Вашингтон преименува улица во чест на рускиот опозициски лидер Немцов
Градскиот совет на Вашингтон ја преименува улицата каде што се наоѓа амбасадата на Русија во чест на сеќавање на убиениот руски опозициски лидер Борис Немцов, потег на кој Москва се жали.
Шефот на Фондацијата за слобода на Борис Немцов, Владимир Кара Мурза денеска изјави дека официјална церемонија за преименување на блокот од „Авенија Висконсин“ во „Борис Немцов Плаза“ е закажана за 27 февруари, на третата годишнина од убиството на Немцов.
Немцов, кој е поранешен заменик премиер и долгогодишен критичар на рускиот претседател Владимир Путин, беше убиен на мост во Москва на само неколку метри од ѕидовите на Кремљ.
Неговите приврзаници постојано бараат да биде поставена спомен плоча на местото на неговото убиство. Но функционерите од градот Москва одбиваат да дадат дозвола.