Аба ырайы: Жамгыр жаайт

1-июлда түнкүсүн Нарын облусунун көпчүлүк аймактарында, Ош, Жалал-Абад, Баткен, Ысык-Көл облустарынын кээ бир райондорунда, Чүй, Талас облустарынын тоо этектеринде жана тоолуу райондорунда өткүн өтүп, күн күркүрөйт. Бийик тоолуу райондордо кар жаайт.


Чүй, Талас облустарынын өрөөндөрүндө жаан-чачын күтүлбөйт. Күндүз Ош, Ысык-Көл, Нарын облустарынын көпчүлүк аймактарында, Чүй, Талас, Жалал-Абад, Баткен облустарынын кээ бир райондорунда жаан жаап, күн күркүрөйт. Тоолуу аймактарга карга айланат. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетиши күтүлөт.


Абанын температурасы:


Чүй өрөөнүндө түнкүсүн 12...17, күндүз 27...32;


Талас облусунда түнкүсүн 10...15, күндүз 26...31;


Баткен, Жалал-Абад, Ош облустарында түнкүсүн 16...21, күндүз 29...34;


Ысык-Көл облусунда түнкүсүн 8...13, күндүз 17...22;


Нарын облусунда түнкүсүн 6...11, күндүз 18...23 градус жылуу болот.


1-июлда Бишкек шаарында түнкүсүн жаан-чачын жаабайт, күндүз жаан жаап, күн күркүрөйт. Батыштан соккон шамалдын ылдамдыгы секундасына 4-9 метрге жетет.


Абанын температурасы: түнкүсүн 14…16°, күндүз 30…32° ысыйт.