Сексуалната ориентација влегува во законот за дискриминација

Министерката за труд и социјална политика Мила Царовска информираше дека Владата донела нов предлог-закон за заштита од дискриминација со кој, меѓу другото, се прошируваат основите за дискриминација, се воведува сексуална ориентација и родов идентитет како основ за дискриминација, се воведува и сегрегација како нов облик на дискриминација и се зголемуваат казните.


„На овој начин се доближуваме до меѓународните стандарди усвоени во ОН и ЕУ, а нашите граѓани добиваат соодветна правна заштита и општество во кое се негуваат различностите и овозможува услови за развој на сите граѓани“, рече министерката Царовска.