Новости за 29.12.2017

Премиерот Зоран Заев денеска имаше средба со претседателите и претставниците на политичките партии од коалицијата. Заев истакнал дека промените во државата навестуваат дека влегуваме во година на клучни одлуки. На оваа предновогодишна средба, како што соопшти владината прес-служба, премиерот Заев ги запознал коалициските партнери со главните точки и остварувања на Владата и нагласил дека тие се постигнати врз основа на принципите договорени со коалицијата. "Создадовме околности кои целосно го променија демократскиот амбиент во земјата... Читать дальше...

Амбасадата на САД во Косово денеска соопшти дека косовските лидери грешат ако мислат дека иницијативата во Собранието на Косово во врска со Специјалниот суд нема да ги влоши односите меѓу Приштина и меѓународната заедница. „Секој таков обид ќе има длабоки негативни последици по европската иднина на Косово и неговиот однос со САД“, се наведува во соопштението. Американската амбасада наведува и дека целосно се неприфатливи заканите со насилство и ја повика косовската Влада јасно да се огради од нив. Читать дальше...

Иранската полиција ја растури групата антивладини демонстранти и приведе десетици луѓе во западниот град Керманшах и главниот град Техеран откако протестите против зголемувањето на цените прераснаа во политички и се проширија во повеќе градови. Полуофицијалните новински агенции како Фарс и Мехр јавуваат дека полицијата растурила група од околу 300 луѓе во градот Керманшах кои извикувале „политичките затвореници треба да бидат ослободени“ и “Слобода или смрт”. Според непотврдени информации денеска биле приведени околу 50 луѓе. Читать дальше...

Дете кое си играло со шпорет можеби го предизвикувало пожарот во зградата во Њујорк во кој загинаа 12 лица, меѓу кои и четири деца, рече денеска градоначалникот на Њујорк Бил де Бласио. Пожарот, кој се смета за најсмртоносен во последните три децении, изби вчера на првиот кат и наскоро се прошири на погорните катови од пет катната зграда во квартот Бронкс. Како што соопшти де Бласио, докторите се борат за животите на уште четири луѓе. Во гаснењето на пожарот беа ангажирани повеќе од 170 пожарникари.

Основниот суд Скопје 1 денеска соопшти дека се одредени термини за почеток на главната расправа за предметите „Тенк“ и „Трезор“ на Специјалното јавно обвинителство. Во соопштението објавено на интернет страницата на судот се наведува дека рочиштето за „Тенк“ ќе се одржи на 30 јануари 2018 година, а за „Трезор“ на 5 февруари 2018 година. Предметот „Тенк“ се однесува за набавката на Мерцедесот, а „Трезор“ е за набавка на опрема за потребите на Петтата управа во Министерството за внатрешни работи. Читать дальше...

Претседателот на ВМРО-ДПМНЕ, Христијан Мицкоски, пратеникот Влатко Ѓорчев и секретарот за меѓународна соработка Александар Николоски денеска се сретнаа со Лукас Холуб, шефот за политички односи на Канцеларијата на Европската унија во Македонија. Како што информираат од ВМРО-ДПМНЕ на средбата се разговарало за актуелните општествено политички состојби и стратешкиот приоритет на државата за членство во Европската Унија. Мицкоски, се наведува во партиското соопштение, посочил дека државата премногу... Читать дальше...

Судот во Москва денеска во отсуство го осуди Вилијам Браудер, бизнисмен кој заговараше донесување на американски закон против руските официјални лица поради кршење на човековите права. Тој е осуден на девет години затвор поради избегнување на плаќање данок и вадење на парите надвор од земјата. Тој се сметаше за движечка сила во текот на носењето на законот „Магницки“ именуван по адвокатот Сергеј Магницки кој умре во затвор откако ги обвини руските власти за вмешаност во даночни измами. Соработникот на Браудер... Читать дальше...

