Хрватска ја повика Словенија да не посегнува по еднострани мерки
![Хрватска ја повика Словенија да не посегнува по еднострани мерки](https://gdb.rferl.org/908446F9-D76B-4F18-8A39-C77BAE81895C_w800_h450.jpg)
Министерството за надворешни и европски работи на Хрватска упати дипломатска нота до Словенија повикувајќи ја да не ја применува арбитражната одлука за разграничувањето на море и копно меѓу двете држави што Хрватска не го признава. По повод најавите дека од 29 овој месец Словенија ќе почне да ја применува арбитражната одлука, Загреб бара „конструктивен дијалог“ и избегнување инциденти, односно Љубљана да „остане приврзана на мирно решавање на отворените прашања“. Премиерите на Словенија и на Хрватска Миро Церар и Андреј Пленковиќ на минатонеделниот состанок во Загреб не се договорија за решавање на граничниот спор, но порачаа дека треба да се избегнуваат инциденти.