Новости за 12.01.2026

Мирсаид Миррахимов атындагы Улуттук кардиология жана терапия борборунун (УКТБ) директору Талантбек Сооронбаев жана Жүрөк хирургиясы жана органдарды трансплантациялоо илимий-изилдөө институтунун (ЖХОТИИИ) директору Самидин Шабыралиев кызматтарынан алынды. Бул тууралуу 12-январда Саламаттык сактоо министрлиги Фейсбуктагы баракчасы аркылуу билдирди. Маалыматка караганда, эки жетекчи министр Каныбек Досмамбетов аталган мекемелерде жүргүзгөн көчмө текшерүүнүн жыйынтыгында иштен кетишти. Министрлик тараткан... Читать дальше...

Ата мекендик өндүрүштөгү BELES аттуу автобусту чыгарам деген ишкер Мирбек Аскалиев өлкө башчысына кайрылды. Ал президенттин “сыноо үчүн 10 автобус алабыз” деген сөзүн мамлекеттик органдар аткарбаганын айтып чыкты. Буга чейин мамлекеттик органдарга кайрылып, убара тартканын билдирди. Завод мындан үч жыл мурун ишке кирип, алгачкы автобусун президентке көрсөткөн эле. Кыргыз өкмөтү азырынча комментарий бере элек.

Лос-Анжелесте 83-жолу кино жана теледеги абройлуу "Алтын глобус" сыйлыгын тапшыруу аземи өттү. Бул жолу режиссер Хлои Чжаонун "Хамнет" тасмасы мыкты драма категориясында жеңишке жетти. Фильмдин сюжети жазуучу Мэгги О’Фарреллдин ушундай эле аталыштагы романына негизделген. Анда Уильям Шекспирдин 11 жашында каза болгон уулу Хемнеттин жашоосу баяндалат. Тасмадагы башкы ролдорду Пол Мескал жана ирландиялык актриса Жесси Бакли аткарат. Жесси Бакли Агнес Шекспирдин ролу үчүн «Драмалык фильмдеги эң мыкты... Читать дальше...

Казакстанда Алматыдан Ысык-Көлгө баруучу жолду кыскартууну көздөгөн долбоорду иштеп чыгуу үчүн жумушчу топ түзүлдү. Казак маалымат каражаттары жазгандай, демилге эки өлкөнүн ортосундагы транспорттук байланышты жакшыртып, туристтик агымды көбөйтүүгө багытталган. Казакстандын Транспорт министрлигинин маалыматына ылайык, сунушталып жаткан маршрут азыркы Кордай–Бишкек аркылуу өтүүчү 460 чакырымдык жолго альтернатива болот. Жаңы жолдун узундугу болжол менен 277 чакырымды түзүп, жол убактысы үч саатка чейин кыскарышы мүмкүн. Читать дальше...

Мурдагы депутат Аккулу Бердиев үй-бүлөлүк зомбулукка жана алдамчылыкка айыпталып кармалды. Анын аялы көп жылдардан бери зомбулукка кабылып келгенин, күйөөсү көп аял алганын айтып, бийликке кайрылган эле. Ирандагы толкундоолордо 500дөн көп киши өлүп, 10 минден ашык киши кармалганы кабарланды. Эл экономикалык каатчылыкка, репрессияларга, адам укуктарынын басмырланышына каршы козголду. Нарында сууктан улам мектептер онлайн окутууга өтүүдө. Аймакта дээрлик бир жумадан бери катуу суук болуп, абанын температусы -35 градустан түшпөй турат.

Грузияда мурдагы премьер-министр жана бийликтеги "Грузин кыялы" партиясынын экс-лидери Ираклий Гарибашвили "өзгөчө ири өлчөмдө мыйзамсыз кирешелерди легалдаштырган" деген айып менен беш жылга кесилди. Башкы прокуратуранын маалыматына ылайык, ал тергөө менен келишим түзгөн. Эркинен ажыратуудан тышкары, сот Гарибашвилиге 1 млн лари (болжол менен 370 миң доллар) айып пул салды. Ошондой эле мамлекеттин пайдасына анын "кылмыш жолу менен алынган жана үйүн тинтүү учурунда табылган" 6,5 млн доллар өлчөмүндөгү каражаттары конфискацияланмай болду. Читать дальше...

