Чолпон-Атада Араб координациялык тобунун төртүнчү жыйыны өтөт
Министрлер кабинетинин басма сөз кызматы билдиргендей, Араб координациянын тобунун курамында Ислам өнүктүрүү банкы, Сауд өнүктүрүү фонду, араб экономикалык өнүгүүсү Кувейт Фонду, Абу-Даби өнүктүрүү фонду, ОПЕК Эл аралык өнүктүрүү фонду бар.
Жыйынга Министрлер кабинетинин төрагасынын биринчи орунбасары Адылбек Касымалиев баштаган аткаминерлер жана ишкер чөрөнүн өкүлдөрү катышышат.
Араб координациялык тобунун үчүнчү жыйыны 2017-жылы Бишкекте өтүп, Кыргызстанда 10 долбоорду каржылай турганы маалымдалган. Анын ичинде Ысык-Көл айлампа жолун оңдоо, Инновациялык медициналык борборду түзүү, Талас, Баткен облустарын таза суу менен камсыз кылуу сыяктуу долбоорлор бар эле.
Топтун алгачкы отуруму Кыргызстанда 2009-жылы өткөн.(SE)