Турција: Уништени 170 цели во сирискиот град Африн
Турскиот премиер Бинали Јилдирим изјави дека вооружените сили на Турција уништиле 170 цели во рамките на операцијата „маслиново гранче“ во сирискиот град Африн, истакнувајќи дека нема турски загинати војници во операцијата. Во меѓувреме турската телевизија НТВ соопшти дека министерскиот совет на Турција започнал со заседание по повод операцијата во Африн.
Претходно турскиот претседател Реџеп Тајип Ердоган наведе дека во турскиот округ Хатај загинал еден вработен во енергетската компанија „Тедаш“, нагласувајќи дека лицето загинало при напад од Сирија.