Мурдагы депутат Аккулу Бердиев үй-бүлөлүк зомбулукка жана алдамчылыкка айыпталып кармалды. Анын аялы көп жылдардан бери зомбулукка кабылып келгенин, күйөөсү көп аял алганын айтып, бийликке кайрылган эле.

Алдамчылык фактысына жана зомбулукка байланыштуу кармалган Жогорку Кеңештин мурдагы депутаты Аккулу Бердиев эки айга камалды. Биринчи май райондук соту 12-январындагы токтому менен Бердиевдин бөгөт чарасын карап, аны 11-мартка чейин камакка алууну чечти. 60 жаштагы Бердиев кармалганын 11-январда Ички иштер министрлиги маалымдаган. Мекеме тараткан билдирүүдө 2022-жылы ал алдоо жолу менен акча алып, жеке максаттарына жумшаганы аныкталганы жазылган. Андан тышкары мекеме мурдагы депутаттын аялынан да... Читать дальше...

Жалал-Абад облусундагы Сузак районунда 28 жаштагы келин күйөөсүнүн колунан каза тапканын облустук милициянын басма сөз кызматы билдирди. Маалыматка караганда каргашалуу окуя 3-январда болгон. Ал күнү Сузак райондук милиция бөлүмүнүн 102 номерине 35 жаштагы тургун чалып, жубайын өлтүрүп алгандыгын билдирген. Маалымат кылмыштардын бирдиктүү реестрине катталып, Кылмыш-жаза кодексинин 122-беренеси ("Адам өлтүрүү") менен кылмыш иши козголгон. Окуя болгон жерден далил буюм катары 1 даана ашканада колдонулган бычак алынган. Читать дальше...

Жалал-Абад облусундагы №13 аймактык шайлоо округунда өтө турган шайлоону чагылдырууга 16 жалпыга маалымдоочу каражат расмий катталды. Бул чечимди Борбордук шайлоо комиссиясы (БШК) 12-январдагы отурумунда кабыл алды. БШКнын басма сөз кызматы кабарлагандай, анын ичинде 9 телеканал, 3 радио, 3 интернет агенттиги жана 1 басылма (гезит) бар. БШКнын сайтына талапкерлерге берилүүчү эфир убактысы, ЖМКларга жарыялануучу үгүт материалдарынын көлөмү жана башка укук-милдеттер тууралуу кошумча мааалымат жарыяланат. Читать дальше...

Жаңы жылдан тарта алкоголдук ичимдиктердин акциздик салыгы кымбаттады. Мамлекеттик салык кызматы 2026-жылдын 1-январынан тартып арактын акциз салыгынын ставкасы бир литрине 200 сомду түзөрүн эскертти. Маалыматка ылайык, акциз салыктары 2029-жылдын 1-январына чейин этабы менен жогорулап отурат. Бул Министрлер кабинети былтыр 18-декабрда кабыл алган токтомдун негизинде ишке ашып жатат. 2021-жылга чейин этил спиртине жана алкоголдук продукциялардын айрым түрлөрүнө акциз салыгынын ставкасы бир литрине 100 сом болчу. Читать дальше...

ИИМ Жогорку Кеңештин мурдагы депутаты Аккулу Бердиев алдамчылыкка жана зомбулукка айыпталып кармалганын билдирди. Мунун алдында анын жубайы экенин айткан аял зомбулук көрүп жатканын айтып бийликке кайрылган. Беш баланын энеси коопсуздугу коркунучта экенин айтып, күйөөсүн көп аялдуулукка айыптаган.

Тайланддын Пхукет шаарында катер менен балык уулоочу кеме кагылышып, 55 адам жабыркаган. Кемеде кыргызстандык жарандар болгон, бирок алар жабыркаган эмес. Бул тууралуу Кыргызстандын Тышкы иштер министрлиги билдирди. Маалыматка ылайык, Тайланддагы консул катердеги эки кыргыз жараны менен байланышкан. "Алынган маалыматтарга ылайык, кырсыкта Кыргызстандын жарандары жабыркаган эмес, алардын абалы канааттандырарлык деп бааланууда. Сунушталган медициналык жардамдан жана ооруканага жаткыруудан баш тартышкан"... Читать дальше...

