Новости за 10.03.2019

Во Владата вечерва почна средбата на премиерот и претседател на СДСМ Зоран Заев со лидерот на ВМРО-ДПМНЕ Христијан Мицкоски. Теми на разговор на средбата, како што претходно најавија, се претстојните претседателски избори и реформските закони. Лидерот на ВМРО-ДПМНЕ претходно најави дека на средбата ќе се разговара и за Предлог законот за Специјалното јавно обвинителство кој го добиле во работна верзија, а ќе го отвори и прашањето за предвремени парламентарни избори. Лидерската средба е на барање на ВМРО-ДПМНЕ.

Околу 30 илјади луѓе денеска се собраа во центарот на Амстердам на протест со барање за прогресивна политика на владата против климатските промени во Холандија. Илјадници луѓе, и покрај дождот, излегоа на улиците носејќи транспаренти на кои меѓу другото пишува „Направете нешто“. Институтот за истражување на животната средина неодамна соопшти дека Холандија не направила доволно за намалување на емисијата на стакленичките гасови на пропишаното ниво и дека целта за намалување на емисиите до 2020... Читать дальше...

Вицепремиерот за економски прашања Кочо Анѓушев, изјави дека економијата во земјава бележи континуиран раст, дека се раздвижени активностите во сите сектори, а тоарезултира со значително намалување на невработеноста и зголемен притисок на пазарот на труд за покачување на просечните плати. Тој денеска на прес-конференцијата го презентираше моделот за поддршка за изградба на нови фотонапонски електрани на државно и приватно земјиште. Анѓушев потсети дека Владата ја презема економијата со негативна стапка на раст од -1,7 отсто... Читать дальше...

Деветмина полицајци биле убиени во напад на бунтовничката војска Аракан во западната држава Ракине во Мјанмар, соопшти денеска тамошното Министерство за информирање. На сајтот на Министерството се наведува дека 60 припадници на војската Аракан синоќа нападнале полициски пункт, кој обезбедувал едно државно средно училиште каде што се одвивал приемниот испит. Државата Ракине во Мјанмар е позната како место на бруталната кампања на армијата против муслиманското малцинство Рохинџа, поради што над 700 илјади Рохинџа избегаа во соседниот Бангладеш.

Украинската полиција соопшти дека 22 полицајци биле повредени во судиите со припадници на крајната десница кои се обиделе да ја нападнат претседателската поворка во пресрет на изборите закажани за овој месец. Полицијата денеска соопшти дека 19 полицајци вчера биле хоспитализирани во градот Черкаси, каде што поддржувачи на партијата Национален корпус се обиделе да ја блокираат автомобилската поворка на претседателот Петро Порошенко, барајќи апсење на личностите поврзани со наводниот воен корупциски скандал. Читать дальше...

Тунискиот министер за здравство Абдерауф Шериф поднесе оставка по смртта на 11 новороденчиња во болница во главниот град Тунис, само четири месеци откако беше именуван на функцијата, пренесува Би би си. Сите бебиња починале од септички шок во породилиштето Рабта во четвртокот и во петокот. Туниското педијатриско друштво на Фејсбук објави дека инфекцијата може да биде предизвикана од производот за интравенозна исхрана и ги повика властите да го расветлат случајот, критикувајќи ги „опасните услови“ во кои работат здравствените работници. Читать дальше...

Големи групи луѓе се собраа во будистички храм во северна Индија за да ја одбележат 60-годишнината од неуспешниот тибетски бунт против кинеската власт. Следбениците на Далај Лама извикуваа и се молеа во храмот Дарамсала, каде што 83-годишниот тибетски духовен водач ја формираше владата во егзил, откако избега по кинеското задушување на бунтот во 1959 година. Далај Лама не беше присутен на церемонијата, но присуствуваа претставници на тибетската администрација во егзил и странски претставници. „Тибет им припаѓа на Тибетанците“... Читать дальше...

Вкупно 30 лица кои вчера биле на лет од Истанбул до Њујорк биле повредени, откако авионот на „Туркиш ерлајнс“ во кој се наоѓале бил зафатен со силни турбуленции, соопшти денеска авиокомпанијата. „Дваесет и осум од нашите патници и двајца членови на екипажот беа полесно повредени поради турбуленции на нашиот лет кон аеродромот ЏФК во Њујорк“, објави турската авиокомпанија на својата веб-страница. Авионот со 326 патници и 18 членови на екипажот безбедно слета на аеродромот Џон Ф. Кенеди, соопшти компанијата. Читать дальше...

