Започна проверка на дипломите на вработените во Владата на БиХ
Генералниот секретаријат на Владата на Федерацијата Босна и Херцеговина денеска започна со ревизија на дипломите на вработените во федералните органи на власта, во јавните претпријатија и во фирмите во кои државата е мнозински сопственик.
Генералниот секретаријат на владата веќе спроведува активности за проверување на дипломите на сите членови на Владата, од Премиерот, вицепремиерите и федералните министри, нивните советници и други државни службеници, па се до вработените во Секретаријатот.
Секретаријатот почна со испраќање дописи до образовните институции за проверка на веродостојноста на дипломите што ги доставиле вработените службеници, а некои од нив веќе одговориле на барањата.
Генералниот секретаријат е задоволен од ваквата соработка со високообразовните институции, оценувајќи дека тоа е доказ оти образовната заедница ги поддржува владините напори за разоткривање на евентуалните злоупотреби на образовниот систем.