Новости за 19.09.2018

Тетово речиси две децении нема Генерален урбанистички план, а последиците од тоа сега ќе биде уште потешко да се надминат.

Американскиот претседател Доналд Трамп изјави дека се постигнува голем напредок со Северна Кореја, по штотуку одржаниот меѓукорејски самит на кој Пјонгјанг понуди одредени отстапки околу својата програма за вооружување, јавува Асошиејтед Прес. Трамп им соопштил на новинарите дека добил добри вести од самитот, каде што севернокорејскиот лидер Ким Џонг Ун вети дека ќе ја урне локацијата за лансирање ракети, и дека ќе ја демонтира главната нуклеарна локација доколу САД преземат неодредени соодветни мерки. Читать дальше...

Со „Блокбастер“ на белгискиот Колектив Мензуел, „театарската НЛО претстава“ или филмот-пародија создаден со повеќе од 1400 кадри извадени од 160 холивудски филмови, в четврток на 20 септември, во 20 часот, во МНТ ќе започне 43-то издание на Млад отворен театар. Станува збор за гигантска монтажа преку која е раскажана приказната за насилството од доминантната класа на обичните луѓе каде што хуморот се користи како инструмент за протест.

“Нема да вршиме влијание на граѓаните како да се изјаснат, тоа е нивно политичко и со закон загарантирано право, но сакаме сите да ги повикаме да излезат на референдум и да не дозволат никој да манипулира со нивниот глас и сите да им помогнат на здравите структури да се избориме со јазикот на омраза, со лажните вести, со спиновите и црната пропаганда”, истакнаа од Цивил центарот за слобода при денешната презентација на проектот „Гласам, значи постојам“. Екипата на невладината „Цивил центар за слободи“... Читать дальше...

“Многу скоро граѓаните ќе решат за патот на нивната иднина и нивните идни односи со Европската унија. Има многу емоции во оваа одлука и разбираме дека одлуката не е лесна, но убедени сме дека граѓаните ќе одлучат правилно и ќе ја почитуваме таа одлука,” изјави евроамбасадорот Самуел Жбогар на 15-титот состанок на Мешовитиот парламентарен комитет на ЕУ и Република Македонија. Тој посочи дека добрососедските односи се еден од принципите на ЕУ и затоа, како што наведе Жбогар, ги поздравуваме договорите... Читать дальше...

Рускиот претседател Владимир Путин разговарал телефонски со германската канцеларка Ангела Меркел за конфликтите во Сирија и Украина, како и за светската економска состојба. „Рускиот претседател ја информираше канцеларката на Германија, Меркел за договорот постигнат меѓу Русија и Турција за стабилизациски активности во зоната на деескалација во сириската област Идлиб“, соопшти Кабинетот на рускиот претседател. Русија и Турција се договорија да распоредат мировни сили во оваа бунтовничка област... Читать дальше...

Неколку земји членки на ЕУ се скептични кон идејата за проширување на мандатот на Европската агенција за контрола на границите - Фронтекс, изјави денеска австрискиот канцелар Себастијан Курц, чија земја е актуелен претседавач со Унијата. Според Курц, овие земји, меѓу кои се и Грција, Италија и Шпанија, треба да бидат убедени да ги поддржат реформите на Фронтекст за време на на дводневниот Самит на ЕУ, што почнува доцна попладнево во австрискиот град Салцбург. Европската комисија предложи бројот... Читать дальше...

Претседателот на Европскиот совет Доналд Туск денеска најави дека во ноември ќе се одржи вонреден Самит на ЕУ, на кој ќе се дискутира за британското напуштање на Европската унија. Се очекува на овој Самит да биде финализиран договорот меѓу Брисел и Лондон, со кој ќе се регулираат идните односи меѓу ЕУ и Велика Британија. „Преговорите за Брегзит влегуваат во решавачка фаза. Се уште се можни разни сценарија, но потенцирам дека некои од предлозите на премиерката Тереза Меј навестуваат позитивни промени во британскиот пристап. Читать дальше...

