Новости за 04.02.2019

Шефот на руската дипломатија Сергеј лаврв изјави дека целосното повлекување на САД од Договорот за нуклеарни ракети со среден дострел (ИНФ) не најавува почеток на нова Студена војна. „Не мислам дека зборуваме за развој на настаните од Студената војна. Започна нов период“, рече Лавров. Русија во саботата го суспендира почитувањето на одредбите од договорот за контрола на нуклеарното оружје од времето на Студената војна, бидејќи САД соопштија дека се повлекуваат од ИНФ, обвинувајќи ја Москва за негово кршење. Читать дальше...

Постовите и коментарите, по интервјуто со лидерот на ВМРО-ДПМНЕ, Христијан Мицкоски се прилично негативни. Но такви се и против владејачката партија, а доста коментари привлекла и веста за интервјуто со Груевски, кој избега од државата.

Над 1.000 граѓани лани биле побарале правен совет во канцеларијата на заменикот народен правобранител, а 160 од нив поднеле претставки. „Претставките се поднесени против одолговлекување на постапката пред управниот суд, пред извршители, нотари и пред другите редовни судови во Македонија. Понатаму на второ место е бројот на поднесени претставки за потрошувачки права, финансии и царина, социјална сигурност и имотно правни односи. За имотно-правните односи се однесуваат на постапките за одземање на... Читать дальше...

Во периодот од 2012 до 2016 година од карцином на грло на матка во Македонија починале 203 жени. Бројот на починати од ова заболување  секоја година се зголемува за 6 проценти, соопшти Здружението за еманципација, солидарност и еднаквост на жените – ЕСЕ. „И покрај оваа алармантна состојба, Министерството за здравство издвојува средства и дава можност само 28 проценти од жените на возраст од 24 до 60 години да направат бесплатен ПАП тест преку Програмата за скрининг на карцином на грло на матка... Читать дальше...

Франција, Велика Британија, Шпанија и Шведска денеска го признаа Хуан Гуаидо како вршител на должноста водач, откако Николас Мадуро го отфрли ултиматумот од европските земји да свика предвремени избори во венецуела. „Велика Британија заедно со европските сојузници сега го признава Гуаидо за привремен уставен претседател додека не се одржат веродостојни избори. Да се надеваме дека ова ќе нѐ приближи до крајот на хуманитарната криза“, напиша на Твитер британскиот секретар за надворешни работи Џереми Хант. Читать дальше...

Српската православна црква нема да ја признае „новата црква создадена во Украина“, изјави патријархот на СПЦ, Иринеј за ТВ Русија 1. „Тие испратија покана, но ние одговоривме дека не сакаме да присуствуваме. Ние нема да ги признаеме“, одговорил Иринеј на прашањето дали добил покана од украинскиот митрополит Епифаниј да присуствува на устоличувањето. Минатата недела Иринеј за време на состанокот со Патријархот Московски и на цела Русија, Кирил изјави дека она што се случува со Православната Црква... Читать дальше...

Вратите на Македонија кон НАТО и ЕУ ѝ се отворени, но Москва нема да мирува, предупредуваат експертите и додаваат дека годинава еден од адутите на Кремљ ќе биде „сеење нови стравови со стари идеи“.

Потпретседателката на Венецуела Делси Родригес изјави дека Каракас ја осудува изјавата на американскиот претседател Доналд Трамп за можна употреба на војската во нејзината земја. „Не ги прифаќање ваквите изјави на претседателот. Скриениот мотив зад нив е желбата да дојде до богатите ресурси на Венецуела“, им рече таа на руските новинари. Трамп вчера изјави дека испраќањето американска војска во Венецуела е опција. САД го поддржаа опозицискиот лидер Хуан Гваидо кој се прогласи за претседател на Венецуела... Читать дальше...

Заменик претседателот на Владата задолжен за европски прашања, Бујар Османи оваа недела ќе престојува во неколкудневна работна посета на Вашингтон, во рамките на која ќе учествува и на традиционалниот Молитвен појадок во организација на американскиот претседател Доналд Трамп. Како што соопштија од кабинетот на вицепремиерот, во рамките на посетата Османи ќе оствари средби и со високи претставници на администрацијата на Белата куќа, меѓу кои и со заменик помошникот државен секретар на САД за Европа и Евроазија... Читать дальше...

Со завршни зборови на одбраната денеска во Криивчниот суд во Скопје треба да продолжи судењето за случувањата во Собранието на 27 април 2017 година. Завршни зборови на минатото рочиште изнесе јавното обвинителство, кое е застапник на обвинението за случајот „27 април“, во кој првично беа обвинети 33 лица, но согласно Законот за амнестија помилувани беа вкупно 15 лица. Обвинителката Вилма Рускоска, во завршни зборови, рече дека на судот не треба да влијае тоа што некој се соочува со 10 години затвор... Читать дальше...

Поглаварот на Римокатоличката црква Папата Франциско престојува во историска посета на Обединетите Арапски емирати во текот на која ќе настојува да сврти страница во односите меѓу христијаните и муслиманите. Тој во Абу Даби ќе учествува на конференција за меѓуверскиот дијалог. Доаѓањето на Папата Франциско во Абу Даби е прва посета на еден поглавар на Римокатоличката црква на Арапскиот полуостров.

Американскиот претседател Доналд Трамп во неделата рече дека воената интервенција во Венецуела е „опција“, како што западните земји го зголемуваат притисокот врз оспорениот социјалистички лидер Николас Мадуро да се повлече. Мадуро пак, го отфрли ултиматумот за предвремени избори и изјави дека Венецуела сака мир.

Американскиот претседател Доналд Трамп изјави дека сака да ја задржи војската во Ирак за да може да го надгледува Иран, бидејќи таа земја претставувала вистински проблем. „Потрошивме богатство за изградба на базата Ал Асад во Ирак. Една од причините зошто сакам да ја задржам е за да го посматрам Иран“, рече Трамп во интервју за Си Би Ес. Според него, во случај Иран да сака да произведе нуклеарно оружје Вашингтон ќе го дознае тоа пред да се случи такво нешто.

Претседателот на Владата на Македонија Зоран Заев денеска ќе престојува во Бугарија, каде што ќе се сретне со бугарскиот премиер Бојко Борисов. На средбата, како што соопштуваат од владината прес-служба, ќе стане збор за развојот на соработката во разни сектори, проекти во областа на инфраструктурата и транспортот, како и спроведувањето на Договорот за пријателство, добрососедство и соработка. Премиерот Заев ќе ја предводи делегацијата во која ќе бидат и министерот за култура, Асаф Адеми, како и националниот координатор за култура... Читать дальше...

Во Македонија ќе преовладува променливо облачно, а од изутрина најпрвин во западните делови и потоа на југот ќе има врнежи од дожд, а на повисоките планини од снег со послаб интензитет. Ќе дува слаб до умерен ветер кој во текот на денот ќе се менува од јужен во североисточен. Утринската температура ќе се движи од 2 до 8, а дневната од 5 до 14 степени. Во Скопје и околината слично време со утринска температура околу 4, а дневната до 10 степени.