Австралияны каптаган өрт көнүмүшкө айланышы мүмкүн
Жашыл континент деп аталган Австралияда 10 миллион гектар токой тилсиз жоонун кучагында калды. Бул - Бельгия жана Даниянын аянттарына барабар. Аптапта 1,5 миңдей турак үй кыйрады, болжол менен миллиарддан ашуун жапайы жан-жаныбар кырылды.
Окумуштуулар абанын температурасы жогорулап жатканын, мындай өрттөрдүн ыктымалдыгы 20 процентке өскөнүн белгилешет.
Британ изилдөөчүлөрүнүн жоромолун Дүйнөлүк метеорологиялык уюм да тастыктайт. Үстүбүздөгү кылымда планетадагы орточо температура 3, атүгүл 5 градуска көтөрүлүшү ыктымал.