Иранец се самозапалил во Германија бидејќи не добил азил

Иранец се самозапалил откако германските власти не му го одобриле барањето за азил. Според полицијата, 35 годишниот маж им пристапил на две службенички во регионалната служба во близина на Штудгард и им го покажал писмото во кое е наведено дека било одбиено неговото барање за азил.


Службеничките се обиделе да му помогнат, но како што наведуваат од полицијата, тој станал агресивен и од неговиот ранец земал шише со запалива течност и додека властите се обиделе да реагираат тој се самозапалил. Од 2015 година околу 1,2 милиони бегалци кои бараат азил се наоѓаат во Германија.