Новости за 09.03.2019

Претседателот на ВМРО-ДПМНЕ, Христијан Мицкоски изјави дека на утрешната лидерска средба со Зоран Заев повторно ќе го отвори прашањето за предвремени парламентарни избори. Тој потсети дека досега неколкупати бараа предвремени избори, но, како што вели, власта изнаоѓала изговори тоа да не го прифати. Утрешната средба е на барање на ВМРО-ДПМНЕ. Мицкоски вели дека не неа ќе се разговара за реформските закони, за иднината на СЈО, за политичкиот прогон и за се она што актуелно и суштински важно за граѓаните. Читать дальше...

Најмалку 87 патници од еден јапонски брз траект денеска биле повредени, откако бродот се судрил со некое морско животно, соопшти јапонската крајбрежна стража. Петмина од повредените се со сериозни повреди. Несреќата се случила кај јапонскиот остров Садо. Се претпоставува дека бродот се судрил во грбав кит, кој го има во тој предел. На бродот имало 121 патници и четворица членови на екипажот.

Руското Министерство за надворешни работи соопшти дека денеска бил конфискуван „предмет сличен на минофрлачка граната“ од багажот на вработен во Американската амбасада во Москва на аеродромот Шереметјево, објави руската новинска агенција ТАСС. Во извештајот се наведува дека на предметот имало детонатор, но оти немал експлозив. Според Агенцијата, руското МНР го смета инцидентот за „провокација“. Инцидентот се случува во период на затегнати односи меѓу двете земји, откако САД минатиот месец одлучи... Читать дальше...

Јапонката Кане Танака, која има 116 години, сака математика и смета дека ова ѝ е најдобриот момент во животот, е прогласена за најстар човек на светот, соопштија денеска претставници на Гинисовата книга на рекорди. Кане Танака е родена на 2 јануари 1903 година, кога браќата Орвил и Вилбур Рајт го имале првиот успешен авионски лет во историјата, што се смета за почеток на модерната авијација. Официјалното влегување во Гинисовата книга на рекорди беше обележано во старечкиот дом во Фукуоака во западна Јапонија. Читать дальше...

Лидерската средба меѓу премиерот и претседател на СДСМ, Зоран Заев и претседателот на ВМРО-ДПМНЕ, Христијан Мицкоски ќе започне утревечер во 20 часот во Владата, информираше денеска Заев. Тој вели дека на средбата ќе се разговара за претстојните претседателски избори, реформските закони и сè што е во интерес на државата. „Ќе почекам утре да видам кои се барањата, ќе ги соопштам и нашите предлози и сите заедно како одговорности на сите политичари и политички партии ќе разговараме. За деталите е преурането и не би ги коментирал“... Читать дальше...

Координаторката на Форумот на жени на СДСМ Цветанка Ласкова на денешниот марш најавизаложби бројот на жени во политиката до 2020 година да се зголеми на 50 проценти. Форумот беше организатор на денешниот марш по повод меѓународниот ден на жената 8 Март. Маршот се одржа под слоганот „Еднакви! Можеме!“ . „Испраќаме силна порака, еднакви сме. Борбата за еднаквост продолжува. СДСМ немаше да бидат борци за демократија без жените“, рече Ласкова. За тоа зошто маршот се одржува еден ден по интернационалниотДен на жената... Читать дальше...

Лидерот на најголемата албанска опозициска партија, Демократската (ДП), Љуљзим Баша ги отфрли информациите дека обединетата опозиција има поддршка од Москва за одлуката да се откаже од пратеничките мандати и масовните антивладини протести. Баша изјави дека ваквата пропаганда е потсетување на пропагандата од времето на Енвер Хоџа. „Младите луѓе можеби не се сеќаваат. Кога ништо друго не се случувало бил измислуван надворешен непријател кој го поддржувал внатрешниот противник. И сега, во овој случај... Читать дальше...

Претседавачот со британската Конзервативна партија, Брендон Луис, денеска ги повика пратениците да гласаат за Договорот за излегување на Велика Британија од ЕУ. Тој ги предупреди пратениците, меѓу кои и членови на неговата партија, дека доколку парламентот наредната недела го отфрли Договорот, постои можност Велика Британија на крајот да остане во ЕУ. Брегизт стапува на сила на 29 март и засега не се знае дали тој датум ќе биде одложен, ниту дали Велика Британија, чиј парламент засега се противи на Договорот... Читать дальше...