Сите патници од авионот на Етиопијан Ерлајнс, која се урна утринава кусо по полетувањето во Адис Абеба, се загинати, соопшти авиокомпанијата. Етиопијан Ерлајнс денеска соопшти дека во авионот Боинг 737, кој полетал кон главниот град на Кенија, Најроби, имало 149 патници и осум членови на екипажот. Имало патници од 33 различни држави. Авионот се урнал во близина на градот Бишофту, околу 50 километри југоисточно од главниот град Адис Абеба. Причините за несреќата засега се непознати.

На полноќ заврши собирањето потписи за кандидатите за претседател на државата. Досега, потребните 10 илјади потписи ги собраа Гордана Силјановска – Давкова, Стево Пендаровски и Блерим Река, со што засега се сигурни кандидати во претседателската трка. За шестите претседателски избори потписи собираа и Филип Петровски, Димче Петровски, Јосив Мирчевски и Господин Попоски. Се очекува Државната изборна комисија, по пребројувањето на потписите, да излезе со соопштение за бројката на кандидати кои го исполниле условот. Читать дальше...

Во Северна Кореја денеска се одржуваат парламентарни избори, со единствен избор на располагање - владејачката работничка партија. Ова се втори избори за членови на Врховниот народен собир, откако лидерот Ким Јонг Ун ја презеде власта. Изборите за членови на законодавниот дом во оваа комунистичка земја се одржуваат на секои пет години. На секое од гласачките ливчиња има по едно одобрено име. Гласачите теоретски би можеле да го пречкртаат името на гласачкото ливче, но не е познато дека такво нешто некогаш се случило. Читать дальше...

Патнички авион на Етиопијан ерлајнс се урна на лет од Адис Абеба до главниот град на Кенија, Најроби. Во Боингот 737 имало 149 патници и осум члена на екипажот, соопшти денеска авиокомпанијата. Портпаролот на авиокомпанијата изјави дека несреќата се случила во близина на етиопскиот град Бишофту, околу 50 километри југоисточно од Адис Абеба, кратко време по полетувањето од главниот град. Од Етиопијан ерлајнс соопштија дека операциите за пребарување и спасување се во тек, но не дадоа детали за бројот на жртви. Читать дальше...

Во Белград синоќа се одржа 14 -от по ред протест против владеењето на претседателот Александар Вучиќ и неговата партија Српска напредна партија. Протести под слоганот „Еден од пет милиони“, освен во Белград, се одржуваат и во Нови Сад, Ниш, Крагуевац, Ужице и во повеќе други градови ширум Србија. Протестот во Белград беше одбележан со „блокада за предупредување“ на зградата на РТС, под паролата „Доста ве гледавме вас, сега ќе не гледате нас“. Луѓето кои протестираат ја опколија зградата на РТС... Читать дальше...

Премиерот и лидер на СДСМ, Зоран Заев, вечерва во 20 часот во Владата ќе се сретне со претседателот на ВМРО-ДПМНЕ, Христијан Мицкоски. Како што е најавено, тие ќе разговараат за претстојните претседателски избори, реформските закони и сè што е во интерес на државата, како што најави Заев. Според Заев, за оваа средба нема потреба од формат на повеќе политички партии. Тој рече дека е важно да разговараат за евроинтеграцискиот процес , оти и процесот за членство во НАТО не е завршен се уште. „... Читать дальше...

Денеска не очекува сончево време со мала до умерена облачност и со слаб до умерен, во западните делови повремено засилен ветер од западен и југозападен правец. Дневната температура ќе се движи од 14 до 25 степени. Во Скопје температурата ќе се искачи до 22 степен. Од утре вечер, под влијание на влажен и постуден бран ќе настапи значителна промена на времето. Ќе има локални врнежи од дожд, а на планините од снег и ќе дува умерен до засилен северен ветер. Врнежите ќе продолжат и во вторник, а температурите ќе бидат во значително опаѓање.

Ако се направи систем којшто ќе значи гаранција на човековите права и на владеење на правото, јас би размислил да дадам поддршка на понатамошно постоење на СЈО, вели пратеникот Илија Димовски од ВМРО-ДПМНЕ во неделното интервју на Радио Слободна Европа.

Целта на Преспанскиот договор, како што ја разбираме, е членство на Македонија во НАТО и ЕУ, но тоа не значи дека содржината на договорот е прифатлива од аспект на македонските национални интереси, вели пратеникот Илија Димовски.