Тројца уапсени по синоќешната престрелка во Тетово
По синоќешната оружена престрелка во Тетово, уапсени се три лица, соопшти МВР. Во полициската станица во Тетово биле приведени и задржани Б.Д. и Д.М, и Р.Џ.(28) од село Шипковица, а се бараат и други лица за целосно рачистување на случајот.
Според полицијата, инцидентот се случил во близина на угостителски објект на улицата Маршал Тито, а на престреката претходела расправија меѓу две лица во казино во Тетово. Како што информира МВР, на престрелката претходела расправија во казино помеѓу Н.М.(34) од една страна и Д.М.(43) од тетовското село Лавце и Б.Д.(43) од Тетово, од друга страна. Тие излегле надвор на улицата, по што биле испукани куршумите, а се вклучиле и други лица. Во престрелката нема повредени.