Аба ырайы: айрым райондордо жаан жаайт
Кыргызгидромет 21-23-май күндөрү Кыргызстанда туруксуз аба-ырайы күтүлөрүн билдирүүдө. Кээ бир райондордо жаан-чачын катуу болуп, мөндүр, катуу шамал менен коштолот. Мындай аба-ырайы автоунаа, энергетика жана коммуналдык кызматтардын ишин жана жайыттарда мал кармоону кыйындатат.
22-майда кээ бир райондордо өткүн өтүп, күн күркүрөйт. Бийик тоолордо жаан карга айланат. Көпчүлүк аймактарда мезгил-мезгили менен жаан жаайт. Айрым аймактарда шамалдын күчү секундасына 15-20 метрге жетиши мүмкүн.
Абанын температурасы:
Чүй өрөөнүндө түнкүсүн 12...17, күндүз 15...20,
Талас облусунда түнкүсүн 9...14, күндүз 13...18,
Баткен, Ош, Жалал-Абадда түнкүсүн 12...17, күндүз 18...23,
Нарын облусунун дыйканчылык зоналарында түнкүсүн 4...9, күндүз 14...19,
Ысык-Көлдө түнкүсүн 7...12, күндүз 14...19,
Бийик тоолуу райондордо түнкүсүн -3...+2, күндүз 1...6°.
Бишкек шаарында мезгил-мезгили менен жаан жаап, күн күркүрөйт. Абанын температурасы түнкүсүн 15…17, күндүз 17…19 градус жылуу болот.