Новости за 03.04.2023

Кыргызстанда үч же андан көп эм төрөлгөн үй-бүлөлөргө бир жолу 500 миң сом сүйүнчү пул берүү демилгеси көтөрүлдү. Тиешелүү токтом долбоорун Жогорку Кеңештин депутаттары Максатбек Сарбагышев, Нурбек Алимбеков жана Мирлан Самыйкожо сунуштады. Парламенттин басма сөз кызматы долбоор 3-апрелде Жогорку Кеңештин Социалдык саясат боюнча комитетинин жыйынында талкууланып, колдоо тапканын билдирди. Расмий маалыматка караганда, 2022-жылы өлкөдө 1380 эгиз, 13 үч эм жана 1 төрт эм төрөлгөн. 2021-жылы 1452 эгиз... Читать дальше...

Саламаттык сактоо министрлиги кабарлагандай, Улуттук онкология жана гематология борборуна аялдардын гинекологиялык өсмө ооруларын нур менен дарылоодо зарыл болгон эки брахиаппарат сатып алынды. Бул тууралуу аталган мекеменин басма сөз кызматы маалымдады. Жабдуулардын баасы жалпы 1 млн. 400 евро. Министрлик бул жабдуулар кайсы каражатка жана кайдан алынганын тактаган жок. Аппаратты иштеткен дарыгерлер, инженер жана физиктер окуудан өтүштү. Аталган борбордун гинекология бөлүмүндө онкологиялык дарттар менен жылына 300 аял кайрылат. Читать дальше...

Мамлекеттик салык кызматы Кыргызстанда электрондук түрдө кызмат көрсөткөн чет өлкөлүк компаниялар бюджетке кошумча нарк салыгын төлөп жатканын билдирди. Мекеме аны “Google салыгы” деп атап бир жылда 39 чет элдик компания Салык кызматынын vat.salyk.kg сайты аркылуу аралыктан салыктык каттоодон өтүшкөнүн кабарлады. АКШдан алты, Дубайдан, Ирландиядан, Нидерланддан төрттөн, Улуу Британиядан, Канададан, Кипрден үчтөн, Бириккен Араб Эмираттарынан, Орусиядан жана Люксембургдан, Кайман аралдарынан, Латвиядан... Читать дальше...

Түркиядагы 6-февралдагы катуу зилзаладан кийин урандылар дээрлик тазаланды. Бирок жер менен жексен болгон имараттардын астынан дагы деле жакындарын издегендер бар. Мындан он жыл мурун Антакия шаарында курулган 12 кабаттуу (250 батирлүү) эң коопсуз делген Rönesans Rezidans комплекси зилзалада тыптыйпыл болду. Учурда  урандылар тазаланып бүттү. Бирок ал комплексте жашаган 80дей киши алигиче дайынсыз. "Кызым менен неберем жашаган үйдүн жанында 17 күн күттүк" Мектепте мугалим болуп иштеген Бирай... Читать дальше...

Бишкекте шаардык милициянын жетекчиси Азамат Ногойбаев анын кызматтан кетишин талап кылган акцияны чагылдырган журналисттер менен жолукту. Баш калаанын милиция башчысы 31-мартта өткөн түз эфир маалында айткандарын "айрымдар туура эмес түшүнүп алганын" белгилеп, ал үчүн кечирим сурады. "Дал ушул "өздөрү" деген сөз туура эмес болуп калганын мойнума алам. Мен коомдук кишимин, бирок түз эфирде юрист катары эмес, өзүмдүн сөзүмдү айтып алыпмын. Ушул тапта өспүрүмдөрдүн коопсуздугу үчүн бардык шарттарды түзүү аракети болууда", - деди Ногойбаев. Читать дальше...

Энергетика министрлиги 3-апрелде кабарлагандай,  "Улуттук энергохолдинг" мамлекеттик ишканасы жоюлуп, анын акциялары министрликке өтөт. Бул тууралуу аталган мекеменин басма сөз кызматы маалымдады. Компанияны жоюу тууралуу токтом долбооруна энергетика министринин орун басары Мирлан Жакыпов кол койгон. "Улуттук энергохолдинг" компаниясынын бардык мүлкү аны жоюу процесси аяктаганда толугу менен Энергетика министрлигине өтөт. Ушул тапта компания өзүнө караштуу беш ачык акционердик коомдордун дээрлик 90% акцияларына ээ. Читать дальше...

Кыргызгидромет борбору кабарлагандай, 4-апрелде түнкүсүн Баткен облусунун көпчүлүк аймактарында, Ош, Жалал-Абад облустарынын айрым жерлеринде жаан, тоолуу райондорунда кар жаайт. Күндүз Талас, Ош, Жалал-Абад, Баткен облустарынын айрым жерлеринде өткүн өтүп, күн күркүрөйт. Бийик тоолуу райондордо кар жаайт. Чүй, Нарын, Ысык-Көл облустарында жаан-чачын болбойт. Өзгөчө кырдаалдар министрлиги 3-апрелде түнкүсүн жана эртең менен Чүй, Талас облустарынын дыйканчылык аймактарында жана Ош, Жалал-Абад, Баткен... Читать дальше...

