көчмө жыйыны бүгүн, 19-апрелде Ысык-Көлдө өтөт. Расмий кабарда жаратылыш ресурстары, экология жана техникалык көзөмөл министри Динара Кутманова жана "Улуу көчмөндөрдүн мурасы" Улуттук холдингинин башкармалыгынын төрагасы Тенгиз Бөлтүрүк Кумтөрдөгү абал боюнча маалымат берери айтылды. ... Читать дальше...

Дүйнөлүк банк бере турган 50 млн. доллардын жарымы жардам иретинде, калган бөлүгү насыя түрүндө берилет. Бул тууралуу экономика жана коммерция министри Данияр Амангелдиев Жогорку Кеңештин тармактык комитетинин жыйынында билдирди. Анын айтымында, насыянын пайыздык чени 0, 75% түзөт. Насыя 38 жылга берилип, анын 6 жылы жеңилдетилген мезгил болуп саналат. Министрдин орун басары Чоро Сейитовдун айтымында, аймакты өнүктүрүү долбоору 2027-жылга чейин коомчулукту өнүктүрүү жана инвестициялоо агенттиги (АРИС) тарабынан ишке ашырылат. Читать дальше...