САД бараат темелна истрага за смртта на Кашоги
САД повикаа на „темена, конклузивна и транспарентна“ истрага за убиството на саудискиот новинар Џамал Кашоги. Пет месеци откако го напуштија Советот на ОН за човекови права, на состанок на телото, американскиот вршител на должност Марк Касајр рече дека САД го осудуваат убиството на новинарот, што се случи во саудискиот конзулат во Истанбул минатиот месец.
Администрацијата на претседателот Доналд Трамп во јуни ги повлече САД од 47-члениот Совет, обвинувајќи го телото, меѓу другото, дека е антиизраелски настроено.
Саудискиот претставник за човекови права Бандар бин Мохамед ал-Аибан пред Советот изјави дека неговата влада „жали и пати“ поради смртта на Кашоги. Тој рече дека саудиските власти наредиле истрага за одговорните да се изведат пред лицето на правдата.