Абактагы Наама Иссахар Путинден ырайым сурады
Иссахар 2019-жылы апрелде Делиден Тел-Авивге Москва аркылуу учуп кетерде камакка алынган, анын жүгүнөн тогуз грамм гашиш табылган. Ал маңзат аткезчилиги боюнча күнөөсүн мойнуна алган эмес.
Владимир Путин 23-январда Израилге барганда Наама Иссахардын апасына жолуккан. Яффе Иссахар Путинден кызына ырайым берүүнү өтүнгөн. Путин аны "баары жакшы болот" деп жубаткан.
Наама Иссахардын тагдыры Москва менен Тель-Авивдин алака-катышын сынаган жана саясатка айланган окуялардан бири болуп калган. Путин буга байланыштуу Израилдин өкмөт башчысы Беньямин Нетаньяху менен бир канча ирээт сүйлөшкөн.