Казакстан каржы пирамидасын жарнамалоого кылмыш жазасын киргизет
Казак парламентинин жогорку палатасы каржы пирамидасын жарнамалоо ишмердигине байланышкан мыйзам долбоорун талкуулап, экинчи окууда кабыл алды. Долбоордо андай пирамидаларды түзүү үчүн чараларды күчөтүп, аларды жарнамалагандарга кылмыш жазасын киргизүү каралууда. 15-июнда жобону мажлис жактырган.
Финансылык пирамадаларды жарнамалоо үчүн жаза колдонуу чакырыктары белгилүү вайнерлер Mudarabah Capital деген компанияны жарнамалап, анын ээлеринин бири катары киреше алып турганы ачыкка чыккандан кийин күчөдү. Өздөрүн инвестициялык структура деп атаган компанияга алдангандар нааразылык акцияларына чыккандан кийин тергөө башталган.
Казакстандын Финансылык мониторинг агенттиги 15-июнда билдиргендей, быйыл 17 миңден ашуун жаран каржы пирамидаларга 27 миллиардга жакын тенге (58 миллион доллардай) салган.