Столтенберг: Македонија ќе стане членка на НАТО со одобрување на Договорот

НАТО соопшти дека Република Македонија може да стане членка на Алијансата во 2019 година ако го прифати Преспанскиот договор. Генералниот секретар на НАТО Јенс Столтенберг на прес-конференција изјави дека преговорите за прием на Македонија може да завршат во јануари идната година и во почетокот на 2019 година државата може да стане членка на НАТО


„Сите внимателно го следевме изјаснувањето на референдумот во поранешната југословенска република Македонија. Го поздравувам постигнатото одобрување за Договорот од Преспа. Скопје треба да ги определи следните чекори“, нагласи Столтенберг.


Тој посочи дека НАТО е подготвен да ја поздрави Македонија како 30-ти член на НАТО, но оти тоа тоа може да се случи само со одобрување на Договорот од Преспа.


„Преговорите за членство почнаа и очекуваме да ги завршиме во јануари идната година. Кога ќе заврши прифаќањето на Договорот, може да потпишеме протокол со ПЈРМ. Во почетокот на годината државата може да се присоедини кон Алијансата. Ги повикувам сите да пројават одговорност и да ја искористат таа можност“, нагласи Столтенберг.