Северна Кореја може да се подготвува за лансирање ракета или вселенска ракета, објави американското Национално јавно радио(НПР). Тие објавија дека имале ексклузивен пристап до сателитски фотографии од фабриката Санумдонг, која Пјонгјанг во минатото ја користеше за производство на ракети и вселенски ракети. Фотографиите биле направени од компанијата ДиџиталГлоуб неколку дена пред средбата на претседателот Доналд Трамп со лидерот на Северна Кореја, Ким Џонг Ун, во Виетнам. На сликите наводно се гледаат вагони... Читать дальше...

Министерот за надворешни работи Никола Димитров вели дека во односите со Грција е свртена нова страница, но таа е бела и треба да се испише. Тој во интервју за грчкиот весник „Ефимерида тон синдактон“, вели дека претстојат многу предизвици кои произлегуваат од Договорот за името. Како што вели, има практични предизвици, кои се однесуваат на промената на името, а потоа и оние кои што се поврзани со имплементацијата на вториот дел од договорот „важен за ослободување на огромен потенцијал за соработка и пријателство“. Читать дальше...

Објавен е предлог текстот на законот за висока раководна служба. Доколку овој закон се донесе, во иднина високите раководители во администрацијата ќе се вработуваат преку јавен оглас и преку систем на заслуги, во отворен натпревар на кој ќе може да учествуваат сите граѓани со високо образование. Во наредните 20 дена сите заинтересирани ќе имаат можност со свои коментари, забелешки и предлози да придонесат кон подобрување на текстот на Законот. Секој висок раководител ќе треба да се избира преку индивидуализирана процедура... Читать дальше...

Предлог буџетот за следната година на САД, изготвен од администрацијата на претседателот Доналд Трамп, предвидува 750 милијарди долари за воени трошоци, а кратење за 5 отсто на другите трошоци кои не се поврзани со одбрана. Официјален претставник на американската администрација објави дека бројките предвидени со буџетот, кои официјално треба да се објават следната недела, ќе доведат до избалансиран буџет на САД во следните 15 години. Сепак, оваа проекција се базира на претпоставка за енергичен економски раст... Читать дальше...

Aгенцијата „Стандард енд пурс“ (Standard and Poor’s) соопшти дека го потврдува кредитниот рејтинг на Северна Македонија ББ-, со стабилен изглед. Според извештајот, решавањето на спорот со името е круцијален позитивен чекор, и ги отвора вратите за членство во НАТО и почеток на преговорите за членство во ЕУ во текот на 2019 година, што би можело да ги забрза структурните реформи. Според кредитната агенција, враќањето на политичката стабилност било значајно за забрзување на динамиката на економскиот раст. Читать дальше...

Форумот на жени на СДСМ денеска организира марш по повод меѓународниот ден на жената 8 Март.Маршот ќе почне напладне пред зградата на ЕУ -Инфо центар во Скопје, а ќе заврши во градскиот парк во Скопје (Школка). Говор ќе одржи координаторката на Форумот на жени, Цветанка Ласкова, а предвидено е на настанот да се обратат и претседателот на СДСМ и премиер Зоран Заев и кандидатот за претседател на државата од СДСМ Стево Пендаровски.

Денеска на полноќ завршува собирањето потписи за кандидатите за претседател на државата. Засега сигурни кандидати во претседателската трка се Гордана Силјановска – Давкова, Стево Пендаровски и Блерим Река. Заедничкиот кандидат на владејачката коалиција, Пендаровски, доби поддршка од над 60 пратеници во Собранието, а собираше и потписи од граѓани. Тој собра над 32.000 потписи во канцелариите на ДИК. Кандидатката на ВМРО-ДПМНЕ, професор Гордана Силјановска - Давкова потребните граѓански потписи ги собра за само еден ден. Читать дальше...

Времето денеска ќе биде сончево и топло со умерена локална облачност и со слаб ветер од западен и југозападен правец. Дневната температура ќе се движи од 14 до 24 степени. Во Скопје температурата ќе се искачи до 21 степен. Од понеделник вечер, подвлијание на влажен и постуден бран ќе настапи значителна промена на времето. Ќе има локални врнежи од дожд, а на планините од снег и ќе дува умерен до засилен северен ветер. Врнежите ќе продолжат и во вторник, а температурите ќе бидат во значително опаѓање.

Уште месец и половина остануваат до шестите по ред претседателски избори во земјава. Речиси е сигурно дека главната битка за фотелјата ќе ја водат Гордана Силјановска-Давкова и Стево Пендаровски. Критичката јавност не исклучува црна кампања, а предност му дава на консензуалниот кандидат Пендаровски.