13-январда түнкүсүн Ысык-Көл облусунун айрым жерлеринде кар жаайт. Күндүз жаан-чачын күтүлбөйт. Тоо этектерде жана тоолуу райондордо жолдор тоңголок, тайгак болот. Түштүк-чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүй өрөөнүндө түнкүсүн -1…+4, күндүз 11…16; Талас өрөөнүндө түнкүсүн 0…-5, күндүз 8…13; Баткен, Ош, Жалал-Абад облустарында түнкүсүн -3…+2, күндүз 9…14; Ысык-Көл облусунда түнкүсүн -3…-8, күндүз 1…6; Нарын облусунда түнкүсүн -21…-26, күндүз -9…-14 градус суук болот. Читать дальше...

Казакстанда Конституциянын 30 жылдыгына карата жарыяланган амнистиянын алкагында түрмөлөрдөн эки миңден ашуун адам эркиндикке чыкты. Бул тууралуу жергиликтүү маалымат каражаттары Казакстандын Ички иштер министрлигине караштуу Жаза аткаруу комитетине (КУИС) таянып кабарлашты. Мекеменин маалыматына ылайык, соттордо болжол менен 16 миң сунуш каралган. Анын жыйынтыгында 11 миңден ашуун кишинин эркинен ажыратуу мөөнөтү кыскартылган. Мындан тышкары, эки миңден ашуун адам бошотулган. Жаза аткаруу комитети билдиргендей... Читать дальше...

Өзбекстандын Самарканд облусунда 21 жаштагы тарых мугалими Телеграмдагы каналдардын биринде Мухаммед пайгамбардын ар-намысына акаарат келтирген билдирүү калтырганы үчүн 12 суткалык административдик камак жазасына тартылды. Бул тууралуу Gazeta.uz басылмасы жазды. Тергөө материалдарына ылайык, комментарий 30-декабрда жарыяланган. 7-январда социалдык тармактарда бул билдирүүнүн авторун жоопкерчиликке тартууга чакырган билдирүүлөр тарай баштаган. 9-январда милиция кызматкерлери мугалимдин телефонун текшерип... Читать дальше...

Кыргызстан Кинематографисттер союзунун төрагасы болуп Бусурман Одуракаев шайланды. Аталган союздун төрагасын кайра шайлоо, жаңы мүчөлөрдү кабыл алууга арналган курултай 10-январда өткөн. Бул тууралуу Кинематографисттер союзунан кабарлашты. Маалыматка ылайык, курултайдын делегаттары төрагадан тышкары союздун жаңы башкармалыгынын курамын да шайлашты. Буга чейин Кыргызстан Кинематографисттер союзун Таалайбек Кулмендеев жетектеп келген. 63 жаштагы Бусурман Одуракаев Кыргызстандын Эл артисти, актёр жана кинорежиссер. Читать дальше...

Кошмо Штаттардын президенти Дональд Трамп Ирандын жетекчилиги Вашингтон менен сүйлөшүүлөрдү баштоо үчүн чалганын билдирди. "Ирандын лидерлери чалышты", — деди Трамп 11-январда Air Force One учагынын бортунда журналисттердин суроолоруна жооп берип жатып. "Жолугушуу уюштурулуп жатат. Алар сүйлөшүүлөрдү каалап жатышат",- деп кошумчалады. Ошол эле учурда, "жолугушууга чейин эле биз аракет көрүшүбүз мүмкүн", — деди. Бирок эмнени айткысы келгенин чечмелеген жок. Трамптын бул сөздөрүнө Тегеран да дароо комментарий бербеди. Читать дальше...

Мамлекеттик ипотекалык компания (МИК) курган жаңы батирлер бүгүн, 12-январда ээлерине тапшырылды. Бул тууралуу президенттин басма сөз катчысы Аскат Алагөзов маалымдады. Бишкектеги "Мурас" турак жай комплексиндеги батирлердин ачкычтары ээлерине президент Садыр Жапаровдун катышуусунда тапшырылды. Мамлекет башчы салтанаттуу иш-чарада сүйлөп жатып, ипотеканын баасы тууралуу маалымат берди. Садыр Жапаров МИК курган үйлөр ээлерине баштапкы төлөмсүз, 25 жылдык мөөнөткө, 4-8% үстөк менен берилип жатканын белгиледи. Читать дальше...

