Си-ен-ен евакуиран поради дојава за бомба
Зградата на телевизиската мрежа Си-ен-ен во Њујорк беше евакуирана поради дојава за подметната бомба, но не е пронајдена никаква експлозивна направа, соопшти телевизијата. Синоќешната евакуација е втора во изминатите недели, откако во октомври во Си-ен-ен беше испратен пакет со експлозивна направа.
Телевизијата беше евакуирана нешто по 22:30 по локално време, а во тој период беа емитувани само претходно снимени емисии. Полицијата околу полноќ им кажа на вработените дека може да се вратат во зградата и дека нема опасност.