Башкы прокуратуранын басма сөз кызматы “Кадастр” мамлекеттик мекемесинин Аламүдүн району боюнча филиалынын башчысы, жер мунапысы боюнча комиссиянын мүчөсү (А.М.А.) кармалганын билдирди. Шектүүгө Кылмыш-жаза кодексинин “Коррупция” беренеси менен кылмыш иши козголду. Мекеме буга чейин Аламүдүн районунда жер мунапысы боюнча түзүлгөн комиссия мамлекетке тиешелүү 66,8 га айыл чарба багытындагы сугат айдоо жерлерди жер мунапысына киргизип, калктуу конуштар категориясына билип туруп мыйзамсыз которушканын кабарлаган. Читать дальше...

Кыргыз өкмөтү казино өңдүү оюн-зоок жайларын ачууга кызыккан инвесторлор аз деген жүйө менен мындай ишмердик үчүн салыктын көлөмүн азайтууну сунуштап жатат. Учурда кумаркана ачууга байланыштуу бир гана арыз түшүп, каралып жатканы белгилүү болду. Былтыр кызуу талаш-талкуу менен кабыл алынып, кол коюлган мыйзамга ылайык, кумарканалар ушул жылдын башынан тартып ачылып, иштей башташы керек эле. "Казино ачууга кызыккан инвестор аз" Экономика жана коммерция министрлиги кумарканалар үчүн салыктын көлөмүн... Читать дальше...

3-апрелде Бишкек шаардык ички иштер башкармалыгынын алдында шаардык милициянын башчысы Азамат Ногойбаевдин кызматтан кетишин талап кылган нааразылык акция өттү. Акциянын уюштуруучуларынын бири укук коргоочу Назгүл Турдубекова шаардык милицияда адамдардын, кыздардын укугун коргогон адам иштеши керектигин айтып, президент Садыр Жапаров менен ички иштер министри Улан Ниязбековго кайрылды. “Кыргызстанда зордуктоо фактылары мурдагы жылдарга караганда эки эсе көбөйдү. Бул абдан коркунучтуу. Буга укук... Читать дальше...

Улуттук банк 31-мартта валюта базарына 45 миллион 200 миң доллар сатты. Бул маалымат банктын расмий сайтына жарыяланды. Ушуну менен өлкөнүн негизги банкы 2023-жылдын башынан бери алты жолу интервенция жасап, валюта рыногуна 307 миллион 370 миң доллар сатты. 2022-жылы Улуттук банк 486 миллион доллар сатып, кайра 190 миллион доллар сатып алган. Интервенция доллардын курсу кескин көтөрүлүп же түшүп кеткенде жасалат. Улуттук банк январдын аягында Кыргызстандын банктарында 600 миллион доллар бар экенин, анын 40% накталай экенин билдирген. Читать дальше...

Бишкектин Ала-Тоо аянтында, Эркиндик бульварында, Линейная көчөсүнөн Чүй проспектисине чейинки аралыкта, Жогорку Кеңештин имаратынын жана президенттин администрациясынын алдында, аларга жакын Панфилов паркында митинг өткөрүүгө салынган тыюу ушул жылдын 1-июлуна чейин узартылды. Андан тышкары Таттыбүбү Турсунбаева атындагы гүл бакта, Жогорку Соттун жана Орусиянын Кыргызстандагы элчилигинин алдында, Улуттук коопсуздук боюнча мамлекеттик комитеттин (УКМК) жанында да нааразылык акцияларын өткөрүүгө болбойт. Читать дальше...

Ички иштер министрлиги (ИИМ) Ысык-Көл облусунун Түп районунун тургунунан сегиз килограммга жакын марихуана жана 11 килограммдан ашык гашиш баңгизаты табылганын билдирди. Бул факты боюнча Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо” беренеси менен кылмыш иши козголуп, шектүү Каракол шаарындагы тергөө изоляторуна киргизилди. ИИМдин маалыматы боюнча, 2022-жылы Кыргызстанда баңгизатка байланыштуу 463 кылмыш аныкталып... Читать дальше...

Алдын ала эсеп боюнча Финляндияда 2-апрелде өткөн парламенттик шайлоодо Петтери Орпо жетектеген оппозициялык Улуттук коалициялык партия анча чоң эмес айырма менен жеңишке жетиши мүмкүн. Бул тууралуу жергиликтүү Yle телеканалы билдирди. Маалыматка караганда, Улуттук коалициялык партия парламентте 48 орун алат деп күтүлүүдө. Бул улутчул “Чыныгы финдер” партиясы алган мандаттан эки орунга көп. Финляндиянын азыркы премьер-министри Санна Мариндин Социал-демократиялык партиясы 43 мандат алат. Парламентте жалпы 200 орун бар. Читать дальше...