Жайыл районунун Полтавка айлынын 45 жаштагы тургуну энесин өлтүрүүгө аракеттенген деген шек менен кармалып, камакка алынды. Бул тууралуу Чүй облустук ички иштер башкармалыгы маалымдады. Ага ылайык, милицияга шектүүнүн бир тууганы кайрылып, ал 29-декабрь күнү 75 жаштагы энесин уктап жаткан кезинде жаздык менен муунтууга аракет кылганын, ал каршылык көрсөткөн кезде сабаганын билдирген. Бул факт боюнча Кылмыш жаза кодексинин 138-беренеси "Уруп-сабап кыйноо" менен кылмыш иши козголуп, шектүү кармалган. Читать дальше...

Кыргызстандын Тышкы иштер министрлиги Мальтада эс алып жүрүп, каза тапкан 48 жаштагы аялдын сөөгүн мекенине кайтарууга көмөктөшүүдө. Мекеменин басма сөз кызматы "Азаттыкка" кабарлагандай, Италиядагы кыргыз элчилиги маркумдун сөөгүн мекенине кайтарууга байланыштуу зарыл жол-жоболорду уюштуруу үчүн Мальтанын тиешелүү органдары менен байланышкан. Ошондой эле тийиштүү иш-чараларды аталган аймакта жашаган кыргызстандык жарандардын жардамы менен жүргүзүп жатат. Кыргызстандын Италиядагы элчилиги маркумдун... Читать дальше...

Нарын облусунун Ак-Талаа районундагы мектеп окуучулары катуу суукка байланыштуу аралыктан окууга өткөрүлдү. Бул тууралуу райондук билим берүү башкармалыгы маалымдады. Буга аба ырайы суук болуп, температура -35 градуска чейин түшкөнү негиз болгон. Азырынча аралыктан окуу 18-январга чейин жүрөт. Кыргызстанда мектеп окуучулары эки жумалык кышкы эс алып, бүгүн, 12-январь күнү окууга кайтышты. Нарын облусунда суук катуу болуп жатканын айтышкан тургундар жыл башында өкмөткө кайрылып, электр энергиясын... Читать дальше...

Орусиянын Самара шаарында Тажикстандан барган үй-бүлө - ата-энеси беш жашар кызы менен чогуу газга ууланып каза тапканы кабарланды. "Озоди" радиосу кайгылуу бул окуя 7-январда болгонун, жакындары бир суткадан кийин билишкенин жазды. Маркумдардын сөөгү мекенине - Тажикстандагы Бохтар шаарына жиберилгени маалымдалды. Маркумдардын жакындары билдиришкендей, алар Самарадагы батиринде тиричилик газына ууланышкан. Телефон аркылуу байланыша албаган туугандары Самарадагы тааныштарынан суранып, алар үйүнүн эшигин бузуп кирип үч кишинин сөөгүн табышкан.

Ирандагы каршылык акцияларында каза тапкандар 500дөн ашканын Reuters агенттиги АКШда жайгашкан HRANA укук коргоо уюмуна таянып жазды. Ирандын бийлиги курмандыктардын саны тууралуу расмий маалымат бере элек. Reuters укук коргоочулардын маалыматын көз карандысыз булактардан тактай албай жатканын кабарлады. HRANA уюмунун билдирүүсуңдө, каршылык акцияларынын 490 катышуучусу, күч органдарынын 48 кызматкери каза тапкан. Толкундоолор башталган эки апта аралыгында 10 600дөн ашуун киши кармалды. Ирандын мамлекеттик... Читать дальше...

Мальта мамлекетинде деңиз жээгинде эс алып жүргөн кыргызстандык аялды толкун алып кетип каза болгонун, экинчиси жаракат алганын жергиликтүү Times Of Malta басылмасы жазды. Маалыматка ылайык, 11-январь күнү 48 жаштагы кыргызстандык аял Сент-Жорж булуңунда толкун тартып кеткенден кийин каза болгон. Анын жанындагы 23 жаштагы кызы ооруканага жеткирилген. Жергиликтүү полициянын билдирүүсүнө ылайык, окуя тууралуу маалымат саат 12:40 чамасында түшкөн. Алгачкы иликтөөлөрдө деңиз жээгинде жүргөн бир нече адам эки аялды суудан чыгарып... Читать дальше...