Поради временските аномалии на Москва ѝ се заканува маларија

„Роспотребнадзор“ е крајно загрижен: ларвите од комарци кои пренесуваат маларија беа најдени во речиси сите резервоари за вода во Москва, соопштува „РЕН-ТВ“. Ситуацијата ја влошуваат временските аномалии кои го одбележуваат ова лето. Во врска со настанатата ситуација „Роспотребнадзор“ итно спроведува санитарна обработка на крајбрежјето, зоните за рекреација и плажите на главниот град на Русија.

Глобалното затоплување ќе го прошири полето на ширење на вирусите

Експертите објаснуваат: обилните дождови во централна Русија создаваат идеална средина за размножување на комарците, и тоа не само во шума. Секој квадратен метар, обраснат со грмушки и трева, крие илјадници ларви. Од масовна појава на маларија Русија, за среќа, ја спречува температурата. Бидејќи маларијата е тропска инфекција, таа бара топлина.

Но, временските аномалии ставаат сѐ под знак прашалник. На пример, во Сибир ова лето е постојано жешко. Не е официјално потврдена информацијата дека еден жител на Краснојарск  настрадал од волфартова мува, која обично живее во Северна Африка и Кина. Впрочем, за миграцијата на тропски инсекти и зголемувањето на ширењето на тропски инфекции поради климатските промени научниците веќе предупредуваа, пренесува порталот Meddaily.ru.