Новости за 24.11.2022

Ënnert der Woch stoung den 10. Spilldag an der AXA League bei den Dammen um Programm, bei deem ënnert anerem den Éischten op den Drëtte getraff ass.

An der Gemeng Esch setzt ee bei der LSAP op de "Renouveau", wéi et am Schreiwes heescht, ouni awer op d'Experienz vu verschiddene Leit ze verzichten.

Trotz Bronchiolite-Epidemie stellt een an de Crèchen zu Lëtzebuerg net fest, dass aktuell méi Kanner preventiv oder wéinst Erkrankunge feelen.

No engem staarken éischte Véierel, wou d'Lëtzebuergerinne mat 19:10 a Féierung louchen, hunn d'FLBB-Dammen um Enn mat 57:77 géint d'Slowakei verluer.

Spillsaachen, Kleeder an elektronesch Apparater, déi online verkaf ginn, gi vum ILNAS op hir Konformitéit iwwerpréift.

Obwuel d’Paulette Lenert nees eleng un der Spëtzt ass, ass hir Partei d’LSAP de grousse Verléierer am drëtten a leschten Deel vum Politmonitor.

D'Iwwerschwemmungen am Juli zejoert waren déi deierst Naturkatastroph an der Geschicht vu Lëtzebuerg.

D'Aart a Weis, wéi d'Leit schaffen, ass amgaangen ze änneren. D'Pandemie huet verschidde Modeller wéi dem Télétravail en décke Fouss hannebäi ginn. Donieft wuessen d'Fuerderunge fir d'Aarbechtszäit méi flexibel, vläicht och manner laang, mä sécher méi am Aklang mam Privatliewen ze gestalten. Dat kënne Patrone bedaueren, se wieren awer gutt beroden, sech den neie Realitéiten ze stellen. E Commentaire vum Claude Zeimetz.

No der WM zu Tréier am Juli, spillt Lëtzebuerger Nationalekipp e Samschden um 15:00 Auer am "Keelencenter Langertz" en Testmatch géint d’Saarland.

D'Santé deelt mat, datt d'Zuel vun de Leit, déi un de Suitte vum Coronavirus gestuerwe sinn, bei 1.158 bliwwen ass.

D'Memberstaate vun der Weltaarteschutzkonferenz a Panama wëllen e Freideg doriwwer ofstëmmen, ob munch Hai-Aarten an d'Aarteschutzofkommes opgeholl ginn.

D'EU-Energieminister hu sech ënnert anerem op de gemeinsamen Akaf vu Gas gëeenegt, ma d'Decisioun iwwert en Deckel op de Gaspräisser steet nach aus.

Den André Mehlen gëtt Successeur vum Patrick Berg bei der Kooperativ. Déi Responsabel vun den Domaines Vinsmoselle hunn déi RTL-Informatioun confirméiert.

Tëscht en Dënschdeg an en Donneschdeg goufen zu Ettelbréck bei 7 Gefierer d'Fënsteren ageschloen.

D'Biergerinitiativ Gemeng Suessem hat viru Geriicht Recours géint d'Autorisatioun gemaach, fir en Deel vum Bësch ofzeholzen.

De Logementsministère huet en Donneschdeg de Bilan vum Pacte Logement 1.0 gezunn.

Bei den ëffentlech-rechtlechen Tëleeschaînen an Däitschland gesäit een, dass den Interêt un der WM bis ewell wesentlech méi geréng ass, ewéi soss.

An engem Interview mat der "Zeit" sot den däitsche Virolog Christian Drosten, datt hien Unzeechen dofir gesäit, datt d'Pandemie geschwënn eriwwer ass.

Dat soten en Donneschdeg de Moien d'sécherheetspolitesch Spriecher vun der CSV, de Laurent Mosar an de Léon Gloden, virun der Press.

Och fir en Donneschdeg stoungen nees 4 Matcher um Programm.

Och en Donneschdeg stinn nees 4 Matcher um Programm.

E Mëttwoch den Owend gouf géint 22.15 Auer eng Persoun bei engem Accident mat dräi Autoe schwéier blesséiert.

Den ADR-Deputéierte Roy Reding gouf en Donneschdeg de Moie wéinst Bedruch zu enger Prisongsstrof vun engem Joer mat integralem Sursis verurteelt.

Wéi d'Spuerkeess an d'BGL confirméieren, wier et op verschidde Plazen net méiglech, mat der Kaart ze bezuelen. De Problem soll bei Worldline leien.

Fir den Inhalt vum Dictionnaire nach méi accessibel ze maachen, gëtt et den LOD vun en Donneschdeg un och als gratis App (LOD.lu).