Средба на Мицкоски со Жбогар и амбасадорите на земјите од ЕУ
Актуелната политичка и економска состојба во Република Македонија била тема на денешната работна средба на претседателот на ВМРО-ДПМНЕ Христијан Мицкоски со амбасадорот на ЕУ и амбасадорите на земјите-членки на ЕУ.
На средбата, како што соопштија од ВМРО-ДПМНЕ, Мицкоски ги информирал амбасадорите за, како што потенцирал, бројните системски злоупотреби кои се извршуваат од страна на претставници на владејачката коалиција, со што државата се оддалечува од европската агенда.
Мицкоски нагласил дека ВМРО-ДПМНЕ верува дека стратешки интерес на Македонија е што поскоро да стане дел од Европската унија и оти ќе го поддржи секој процес кој што е во таа насока.