Денеска завршува комисиската расправа за ребалансот на Буџетот

Собраниската комисија за финасирање и буџет денеска треба да ја заврши расправата по Предлог-измените и доплнувањата на Буџетот за 2018 година во второ читање, која започна во петокот, а може да трае најмногу три дена. 


Министерот за финансии Драган Тевдовски образложи дека ребалансот се базира на проекција за раст на реалниот БДП од 2,8 проценти во 2018 година, а буџетскиот дефицит е непроменет и изнесува 2,7 проценти од БДП. Тевдовски рече дека со ребалансот се очекува да се подобри фискалната позиција на општините, за што се предвидуваат три милијарди денари.


Во текот на расправата пратениците од опозицијата обвинија дека ребалансот е нереален и дека со него нема да се постигнат предвидените стапки на економски раст. Тие истакнаа дека со ребалансот власта значително ќе ги намали средствата во здравството и образованието.


За пратениците од владеачкото мнозинство, пак, ребалансот е со цел корекција на расходната страна поради обезбедување финансиска поддршка на општините и зајакнување надржавните институции.