Руски авион-ловец од типот МиГ-31 се урнал денеска во близина на градот Нижни Новгород. Двајцата пилоти се катапултирале и го преживеале инцидентот. Леталото паднало во шума и не предизвикало жртви или штета на земјата.

Албанскиот претседател Илир Мета и заменик-помошникот секретар во Бирото за европски и евроазиски работи на Стејт Департментот, Елизабет Милард на денешната средба во Тирана, покрај другото разговарале и за референдумот во Македонија. Заеднички став на двајцата соговорници е дека позитивниот резултат на референдумот е од големо значење за европската иднина не само за Македонија туку и за целиот регион, јавува МИА. Мета ја запознал високата гостинка со ставот дека Албанија ги повикала Албанците... Читать дальше...

Обединетите нации предупредија дека во изминатите три месеци се зголемува бројот на цивили убиени во судирите во источна Украина. Се смета дека во украинскиот конфликт досега биле убиени над 10.000 луѓе, а најмногу од жртвите загинале во првата година на конфликтот, од 2014 до 2015 година, по што беше договорен прекин на огнот. Но, од средината на мај до средината на август биле убиени 12 цивили, а 93-ца биле ранети. Ова е за една третина повеќе од бројот на жртви во претходниот трисемечен период. Читать дальше...

Американската армија проценува дека Русија и Кина претставуваат најголема закана за кибер-безбедноста на САД. Во новата стратегија за кибер-безбедноста, прва од таков вид изработена во мандатот на актуелниот претседател на САД, Доналд Трамп, се оценува дека Русија влијаела врз американското население и се мешала во политичките процеси во земјата, додека Кина се обидува да украде доверливи податоци од американската Влада, како и од приватни компании. "Пентагон ќе работи на тоа да ги попречи овие недобронамерни активности"... Читать дальше...

Стотина спасувачи денеска ја продолжуваат потрагата по десетиците исчезнати во масовниот одрон на земјиштето, предизвикан од тајфунот Мангхут, одговорен за смртта на 81 лице на Филипините. Повеќето мртви и исчезнати се од северните области на Кордилера, вклучително и од најпогодената провинција Бенгет, каде што поради одрон на земјиштето беше затрупано старото рударско место во Итогон. Повеќе од 236.000 жители се раселени поради тајфунот Мангхут, најсилен досега на Филипините оваа година, кој му наштети на земјоделството... Читать дальше...

Берлин е скептичен во врска со идејата за корекција на границите, изнесена во преговорите меѓу Косово и Србија, изјави министерот за надворешни работи на Германија Хајко Мас кој денеска престојува во посета на Албанија. Тој додаде дека е загрижен поради можен домино ефект. Претседателот на Косово Хашим Тачи претходно изјави дека темата за корекција на границата, со која српската Прешевска долина населена претежно со Албанци, би се припоила кон Косово, ќе биде вклучена во преговорите со Белград.

Решение за косовското прашање не е на маса, изјави денеска српскиот министер за надворешни работи Ивица Дачиќ на форумот „Безбедносни предизвици за Западен Балкан и Србија“, додавајќи дека до решение треба да се дојде трпеливо. Тој наведе дека идејата за разграничување е опција која јавно ја истакнал српскиот претседател Александар Вучиќ и оти таа допрва треба да биде предмет на разговори.  „Бидејќи објективно, разговорите не се придвижени во смисла на конкретизација, туку се изнесуваат идеи и опции. Читать дальше...

Лидерите на Северна и Јужна Кореја ги завршија последните од серијата историски посети, истакнувајќи дека се согласиле да извршат притисок за отстранување на нуклеарното оружје од Корејскиот Полуостров. На денешна прес-конференција во Пјонгјанг, лидерот на Северна Кореја Ким Џонг Ун изјави дека во блиска иднина ќе патува во Јужна Кореја. Ако тоа се случи, ќе биде прва посета на лидер на Северна Кореја, откако Полуостровот беше поделен пред неколку децении. Во меѓувреме, претседателот на Јужна... Читать дальше...