Полицијата при приведувањето на пратениците на 28 ноември 2017 година во врска со настаните во Собранието од 27 април постапувала врз основа на наредба издадена од Судот и полицајците постапиле согласно законските овластувања, изјави денеска министерот за внатрешни работи Оливер Спасовски. Тој ова го одговори во однос на тоа дали ќе има командна одговорност откако Народниот правобранител констатира дека при приведувањето на тројцата пратеници е повредено правото на пратенички имунитет и начелото на презумпција на невиност... Читать дальше...

Премиерот Зоран Заев денеска изјави дека вицепремиерското место за реформи ќе го чува за Алијансата за Албанците, а испразнетите места на замениците-министри од оваа партија кои вчера поднесоа оставки ќе бидат пополнети по Нова година. Одговарајќи на новинарско прашање, Заев рече дека вицепремиерското место за реформи е важно потпретседателско место и додаде дека на Алијансата за Албанците и биле дадени сериозни институции како Фондот на пензиско и инвалидско осигурување, Имотно-правната служба, Агроберзата и други. Читать дальше...

Египетското Министерство за здравство соопшти дека најмалку десет луѓе се убиени во денешен напад врз коптска православна црква во близина на Каиро, вклучително и напаѓачот. Напаѓачот бил убиен од безбедносниот персонал, откако ранил петмина чувари пред да се обиде да влезе во црквата „Мармина“ во градот Хелван, јужно од Каиро. Египетската државна телевизија известува дека вториот напаѓач избегал од местото на нападот, но оти подоцна бил уапсен. Засега ниту една група не ја презеде одговорноста за нападот... Читать дальше...

Министерството за внатрешни работи (МВР) и Здружението на новинари на Македонија (ЗНМ) потпишаа меморандум за соработка, со кој се предвидува заеднички да спроведат активности, меѓу кои креирање протокол за известување за настани од висок ризик и обуки за подготвување на припадниците на МВР за медиумски настап и медиумско комуницирање.  „Во минатото бевме сведоци за напади врз новинари, нешто што не смее да се случува во една демократска земја. МВР ќе направи се медиумските работници да можат слободно и безбедно да си ја вршат својата работа.

Турција и Русија потпишаа договор за набавка на ракетни системи за воздушна одбрана C-400, објавуваат турските медиуми. Според извештаите договорот е во вредност од 2,5 милијарди евра кој го потврдил и директорот на компанијата „Ростек“ Сергеј Чемезов. Чемезов изјави дека Турција е првата членка на НАТО која купила систем С-400, најавувајќи дека испораката ќе почне во март 2020 година. Турскиот претседател Реџеп Таип Ердоган во септември оваа година изјави дека е потпишан договорот со Русија за... Читать дальше...

Министерката за труд и социјална политика Мила Царовска денеска изјави дека се подготвени за отворен дијалог и дебата за да дојдат до конечни заеднички решенија, во врска со барањата ма Конфедерацијата на слободни синдикати (КСС) кои најавија дека на 17 јануари ќе одржат предупредувачки протест пред Владата. КСС најави протест со барање за усогласување на платите во јавниот сектор согласно зголемувањата на минималната плата, да почнат преговори за зголемување на платите во јавниот сектор и преговори... Читать дальше...

Турската полиција соопшти дека денеска уапсила 29 осомничени припадници на групата на Исламската држава (ИД) во Анкара, вклучително осомничени кои наводно подготвувале напади за време на новогодишните прослави. Турската државна агенција Анадолија наведува дека околу 500 полициски службеници учествувале во денешните рации за апсење на осомничените. Во извештаите се вели дека многумина од уапсените се државјани на странски земји. Апсењата доаѓаат еден ден по спроведувањето слични операции во земјата... Читать дальше...

Политичарите со години ветуваат, а лекарите и пациентите не добиваат. Од бесплатно здравство, преку високи плати за лекари и сестри, до подобрени услови во болниците, се ветувањата кои со години никако да се исполнат до крај. Предизвиците за новата администрација во здравството се големи, а товарот со неисполнети ветувања е прилично тежок, велат упатените.

