Токаев менен Мишустин Орусияга салынган санкциялардын кесепеттерин талкуулады
Казакстандын президенти Касым-Жомарт Токаев менен Орусиянын өкмөт башчысы Михаил Мишустин Орусияга салынган санкциялардын шартында экономикалык байланыштарды жана соода алакаларды сактап калуу жолдорун талкуулашты. Бул тууралуу Казакстандын президентинин маалымат кызматы 25-февралда билдирди.
Мишустин 24-февралда Казакстандын баш калаасы Нур-Cултанга Евразия өкмөттөр аралык кеңешинин жыйынына барган. Ал эми Федерация кеңешинин төрайымы Валентина Матвиенко Дүйшөмбүгө барып, Тажикстандын бийлиги менен соода-экономикалык алакаларды талкуулады.
Анын айтымында, эки өлкөнүн соода алакасы 2021-жылы 45% көтөрүлгөн.
Матвиенко Орусия Батышка жооп катары санкцияларды киргизерин билдирди. Ошондой эле жакын арада президент Владимир Путин Дүйшөмбүгө барарын кошумчалады.
АКШ, Евробиримдик, Британия, Канада, Австралия жана Жапония 25-февралга караган түнү Орусия Украинага согуш жарыялаганы үчүн Москвага жаңы санкцияларды киргизди.