Пакистанскиот суд ги суспендираше затворските казни кои претходно им беа изречени на соборениот поранешен премиер Наваз Шариф, неговата ќерка и неговиот зет. Врховниот суд во Исламабад денеска ја објави одлуката, наредувајќи ослободување со кауција на Шариф, Мариам Наваз и Мохамед Сафдар, во очекување на судењата по нивните жалби. Судот наредил тројцата да бидат ослободени со кауција од околу 4.000 долари. Судот во јули го осуди поранешниот пакистански лидер и неговат ќерка на 10 години и седум... Читать дальше...

Седум уставни судии гласаа против, а двајца за поведување на иницијатива за оценување на уставноста и законитоста на Одлуката за распишување на референдум. Подносителите од Левица и Светскиот Mакедонски Kонгрес обвинија за притисок врз судиите.

Воздухопловните сили на Романија и Бугарија денеска одржаа координирани вежби, насловени „Син мост 2018“, соопшти бугарското Министерство за одбрана. Во соопштението се наведува дека бугарскиот „Миг-29“ успешно ја завршил вежбата на пресретнување на романскиот „Миг-21.“ Вежбата имала за цел пилотите да ги стави во ситуација кога во воздушниот простор ќе се појави авион без дозвола за лет. Националните центри за надгледување на воздушниот сообраќај, исто така, спроведоа вежба за размена на контролите за летање.

Уставниот Суд на денешната седница не изрази сомнеж за неуставност и незаконитост на оспорената одлука за уставноста на референдумот на 30 септември. Имено со 7 гласа против и 2 гласа за, уставните судии ја отфрлија иницјативата поднесена од Димитар Апасиев од Левица и Тодор Петров од Светскиот Македонски Конгрес. Судијата известител Елена Гошева на почетокот на седницата ја оцени иницијативата како основана оспорувајќи го формулираното референдумско прашање и формата на референдумот. Таа оцени... Читать дальше...

Григориј Родченков, кој помогна да се открие руската државна програма за допинг во спортот, упати предупредување до Светската анти-допинг агенција (ВАДА) околу враќањето на овластувањата на Руската агенција за надзор. Изјавата на Родченков е објавена на 18 септември во напис во весникот „USA Today“, два дена пред (ВАДА) да го разгледува враќањето. ВАДА не смее да падне на манипулациите и лажните тврдења на Министерството за спорт, истото кое ја олесни програмата за допинг, напиша Родченков додавајќи... Читать дальше...

Судијата известител Елена Гошева ја оцени иницијативата како основана оспорувајќи го формулираното референдумско прашање и формата на референдумот. Таа оцени дека Договорот од Преспа е ништовен поради тоа што министерот за надворешни работи немал правни овластувања за таков тип договори. За разлика од неа, уставните судии Дарко Костадиновски, Осман Кадриу, Вангелина Маркудова, Насер Ајдари и Сали Мурати се изјасниле дека не се за поведување иницијатива, сметајќи дека не се прекршени Законот и Уставот за референдум. Читать дальше...

Вкупно 5,2 милиони деца се под ризик од глад во Јемен поради зголемувањето на цените на храната и обновените борби околу клучниот пристанишен град Худајдах, предупредува организацијата „Спасете ги децата.“ „Оваа војна ризикува да биде убиена цела генерација деца од Јемен кои се соочуваат со повеќе закани: од бомби, глад, и од болести како колера“, изјави денеска шефот на добротворната организација Хеле Торнинг Шмит. Конфликтот во Јемен ескалираше во 2015 година кога шиитските бунтовници Хути... Читать дальше...

Уставниот суд ја почна седницата на која треба да се одлучува за уставноста и законитоста на Одлуката за распишување на референдум, донесена од Собранието на Република Македонија на 30 јули 2018 година. На седницата присуствуваат претставници на политичката партија „Левица“ и од Светскиот македонски конгрес, кои се подносители на иницијативите, а судија известител е Елена Гошева која го образложува предметот. Подносителите сметаат дека одлуката за референдумот не е во согласност со Уставот на РМ... Читать дальше...

Во Македонија во првиот уписен рок на факултетите е забележливо дека има намалување на студентите, велат професорите. Како главни причини се посочуваат невработеноста, широкиот спектар на научни области во странство и пристапот до нова стручна литература.