Кастыкты козутуу үчүн айыпталган тажик журналистинин соту башталды
Журналист ушул жылдын башында Тажикстандагы парламенттик шайлоону утурлай камалган. Ага «улут аралык жана диний кастыкты козуткан», өлкөдө 2006-жылдан бери тыюу салынган «Мусулман агайындар» кыймылынын атынан «үгүт жүргүзгөн» деген айып коюлган.
Эгер сот журналистти күнөөлүү деп тапса, беш жылга чейин эркинен ажыратылышы мүмкүн. Шарифов күнөөсүн мойнуна алган эмес.
Эл аралык «Чек арасыз кабарчылар» уюму тажик бийлигин Далер Шарифовду токтоосуз түрмөдөн бошотууга чакырган жана ага кылмыш ишинин козголгонун «акылга сыйбай турган көрүнүш» катары сыпаттаган.