Меј ќе бара повеќе време за преговори со ЕУ
Британската премиерка Тереза Меј се очекува денеска да побара повеќе време за преговори со ЕУ за „бекстоп“ протоколот во однос на ирската граница. „Бекстоп“ е своевидна безбедносна мрежа која гарантира дека нема да има „тврда граница“ меѓу двете Ирски, дури и ако Велика Британија излезе од ЕУ без договор.
„Разговорите се во круцијална фаза“, рече Меј пред обраќањето во Парламентот и додаде оти „сега треба да ги сочуваме нервите за да ги добиеме промените кои ги бара Законодавниот дом и да го спроведеме Брегзит на време“.
„Добивајќи ги промените што ни се потребни за „бекстоп“, со заштита и унапредување на правата на работниците и заштита на животната средина и со зајакнување на улогата на парламентот во следната фаза од преговорите, верувам дека можеме да постигнеме договор што овој Дом може да го поддржи“, нагласи премиерката.