Русин организира балкански маратон од Триглав до Вардар
Дмитриј Гаврилов, лингвист од Мосва, вљубеник во Источна и во Јужна Европа. Овој необичен Русин зборува српски, а има и роднина во Босна со кој по долго време неодамна повторно воспоставил врска. Тие двајца иницирале несекојдневна идеја за организирање велосипедски маратон низ територијата на 7 балкански земји. Основаната идеја на маратонот е на симболичен начин да се зближат жителите на балканските земји кои беа разделени во времето на немилите настани од деведесеттите години од минатиот век.
Дмитриј Гаврилов
„Станува збор за серија патувања, а по Балканот, се надеваме, следува уште една акција со друга тема. Мисијата на маратонот претставува обиколка на земјите од поранешната голема Југославија од перспектива на личност која живеела пред 100 години, кога маратоните, спортот и меѓународниот туризам биле во зачеток“, вели за „Руска реч на македонски“ Дмитриј Гаврилов.
Дмитриј Гаврилов
Балканскиот маратон ќе се одржи во август годинава, а ќе трае точно 4 недели или 28 дена од 1 до 28 август.
Дмитриј Гаврилов
Дмитриј знае дека товарот на модерниот живот никому не му дава луксуз да учествува во неговиот маратон, па решил да го подели во четири етапи. Секоја ќе трае по точно една недела и оној што сака ќе може да се придружи на секоја од нив.
Дмитриј Гаврилов
„Оние авантуристи кои ќе решат да го извозат целиот маратон ќе минат со нас пат од 1.600 километри низ 7 земји: Словенија, Хрватска, Србија, Босна и Херцеговина, Црна Гора, Албанија и Македонија“.
Дмитриј Гаврилов
Дмитриј и екипата ќе го започнат патот од главниот град на Словенија – Љубљана и ќе го завршат во Скопје во Македонија.
„Уверен сум дека тоа ќе биде една од најинтересните и најважни авантури во животот на сите оние кои ќе решат да земат учество. Но, секое возбудливо патување има свои недостатоци – ги молиме сите да се подготват за овој сложен тест, започнувајќи со кратки релации додека оддалеченоста од 100 километри не им биде основен минимум“, наведува Дмитриј.
Дмитриј Гаврилов за својот потфат планира да сними и документарен филм, а редакцијата на „Руска реч на македонски“ ќе го следи овој несекојдневен настан.
Фејсбук страницата на Дмитриј Гаврилов.