AI Орусиянын адамдын жүзүн таануучу системаны кеңейтүү планын сынга алды
31-январдагы билдирүүдө "Amnesty International" уюмунун Орусия боюнча жетекчиси Наталия Звягина адамдын жүзүн таануучу камералар “табиятынан эле жарандардын купуялуулугуна шек келтирерин” белгиледи.
Соңку жылдары Орусия адамдын жүзүн тааныган технологияларды жигердүү өнүктүрүүгө киришти. Кремлдин сынчылары жана укук коргоочу активисттер бийлик жарандык коомдун, президент Владимир Путиндин саясатына макул эместердин добушун басууга аракет көрүүдө дешет.