Кара-Суу районунун Кызыл-Кыштак айылы Худайбердиев көчөсүн жолундагы 12 даана ылдамдык тепкичи жана жолдун эки тарабын тротуарларына тосулган тосмолор алып салынсын
КР Президенти, Коопсуздук Кеңешинин башчысы КР С.Н. Жапаровго
Кара-Суу районунун Кызыл-Кыштак айылы тургундарынан
АРЫЗ (жамааттык)
Худайбердиев көчөсү 20 миң адам жашаган Кызыл-Кыштак жана Анжиян айылдарын бириктирет. Буга байланыштуу 2017 жылы аталган көчөнү асфальттоого жергиликтүү бюджеттен каражат бөлүнгөн. Бирок, аталган көчөнүн жашоочулары мыйзамсыз түрдө ИИМ, ГАИ органдары жана Кызыл-Кыштак айыл өкмөтү менен макулдашпай 12 даана ылдамдыкты азайтуучу тосмолорду (лежачий полицейский) орнотуп, көчөнүн эки тарабындагы тротуарларды темир тосмолор менен мыйзамсыз тосушкан. Уюшкан адамдардын тобунун мыйзамсыз аракеттеринин натыйжасында, алдын ала макулдашуу боюнча жалпы пайдалануудагы жолдо жөө адамдардын жана транспорт каражаттарынын өтүүсүнө жасалма тоскоолдуктар түзүлгөн. КР Жер кодексинин 78 бер. ылайык жолдор, көчөлөр, тротуарлар жалпы пайдалануудагы жерлерге кирет. Калктуу конуштардын жалпы пайдалануудагы жерлери байланыш каражаты катары же калктын маданий-турмуштук керектөөлөрүн канааттандыруу үчүн пайдаланылган жерлерден турат. Жалпы пайдалануудагы жерлер, жолдор жеке менчикке берилбейт.
“Автомобиль жолдору жөнүндө” КР Мыйзамынын 22 бер. ылайык Автомобиль жолдорунда кыймылды убактылуу токтотуу же ага чек коюу табигый мүнөздөгү шарттар түзүлгөндө, жол-климат абалына же оңдоо-курулуш иштерине байланыштуу, ошондой эле автомобиль жолдорунда түзүлгөн абал жол кыймылынын коопсуздугун камсыз кылуу талаптарына жооп бербеген учурларда гана жүргүзүлөт. Жол кыймылына чек коюу же аны токтотуу тууралуу чечим канчага чейин күчүндө тураары көрсөтүлүп, муниципалдык жолдордо жол кыймылынын коопсуздугун камсыз кылуу чөйрөсүндөгү ыйгарым укуктуу мамлекеттик орган менен макулдашуу боюнча жергиликтүү өз алдынча башкаруунун тиешелүү органдары тарабынан кабыл алынат. Бирок, Худайбердиев көчөсүндө жол кыймылын чектоо максатында 12 даана ылдамдык тепкич (лежачий полицейский) куруу жана жолдун эки тарабындагы тротуарларды темир тосмолор менен тосуу боюнча областтык ГАИ жана Кызыл-Кыштак айыл өкмөтү тарабынан чечим кабыл алынган эмес.
“Автомобиль жолдору жөнүндө” КР Мыйзамынын 23,26 бер. ылайык Автомобиль жолдорунун жерлеринде бул жерлерди пайдалануунун белгиленген тартибин бузуу менен тургузулган кандай болбосун конструкциялар, курулмалар жана жайлар мыйзамсыз деп таанылат жана автомобиль жолдорунун ээлери тарабынан, мыйзамда аныкталган тартипте, курулушту өзү билемдик менен жүзөгө ашырган адамдардын эсебинен сүрдүрүп салууга жатат. Автомобиль жолдорунун жерлерин өзү билемдик менен пайдалануу бул жерлерди мыйзамсыз пайдалануу убагында жумшалган өндүрүштүк сарптоолордун орду толтурулуп берилбестен токтотулат.
Автомобиль жолдорун, андагы жасалма курулмаларды, жана автомобиль жолдорун оң абалда кармоого зарыл дагы башка элементтерди бузууга жол бергендер КР мыйзамдарына ылайык жоопкерчилик тартышат. Жол чарбасына зыян келишине күнөөлүүлөрдү жоопкерчиликке тартуу КР мыйзамдары белгилеген тартипте жүргүзүлөт.
Мыйзамдын 39 бер. ылайык Автомобиль жолдорун жана алардын элементтерин бүлдүрүү менен себеп болгон күнөөлүү жеке жактар КР мыйзамдарына ылайык жоопкерчилик тартат.
Худайбердиев көчөсүн жолуно мыйзамсыз 12 даана ылдамдык тепкич курган жана эки тараптагы тротуарын тоскон күнөөлүү жарандардын мыйзамсыз аракеттерин курамында Жолдорду, катнашуу жолдорун мыйзамсыз тосуу, башкача айтканда жол төшөлмөсүндө калкалоочу курулмаларды же башка буюмдарды орнотуу жолу менен адамдардын, автомобилдик, же башка транспорт каражатынын кыймылына чектөөгө багытталган аракеттерди уюштуруу же аны жетектөө КР КЖК 279 бер. 1 бөл. менен, Автомобиль жолдорун пайдалануу жана аларды сактоо эрежелерин атайылап же этиятсыз бузуу, башкача айтканда автомобиль жолдорунда, же болбосо аларды бөлүү тилкелеринде, жер алдындагы же жер бетиндеги тосмолорду же башка курулмаларды өзү билип тургузуу КР КЖК 318 бер. 1 бөл. менен, Өзүм билемдик, башкача айтканда белгиленген тартипке каршы, укукка ылайыктуулугу башка адам тарабынан талаш туудурган аракеттерди өз билгениндей жасаганда, эгерде мындай аракеттерден улам корголгон укуктарга жана кызыкчылыктарга олуттуу залал келтирилсе КР КЖК 214 бер. 1 бөл. менен квалификацияланган кылмыш белгилери бар.
Жогоркулардын негизинде Сизден суранабыз:
Худайбердиев көчөсүн жолуно мыйзамсыз орнотулган 12 даана ылдамдык тепкичин жана жолдун эки тарабын тротуарларына тосулган тосмолорду алып салуу үчүн чара көрүүнүздү.