Индија го откри највисокиот споменик во светот, двојно повисок од Статуата на слободата
Индија денеска го откри највисокиот споменик во светот, 182 метри високата статуа во чест на Сардар Валабаи Пател, херој од борбата за независност и прв вицепремиер на Индија.
Статуата на единството беше откриена во западната држава Гуџарат, на 142-годишнината од раѓањето на Пател.
Бронзениот споменик, на брегот на реката Нармада, го откри премиерот Нарандра Моди, кој потекнува од Гуџарат, исто како и Пател.
За изградбата на зданието беа потрошени 430 милиони долари, се градеше 33 месеци, а во изградбата учествуваа 250 инженери и 3400 работници.
Илјадници полицајци го обезбедуваа отворањето, зашто локалните племиња во изминатите месеци протестираа , тврдејќи дека со проектот се уништуваат природните ресурси.
Досега, највисок споменик беше 128-метарскиот Пролетен храм на Буда во Кина.
Статуата на единството во Индија е речиси двојно повисока на Статуата на слободата во Њујорк.