Ирандын Олимпиадада медаль алган жалгыз спортчусу өлкөдөн кетти
Азырынча спортчу кайда жашары жана кайсы мамлекеттин атынан эл аралык таймаштарга катышары белгисиз. Мурдараак ал Нидерландда машыгып жүргөнү айтылган. 21 жаштагы Кимия Ализаде 2016-жылы Рио-де-Жанейродо өткөн Олимп оюндарында таэквондо боюнча коло медалга ээ болгон.
Ирандын жетекчилиги украиналык жүргүнчү учакты атып алганын мойнуна алган соң өлкөдө нааразылык акциялары тутанды. Бийлик ичинде 176 адам салган лайнерди “адашып атып” алганын билдирген. Өткөн жылдын соңунан бери Иранда ар кандай себептерден улам нааразылык акциялары утур-утур тутанып келет. Митингге чыккандар жашоо деңгээлинин түшүп кетишине, мунайдын кымбатташына, аялдардын укуктарынын чектелгенине каршы.