Јункер задоволен од трговските односи на САД со ЕУ
Претседателот на Европската комисија, Жан Клод Јункер изјави дека може да му се верува на американскиот претседател Доналд Трамп за трговските односи меѓу ЕУ и САД. Тој порача дека ништо не се променило во трансатлантските трговски односи откако тој се сретнал со Трамп во Вашингтон, минатиот јули.
Јункер додаде и дека најголем дел од глобалните економски проблеми се поврзани со тензиите меѓу САД и Кина.Според него, доколку проблемот меѓу двете земји не биде решен наскоро тогаш апетитот за инвестиции низ светот ќе слабее.