Меркел: Исламска држава не е поразена
Исламска држава е далеку од поразена и таа се трансформира во асиметрична воена сила откако ја загуби речиси целата територија што ја контролира во Сирија, рече денеска германската канцеларка, Ангела Меркел.
„Таканаречената Исламска држава, за среќа, е потисната од нејзината територија, но, за жал, тоа не значи дека Исламска држава исчезна. Таа е трансформирана во асиметрична воена сила. А тоа, се разбира, е закана“, заклучи канцеларката.
Меркел истакна дека следењето на настаните во Сирија е еден од главните приоритети на германската разузнавачка служба БНД, што вклучува и следење на сајбер-заканите и лажните вести креирани да влијаат врз демократските избори.