Словенечката полиција денеска предупреди два хрватски рибарски брода дека се наоѓаат во недозволени води во Пиранскиот Залив, откако со арбитражна одлука тој дел од морето и припадна на Словенија. Двата брода биле придружувани од хрватската полиција кога дошол словенечки глисер, предупредувајќи ги дека се наоѓаат во словенечки територијални води. Потоа словенечката полиција се вратила во матичното пристаниште Пиран, а хрватските рибари во Савудриска вала.  Словенечките власти најавија дека од... Читать дальше...

Политичкото помирување ќе биде потешко и покомплексно, коментираат познавачи, откако политичари го актуализираа прашањето за помирување во општеството, по долготрајната политичка криза. Партиите се раскарани и тие може да се обединат само околу долгорочното опстојување на Македонија, велат експерти.

Руското Министерство за вонредни ситуации ги отфрли извештаите дека двајца луѓе загинале во денешна сообраќајната несреќа на автобус во Москва, наведувајќи дека во инцидентот повредени се три лица. Московската полиција соопшти дека несреќата се случила кога автомобил го удрил автобусот и го турнал во автобуската станица на булеварот „Кимкински“ во близина на метро станицата „Сходненскаја“ во Москва.  Московскиот градоначалник Сергеј Собјанин денеска изјави дека наредил темелна истрага за инцидентот. Читать дальше...

Живот без пензија веќе е реалност за илјадници граѓани кои се постари од 65 години. Тие не се на списокот на корисници на фондот на ПИОМ, бидејќи не го исполнуваат законскиот минимум за пензија. Овие граѓани многу често се оставени без какви било приходи.

Официјален претставник на руското Министерство за надворешни работи вели дека Русија би можела да биде домаќин на разговори меѓу САД и Северна Кореја ако тоа биде побарано од Москва. Рускиот претставник Олег Бурмистров денеска рече дека Москва е отворена за контакти и е подготвена да обезбеди место за разговори доколку е потребно. „Ние сме подготвени да учествуваме на вакви состаноци ако бидеме поканети“, рече Бурмистров. Тој исто така изјави дека последната резолуција на Советот за безбедност... Читать дальше...

Во Македонија има над 200.000 невработени, од кои половина активно бараат работа. Од нив околу 23 проценти се млади, помалку со факултетско, а повеќе со средно образование.

Шест египетски војници загинаа во експлозија на мина за време на операцијата против терористите на северот на Синај. Египет е цел на исламските екстремисти од соборувањето на претседателот Мухамед Мурси од Муслиманското братство во 2013 година. Во досегашните напади загинаа стотици полицајци и војници. Во најсмртоносниот напад во поновата историја на Египет кон крајот на минатиот месец триесетина напаѓачи под знамето на Исламската држава убија над 300 луѓе во една џамија, исто така на северот на Синај.

Американскиот претседател Доналд Трамп ја критикуваше Кина откако беше објавено дека нафта од кинески бродови незаконски била префрлана на севернокорејски бродови. Трамп на Твитер наведе дека „Кина е фатена на дело“ и оти тој е „многу разочаран што Кина дозволува да стигне нафта во Северна Кореја“. Министерството за надворешни работи на Кина соопшти дека Пекинг ги применува санкциите на Обединетите нации и оти нема информации за такво префрлање на нафта.

Италијанската влада вчера закажа парламентарни избори во таа земја за 4 март, откако шефот на државата Серџо Матарела го распушти парламентот чиј петгодишен мандат истекува наскоро. Паоло Џентилони е трет премиер во овој актуелен состав на парламентот, по Енрико Лето и Матео Ренци и ќе остане на должност до формирање на нова влада по изборите. Џентилони изјави дека претстојната кампања не би требло да биде заснована врз страв, бидејќи тоа не е во интерес на земјата.

Најмалку 15 луѓе го загубија животот во пожарот што во текот на изминатата ноќ избувна во Мумбаи во зграда на чиј покрив се одржувала забава, соопшти полицијата. Пожарот избувна во ресторан на покривот и за половина час ја уништи целата зграда.