Груевски сè уште не се пријавил во затвор, Судот прави обид за достава
Откако Груевски ќе ја добие одлуката, би требало веднаш да се јави во затворот за издржување на казната за набавката блиндираниот мерцедес. Доколку Судот утврди дека Груевски избегнува да го прими решението, тој ќе биде спроведен или ќе се распише потерница.
Кривичниот совет на Одделението за организиран криминал и корупција при Основниот суд Скопје 1 во петокот ги одби жалбите на Груевски и неговите адвокати и го потврди решението на судијата за извршување санкции со кое поранешниот премиер треба да се јави во затворот за издржување двегодишна казна за предметот „Тенк“. Собранието во петокот не му го одзеде пратеничкиот мандат на Груевски зашто немаше двотретинско мнозинство.