Евробиримдик Брекзитке акыркы макулдукту берди
Эми Британия 31-январда түн жарымында Евробиримдиктен бөлүнүп чыгат. Андан соң 11 айлык өткөөл мезгил башталат. Бул убакыт ичинде Лондон менен Брюссель эки тараптын карым-катышы, анын ичинде соода-экономикалык алакасы кандай болоору тууралуу сүйлөшүүлөрдү жүргүзөт.
Еврошаркетке 47 жыл мүчө болгон Британия бул уюмдан бөлүнүп чыккан алгачкы мамлекет болуп калмакчы. 2016-жылдын 23-июнундагы референдумда британ шайлоочуларынын жарымынан бир аз көбү Евробиримдиктен бөлүнүүнү колдошкон.