Курц - Можно е решение на косовското прашање
Австрискиот канцелар Себастијан Курц изјави дека ЕУ ќе биде целосна само кога во неа ќе бидат членки земјите од Западен Балкан. Тој попладнево во Белград се сретна со српскиот претседател Александар Вучиќ.
Во видео-порака објавена на Твитер, Курц порача дека Австрија е тесно поврзана со Западен Балкан на политички, економски, културен и посебно на меѓучовечки план.
По средбата со Вучиќ австрискиот канцелар изрази уверување дека е можно да се дојде до решение на косовското прашање во дијалогот Белград-Приштина и нагласи дека ставот на неговата Влада е оти треба да се поддржи секој договор кој води до долгорочно решение.
Курц од Белград ќе отпатува за Приштина, каде за утре се планирани средби со претседателот и премиерот нма Косово Хашим Тачи и Рамуш Харадинај.